الموءودة

الــبـــارت " ₈ الـــــثـــــامــن ₈ "

رند : لزمت ايده

اااانت واااحد مررريض نفسيااااا روووح اضرب ابرررر

صار يضربني بوكسيات و دفرات هو و ابوية معافوني الا كسروني اني بين رجلينهم و اباوع ع امل گاعده بالگاع لازمه حلگها و تعيط و تبجي
عافوني و طبوا باوعت ع السما

دتشوف موو
و ساكت ..!
ليش؟
ليش تنطي بنات لهيج واحد ؟

امل : من الي شفته والي صار حسيت روحي دتطلع من الخوف و البجي  ورا مطبوا زحفت عليهن

رندد رندد لمى

ساعدت لمى و گومتها للغرفة و رجعت ع رند

گومي رند جوا

رند : عوفيني ماحتاج مساعده
اني اكوم

اذا اكو مساعده نحتاجها هي مساعده الي خلقنا
مو يخلق و يتخلـ..!!
استغفرالله

امل : طبينا للغرفة و سديت الباب ابوية بقى يصيح يغلط علينا و ع امي  گمت ابجي ع امي

رند : لا تبجين امل ماعدنا صغار كبرنا و صرنا نواجههم وية امي
قبل جنا نعيط و نختل و هي تتحمل كولشي وحدها
هسة الدور النا نشيل حملها خليها ترتاح

امل : رند ابالي صورتها من تتوسل و هم يطردون بيها
اريد امووت رااح اموت من القهر
  اتعقددت والله اتعقدت

رند : مو اقل منج قهري عليها
بس الشي الوحيد الي مريحني امي طلعت من سجنهم

امل : لمى خلي اگومج ع الجرباية
ليش نايمة بالگاع

لمى : لاا لاا
لاتلزميني ايدي مكسورة

رند : عوفيها مراح تموت بالگاع
منمووت امل ثقي بالله منموت
لان الموت النا راحة

امل : وينج يمةةة
وينج

گعدت بالزاويه كمت اشهك بالبجي ع حالنا 
بقينا بالغرفه لليل
لا دوام و لا اكل و لا صلاة اخاف حتى اطلع راسي نمنا و دموعنا تارسة المخاد
و اشكد توجع دموع المظلوم و من اقرب ناسه
گعدنا الصبح ع صوت ابوية ..

ابو امل : يللا اگعدن و ع مدارسجن ززين
مو مصدكتن تختلن
وراية شمات و فشلجن ينزل راسي يللا

رند : اني ماگدر بيا وجه اروح و خشمي و حلكي مورمات

ابو امل : حتى تحترمن نفسجن و تتعلمن التربية

امل : رحت وحدي بيومها للمدرسه خوفا من ابوية حتى ميعتبره عناد و قلة ادب
داومت و اني بغير عالم
صفنة توديني و صفنة تجيبني

اروى : شوفي العاشگة اليوم مو ع بعضها

مروة : و شعلينا بيها يمعوده

اروى : وجهها مورم و عيونها شوفي مبين كاضية الليل كله بجي ع حبيب الگلب

مروة : هههه تكبر و تنسى