الموءودة

الـــبــــارت "₂₀ الــعـــشــريـــن ₂₀"

رند : فجاءة لزمت صفحتها  و گعدت

شبيج؟

امل : مادري صار فترة يجي الالم و يروح

رند : اخاف تريد تجيج الدورة

امل : يمكن لان دائما الم يسبقها

رند : انتي ليش متاخذين حبوب نو بين
يعني عناد الا تتوجعين

امل : هههه لا تحجين بالالم بحضرتي عيب
اني گطن تنگع حيل بالوجع
اصلا ماعدت احس

رند : ع گولة هذا الجيل يعني صار ميخوف جلبج ههههه

امل : ههههه

رند : امل صدوك شكد تحملتي من دگات هالناس
بس ردود افعالج بارده هاي لو اني الا اشحط كلمن يسبب الم الي و ازفه

امل : اي وداعت مهيمن

رند : لاا ولج هذا حكم الظالم ع المظلوم
ماگدرله

امل : يعني شتريدين اسوي مثلا الزم مروة اكتلها
لو اعيط و اصيح و الطم بنص القسم ع رغد

و الفايده شنو؟
دائما ورا كل حرب افضل شي يسوي الطرف الخسران يدفن موتاه

رند : و هاي نضل ندفن و نسكت ؟

امل :  مسلم حب مراهقة و مروة اذتني اكثر منه الذكريات تأذيني
و امجد هواي حبيته
حبيته حب بالغين مو مراهقين
هدمني
رند شصار لو جاي حاجي وياية؟

رند : هففففف هففف
انتي شجابج ع رغد
اشلوون صادقتيها خرب بيها

امل : والله ابتعدت عن كل الناس و مردت اي قريب عني
بس قدر

گطعت رزق بس متگدر تملي النقص الي بيها  و لا راح تملي

رند : تحجي و عيونها يدمعن امل متعرف تخفي الم ابد و لا تعرف تخفي حب بداخلها

_ انتي ينطبق عليج الـي يشمرني بحجر اشمره بورد
نعلعلا دفت جده الي ياذيج امل

امل : شمروني بسيوف ياليت لو حجر 
المهم هاي الصفحات هي طوت نفسها

الي مخوفني الجاي مجهول
رند وصلت لقناعه اني وين ما اتوجه اواجه شياطين مو ناس
و الله اعلم شراح اواجه هالمرة لهذا السبب ما متحمسه للشغل و لا الي واهس اختلط

رند : خليج حذرة

امل : مو جنت حذرة بالكلية .

رند : الله يجيرج شر الناس امل انتي متستاهلين

امل : الحمدلله ع كل حال

بيوم الاحد ابوية وداني لان اول يوم و ع الاتفاق جانو محتاجين صيدلانية حتى بدون مقابلة وجهوني لصيدلية المستشفى لان عن طريق معارف ابوية

طبيت للصيدلية بداخلي خوف من المجهول و قسوة التجارب الي راحت و ضعف گلب انسانة

السلام عليكم