الموءودة

الــبــارت "₁₆ الــســادس عـــشــر ₁₆"

امل : كملت الطريق وحدي اريد اطلع من البناية وصلت للبوابة

صرت وجه بوجه وية امجد

ليش كلما يخطر ابالي اشوفه گبالي؟
شلون هيج يطلع من العدم

امجد : صارت بوجهي مادري انصدمت بجمالها مادري كيفت بشوفتها وگفت بقيت صافن عليها نزلت راسها

امل : ماصارت عندي جراءة اشيل عيني بعينه كملت طريقي و مشيت

واثق يطلق صفارة : لك لك
منوو هاي
اخاف مو امل

امجد : كولشي يتغير بيها الا عيونها الي سحرني هن هن نفسهن
صدگني بقت هي نفس صورتها بعيني مشفت عليها تغيير بگد ما شفتها زايدة جمال ع جمالها

واثق : عيون العشاگ متشوف العيوب امجد

امل : وين اني؟

لگيت روحي بحديقة كلية الطب 

هلگد من امشي و فكري مو براسي محسيت بشي و بالحولي
گعدت ع مصطبة ابتسم وية روحي

كبرت هواي و همومي كبرن
اتذكر من حبيت مسلم
ما شلت هم ما جنت اعرف اطباع ابوية و مهيمن كلها
عبالي مكتفين بالقسوة بس
طلع الظلم مابي حدود

عبالي عندي حرية احب و اختار و اتمنى
و الواقع لا
حتى اخلص روحي لازم ابتعد
صح اتحركت مشاعري تجاه امجد بس ماعندي قوة المواجهة
ماريد اخلي روحي بنص نار مو حملها مابية حيل ابوية ابد

امجد : طبينا لقاعتهم دنسلم ع الجماعة اخذتنا السوالف

امل : رجعت لمحته گاعد بعد ما داعي اهرب  لازم ابقى قوية و اتجاهل وجوده احتاج اتحكم بمشاعري

مرت اسابيع كلما اتجاهل اكثر كلما يزيد تفكيري بي گمت انقهر ع روحي احساسي يوديني له و تردده لكليتنا باستمرار يزيد تعلقي بي
ابد ميمل ..!
عطلت نص السنة  حسيت باستقرار  استقرار من صراع نفسي  تعبني حيل

رند : شبيج

امل : مجايني نوم

رند : كثرانة سهراتج

امل : اي

رند : بسببه

امل سكتت دقيقة و جاوبتها
_ اي

رند : اتحبي امل

امل : اريده و ماريده
اشتاق اشوفه اشتاق احبه بس ممنوعة منه
امري مو بيدي رند
شايفه من تدخلين صراع نفسي بداخلج
من جهة گلبي من جهة امجد
من جهة اهلي

رند : يوو
اعرف هذا الاحساس
تحاولين تدوسين ع مشاعرج بس كلما دستي كلما زادت

امل : و خايفه من الانفجار

رند : امل

گعدت ع حيلي

شصار لو احنا مثل باقي البنات
نحب
نعيش قصة حب حلوة
يتقدم
يكيفون الاهل و البنية تطير من فرحتها 
تنزف لحبيبها براحة و رضى كل الاطراف  شصار امل
حرام ...؟