الموءودة

الـــبـــارت " ²² الــثــانــي و الـعـــشــريــن ²² "

امل : عفية هسة شلوون الله يخليجن
شلون بيةةة راح اموت

رند : انتبهنا ع امل صارت صفره كركم

لج صرتي صفرة
دمج وين؟
شكو قابل

امل : عيوني عيوني دبرني
اكيد اهل زيدون
اكيد دبرني عيوني

لمى : اتهسترت گامت تبجي حضنتها

لا تخافين ميصير شي اذا ع ابوية و مهيمن هي بس كتله و رايحة

رند : اي امولة يمعوده شبيج قابل اول مرة مكتوله
لاتخافين ناكل كتل وياج نخفف عنج

امل : يارب لطفك
اني بعد ما اروح للمستشفى

رند : اطمني هم راح يبطلوج

امل : حسيت و احساسي ماغلط هالمره  احساسي بالمصايب ميخيب
و انگلبت الامة بالليل ..

ابو امل : ااااامل
امل

لمى : امسحي وجهج و عادي گوليلهم ماريده مراح يصير شي لتخافين

امل : اي ماريده

رحت للهول جان ابوية و امي و مهيمن گاعدين

ها يابة

ابو امل : منو هذا دكتور زيدون

امل : نشف دمي اباوع ع وجه مهيمن عبالك عزرائيل بعيونه

ماعرفه

مهيمن يصرخ : شلوووون مااااا تعرررررفي هاااا

ام امل : يمة ع كيفك

ابو امل : لا تحجين ام مهيمن

امل بارتباك : ماعرفه

مهيمن : لججج طبيب يمج و متعرررفي

امل : اني بالصيدلية من يبدي الدوام لحد ميخلص ماعرف الاطباء
منين اعرفه قابل

ابو امل : الولد داز اهله علمودج

امل : ماريده يابه رافضته

مهيمن : خايفه من مصيبتج و ترفضين اكيد
ااااامل شعندج ويااااااه

امل : والله ماعندي شي والقرآن

مهيمن : لعد اشلوون اتجرأ و دز عالم
غير حاااجي ويااااج

امل : داگوووول ماريده والله ماريده
لو عندي شي وياااه ليش ارفضه

ام امل : مهيمن البنيه گنطره ياهو اليجي يعبر هي بنية و حلوة و صيدلانية اكيد يريدوها الناس

ابو امل : امل روحه للمستشفى بعد ماكو

امل : صار يابه ماروح

ابو امل : روحي لغرفتج

امل : رحت للغرفة و گلبي بحنجرتي

اول مطبيت للغرفة طگيت بجي

رند : اشبيج تبجين كافي ..

امل : عوفني عفية
عووفن

حسيت دابجي بجي سنين  عليمن دابجي
ع روحي لو ع زيدون
و ليش دابجي
صورته ابالي و ابجي