الموءودة

الــبــارت " ₁₅ الــخـامــس عــشــر ₁₅ "

امل : رفعت راسي شفت امجد

اجه من بعيد اريد اختل بمكان

_ رغد
نسيت ملزمتي بالقاعه
ارجع اجيبها

رغد : ننتظرج؟

امل : لا لا ماكو داعي

رغد : ماشي

امل : رجعت ع السريع للقاعة گعدت بالاستول اخذت نفس

هففف لحكت ع روحي
مادري شيصير بية من اشوفه اتوتر و وضعي كله يتخربط
و بعدين شنو هالصدف تعبت
ماكووو هيح

نمت ع الاستول

_ اريد ارتاح تعبت

امجد : شفتها من بعيد واگفة يم رغد جان تشرد
ليش هالدرجة خايفة ؟

رغد : هاا امجد

امجد : يللا اتصل ابو الخط اكتمل العدد

امل : طلعت ورا عشر دقايق ابوك الطريق بوك
ماكوو راحوو
الحمدلله

رحت لگيت رند واگفة تنتظر

رند :هاي وينج اول مرة مالگيج

امل : اسكتي و خليها
امشي امشي بالطريق اسولفلج

رند : شصاير؟

امل : امجد جان ابنايتنا

رند : اي

امل : شفته و شردت للقاعة انتظرت دقايق و طلعت

رند : خرب بسوالفج شصار عاد

امل : رند راح اتخبل
يعني شنو هالصدف

رند : شيسوي جاي لكليتكم ؟

امل : رغد صديقتي وياه بالخط يجي ياخذها

رند : اها
اي والله خوش صدفة

امل : يا خوش انتي الخ
لشوكت ابقى شاردة و اتختل

رند : والله محد گالج اشردي
قابل شايفة سعلو

امل : مادري
اخاف منه اخاف

رند : ليش سوة شي ؟

امل : لاا ليش افتري عليه
بس يباوع اخاف منه لان يباوعلي

رند : خلي يباوع خلق الله و ديباوع ع خلق ربه

امل : هسة لتخليني احجي و انوب الله يغضب علية
اشلوني عاد و خلق الله

رند : مشكلتج ثقتج بنفس صفر

امل : ولج مو قصه ثقه
بس هذا واقع حال
اني بس عظام و الحمدلله ماعترض بس حقي احمي نفسي و ابعد الناس

رند : حقج

امل : و بعدين رند
تعرفين وضع البيت انتي

رند : اجل اعرف لا رادع لهم هاي انتي الاخيرة راح تمشين ع خطى لمى و خطواتي