الموءودة

الــبــارت " ³ الــثــالــث ³ "

امل : صارت عيني بعين ولد ..

نسمة هوا مرت عليا
نسمة غريبة ما مرت بية من قبل

نزلت عيني ع الاسئلة
اباوع ع الاسئلة بس ماشوف شي عيوني غوشن
اشبية ياربي
دگات گلبي تخوفني كامت
لزمت القلم بس ايدي متاخذ امر تكتب  عيونه الكبار انطبعن براسي ..

اخذت نفس طويل ردت الارتباك يروح مني .. بقالي بس سؤال اريد احله و اشرد منا
ابد مشلت راسي بعد
اجاني احساس اريد ابجي مادري ليش
مرت عشر دقايق و رجعت احل السؤال ع كيفي حتى ماغلط حاولت اركز و مافقد تركيزي ..

كملت كمت انطيت دفتري و طلعت بدون مالتفت وراية
بعدني تايهة امشي و ماشوف كدامي
رحت كعدت بالحشيش انتظر مروة ..

مروة : اشو فاتت من يمي و طلعت كبل رحت عليها

يااا ولج اشبيج ثول عمية خوما عمية ..

امل : هاا .. شنوو؟

مروة : شبيج كاعده خوما مريضة ..؟

امل : لاا لاا

مروة : لعد اشبيج كعدتي ..؟

امل : دانتظرج تطلعين ..

مروة : يااا ..؟؟
ولج طالعه قبلج بسنة
الاسئلة دوختج لازم دكومي كومي

امل : اي اي كمت ..

حتى ماعرف شاريد ..؟ منوو هوو ..؟
لاا لاا ماريد اعرف منوو ..!
زين ليش داير وجهه و يباوع ..؟؟ 

مروة : الطريق كله تمشي و ساكته ..!!

اشو ساكته ..؟ مو من عوايدج تسكتين ورا الامتحان ..؟

امل : لاا .. بس شاحجي؟؟

مروة : اشبيج مو طبيعية اليوم
ورا كل امتحان تصرعين راسي هذاا صح عزااا هذااا غلط
اشبيج ساكته اليوم و امتحان وزاري ..؟

امل : تعبت
ايدي تعبت من الكاتبه
بس الحمدلله جاوبت

مروة : من هذاا ساكته و مرتاحه
اي والله اني همين اكتب و مالحك تعبت الاسئلة اشكد مطولة

امل : اي بس عدت ع خير
خلصنا من اول امتحان ..

وصلت للبيت بس ردت انام لان سهرت البارحه صليت و كبل نمت  كعدت العصر اكلت اشوي و كعدت اقرا عربي ..

اجا ابالي الولد ..!
مادري احساس غريب حسيت .. مدافهم ..؟؟

اني مو اول مرة اشوف ولد ..؟ ليش هلاحساس ..
هفففف مو وكتها حاله حال هالولد ..

ابو امل : هاا بابا كعدتي ..؟

امل : اي يابة كعدت
جنت سهرانه البارحه ..
راسي راد ينفجر لو منايمة ..

ابو امل : كالتلي امج
شلونها بنيتي اليوم بالامتحان ..؟

امل : الحمدلله ماصعب علية سؤال