الموءودة

الــبــارت " ₅ الــخــامـــس ₅ "

خطف من يمي و بعيونه سحب كل مرحلة الطفولة وياه ..

سكن كولشي بداخلي بس صوت المطر اسمع
وصلت للبيت اريد بس اختلي بروحي
اريد افهم نفسي ماعدت افهمها
كمت احسني غريبه عني ..؟؟؟

مر اليوم حتى مفتحت كتاب و لا اكلت و لاا اجاني نوم و اشكد صيح علية مهيمن و رزلني مارديته بحرف خلكي مو الي حتى ارد

صار عندي ارق
وجهه
نظرته الي
و المطر
احلى ثلاثي اجتمعن بحياتي

كعدت ثاني يوم دوامي ظهري
حضرت دروسي من الصبح و حليت واجباتي

هفففف شبيةةة ادري و عفت كل هذاا

رند : يللا يللا الساعه بالـ 11 كوومي بدلي

امل : دقايق اصبري ..

رند : كومي اني الم هوستج و اخليها بالجنطة بس كومي بدلي

امل : كمت بدلت و طلعنا 
وين بيتهم
شسمه .
اذا من مدرسة الولد ليش مشايفته قبل
ليش هيج ظهر فجاءة
و ليش يباوعلي
راسي راح ينفجر

رند : اشبيج مو ع بعضج من البارحة

امل : مابية

رند : عبالج ماحاسه بيج
اكو شي مو

امل تاخذ نفس عميق ثم تصمت 

رند : من هاي الحسرة معناها اكو

امل : اي
شفت الولد

رند : كولي والله
وين احجيلي اشوكت
ولج اشو مادري
تضمين ع اختج

امل : البارحه رند من جنا نمشي شفته

رند : ياااا
وليش مشوفتينياه هاااا

امل : هوو اني ادري راح اشوفه اشمدريني فجاءه صار كبالي
اصلا ناسية السالفه

رند : اي معناها من مدرسه الولد اذا شفتي بهاي المنطقة

امل : هذا الي مخبلني
ليش مشايفته قبل
زين شلون هيج ظهر فجاءة

رند : لا ظهر فجاءه و لا شي انتي جنتي متشوفين احد كبالج جنتي طفلة هسه تغير الوضع فاكيد تنتبهين له

امل : مادري رند
والله مادري تهت

رند : اكيد راح تشوفي اذا بمدرسه الولد  باوعي امول من تشوفي اعصري ايدي
صار فضول اطك اذا ماشوفه

امل بضحكة : انتي متبطلين سوالفج  ميخالف عود دخلي اشوفه اول

وصلنا لمروة و مناك طلعنا للمدرسه
الطريق كله اريد اشوفه و ماريد
اتناقض الشعور بداخلي
خوف مادري

وصلنا للمدرسه و جانو الولد حالين من دوامهم
بمجرد فكره راح اشوفه
گلبي طلع من صدري
اتخربط وضعي حتى مكمت اعرف امشي