الموءودة

الــبــارت " ¹³ الــثــالــث عــشــر ¹³ "

البنية تفتخر بالناس اليجوها الااا اني ماتمنى يجوني لان اخااااف .. راح تعرفين شعوري من تكبرين بعد و تصحين ع الدنيا اكثر

دفنوننا بالحياة امل .. احنا مدفونات و مندري ..! دفنونا امل افتهمي عدل ..

امل : كلامها و حرگة گلبها تاذي المقابل الله يساعدها لعد اشكد بداخلها الم ..

رند : ترا اذا يبقون يطردون العالم مترحمنا ادري لا ولد و لا بنية متزوجين شتكول الناس .. بينا خيط خبال شنو ..؟

لمى : هو الله مديرحمنا تريدين الناس ترحم .. صار اشكد احنا جوا هيج ظلم .. الله مو ديشوف .. مووو لوو مو موو منوو يساعدنا اذا الله ميساعدنا ..منووو؟؟

امل : و نعم بالله لمى و نعم بالله اكيد الله ضام النا قدر اجمل .. ماعلينا غير بس نصبر شنسوي ..

خلصت العطله قهر بقهر .. كلما اكبر اكثر كلما اصحى اكثر ع مصايب الدنيا ..
مر شهر ع الدوام صرت لا ابالية اكثر و اكثر .. حتى كلام الناس ماعاد يهمني .. مثل مكالت لمى بكل الاحوال اني مدفونه اني ماعندي حق مثل باقي البنات الحولي .. ع شنو اهتم بعد ..

رغد : امول كومي ناكل قبل محاضرة العملي .. راح انام ساعتين بالمختبرات

امل : و الله مالي نفس رغد حتى مابية اكوم ..

رغد : اشبيج .. طبعا هلكد ما ضعيفه اكيد بيج فقر دم .. ولج اكلي ..

امل : الله اعلم .. فقر مو فقر ميهم

احمد : رغود سجلتي بعزيمة باجر

رغد : لاا اشو محد كالي عزيمتيش ..؟

منار (( زميلة بالقاعه))

: هيج عزيمة بيناتنا مابيها فلوس بس كل واحد يجيب اكل ويا

رغد : حلوو اي اي طبعا اجي .. اني علية الدولمةة ماشي

منار : ههه حجزوها قبلج الدولمة سجى راح تجيب دولمة

رغد : يووو لعد شلون اني شاجيب ..؟

منار : امل انتي شتجيبين ..؟

امل : جنت كاعده ءاشر بكتابي و هم واكفين فوك راسي يتفقون .. اني متدخلت لان متهمني هيج شغلات .. اصلا مابية حيل .. حجت ويايا رفعت راسي ..

اني ..!؟

منار : اي اكو امل غيرج بالقاعه ..!؟

امل : لاا ما اشارك عمري .. رجعت ءاشر بالكتاب ..

منار : ليش متشاركين شكو بيها ..؟

احمد : احضري هيج عزايم حتى تصير بيج لحمة اشبيج

امل : صفنت ع القلم .. هذاا شنو ديحجي ..!!؟؟ ركعت القلم و رفعت راسي ..

عود من اشتكيلك من ضعفي اتفضل و انصح .. تمام