الموءودة

الـــبـــارت " ₇ الـــســـابـــع ₇ "

اروى : ههههه ..

خلي انشوف امل ام الاخلاق طلعت همين تحب و تدور ولد
بسيطة امل الا ابين وجهج المضموم للمدرسة .

امل : خلص الدوام طلعت دامشي سمعت صوت رند

رند : امل

امل : هاا

رند بابتسامة : اجي وياج

امل : لاا رنود ارجعي ويا صديقاتج اني عادي ارجع وحدي

رند : امشي امشي

امل : طلعنا نمشي بالطريق صح طلعت من مرحلة طفولتي صح حبيت واحد
بس بعدني ماشوف ولد عدا مسلم محد بعيني ولد

رند : تدرين امول

امل : شنو

رند : صديقتي انتقلوا اهلها قبل اسبوعين و بقيت وحدي

امل : ياا لعد ويامن جنتي ترجعين

رند : اشكل وية اي مجموعه بنات من صفنا عادي

امل : و ليش مجيتي وياية

رند : معبالي متزاعلات انتي و مروة گلت ميصير اطب بنصهن كل يوم
وبعدين اخاف تملين مگابله وجهي هنا و بالبيت

امل : ههه دسكتي عادي

رند : هسة اجتي من الله
تتذكرين بالابتدائية من يكتلوج الجهال

امل : يووو جنت اشبع كفخات منهم

رند : هههه اي و اطلعلج فزعات جنت استمتع من اكتل الولد

امل : ادري بيج وكحة

رند : لخاطرج بس هاا
ولج احس روحي مسؤولة عنج اي شي يصير بيج اكل بروحي

امل : فديتج

مرت الايام بديت اشوي اشوي اطلع من حزني و الكأبة بمساعدة رند
متركتني روحه و رجعه وياية بس الماضي وية مروة و لهفتي لايام قبل تذبحني

گاعده بالغرفة بقيت اباوع ع لمى اشكد حلوة هنيالها اكيد متواجه الـ واجهته اني اذا حبت محد راح ينتقص منها

لمى : گاعده اقرا المحاضرات انتبهت ع امل صافنه علية و تبتسم ضحكت

هاا امولة شنو الشي الحلو المر بخيالج و ابتسمتي علموده هاي الابتسامه الـ تخبل

امل : انتي

لمى : اني!
مممم فديتج و شلوني ابخيالج

امل : مثل الواقع تخبلين و زيدي عليه حب الخوات يعني صرتي ماكو منج بالدنيا

لمى : ههههه يمة فدوة
رغم صغيره بس لباقتج و عقلج مال كبار

امل : صدك ..!

لمى : تدرين اكو بنات بالكلية يروحن فدوة الج و لتفكيرج

امل : ليش شبيهن