لاأعرف لماذا احبها...?

البارت الاول

البارت الاول
#لاأعرف_لماذا_أحبها..?
#بقلمي_شمس

#غير_محلل_نشر_القصه_دون_اسمي😍

ملاحظه / القصه حقيقه بنسبة 70% لاتخلو من الخيال
كتبتها بالغه البطل لان البطله لغتها فصيحه او غير متكامله ..

#لاأعرف لماذا أحبها .. ربما احب ابتسامتها او دمعتها اوحزنها اوعينها
اوضعفها او قوتها لا اعرف لماذا احبها انا فقط  احبها احبها فى كل الاوقات لاته فى اوقات الفرح ارى ابتسامتها التى ليس لها مثيل 
وفى اوقات الحزن ارى دمعتها التى تقوال انا احتاجك لتمسح دموعى وفى اوقات ضعفها تكون بريئه وجميله وكانها طفله
تحتاج الى من يحميها ويساعدها… 
(وتسالون لماذا احبها انا لااعرف لماذا احبها فكيف اجيب) #شمس

السلامون عليكم .. هههههه مثل متكول زحل ..
بعدين اسولفلكم عليها لان زحل بلوه يرادلها دفاتر مو كم بارت ينكتب عنها ..
بس خلي اعرفكم عن نفسي ..
احم احم .. اسمي معتز عمري 35 دليمي .. ابويه شيخ واني وحيده ابوي متزوج اثنين عمود الولد مااجاه بس اني ..
مرت ابويه مسويتله اربع بنات اثنين قبلي واثنين ورايه  .. وامي جابت .. اني وورايه اثنين ..
عندي ثلاث عمام اصغر من ابوي واحد منهم .. طالع التركيا يدرس وضحكت عليه وحده تركية هناك وتزوجها ومارجع .. هذا كلام جدي طبعا ..

وجدي غضب عليه وماخلاه يرجع البغداد .. الابعد وفاة جدي اجه وشفناه وزوجته هم اجت محجبه وحلوه ومسلمه .. ماادري ليش جدي ماقبل عليها ..
عندهم ولد وبنيه .. البنيه عمرها 13 والولد 10 سنوات .. #بقلمي_شمس
بس البنيه ماعجبتني مايعه وتحجي كوله تركي ..
خلصت الفاتحه وراحوا .. ماارجعوا الا بعد خمس سنوات ..
وياليتهم مارجعوا ..
اجوا اجازه عمي اسمه علي .. هو دكتور ومثقف وكنا نفتخر بي وبيوم الاجه ابويه خبص الجو
ماخله خرفان وعزومات لان حيجي ..
اني واگف وي ابويه بكل شي وهو هم مايفارگني .. اني مدرس .. بس افتهم بشغله العشاير وشتردوني اصير ساعه مدرس ساعه شيخ ساعه افتر وي جماعتي بالمولات والكوفيات ..
يعني مونس روحي .. سبورت وعصبي بنفس الوقت حتى الزواج لاغيه من بالي لان اريد اتونس ببحياتي وهم من اتزوج ابوي يخبصني اريد ولد ولتجيبولي بنيه ..
قابل وهو بيدي .. بقيت بلا زواج رغم اصرار الجميع ..

مع انه مناقصني شي حلو ووسيم ومعضل ومن كل الصفات .. #بقلمي_شمس
ومعارك اخواتي بالبيت .. هم خلاني اكره النسوان ..
اخواتي اثنين من ابوي اتزوجن ..
بقت عندي اربع اثنين من ابوي واثنين اخواتي الصغار ..
وتقريبا هن بنفس الاعمار لان من اجيت للدنيا صارت منافسه بين مرت ابويه وامي ..
گامن يحملن سويه ويجيبن سويه 😂

نرجع السالفتنا ..
اجه عمي وراحو جابوه من المطار .. وذبحوا الذبايح والجو مگلوب ..
ونزلت وحده ماادري شنو اگلكم .. خلت الواكفين كولهم 😲 هيج ..
ابوي همسلي گالي الحك بويه دخلها بسرعه ترى انفضحنا ..
ركضت سحبتها وهي تتماوع وتباوع للخروف وتصيح ..
( هايييير) عود لا .. اني اترجملكم 😂

بوكتها ماافتهمت شتگول .. گلتلها دور الخروف تسموه هاير .. ادخلي اتباوعتلي بغضب وحظنت امها ..
رحبت بأمها .. زين تحجي عربي واخوها الاصغر منها هم .. بس بقيت صافن هاي شوكت كبرت ذيج المره من اجت زعطوطه هسا كبرانه .. ولابسه بنطرون وقميص للصره وحجاب شلون رهمها عمي ماادري ..

احنا صحيح .. من بغداد واني دارس وشايف بس نتسمى عشاير وبيت شيخ ومحسوب علينا الغلطه ..

احنا گاعدين بمزرعه جدي بجنوب بغداد .. بس اني ممخلي محافظه ببغداد ممتونس بيها ..
واسولف العمي .. على بغداد وشلون صارت حلوه .. شوقته للرجال ..
گال كم يوم وفررنا ببغداد مدام كولشي تندل ..

☺️ ابتسمتله وحسيت بالورطه .. گتله الله كريم عود منا اليومين اسويلي فلته .. #بقلمي_شمس

خلص الغدا وكملنا .. دخلت ارتاح .. وافتح غرفتي واشوف وحده نايمه .. بسريري وتلعب بالموبايل
گلتلها من رخصتج .. اريد انام .. ممكن
گالت .. أولماز ..
گلتلها .. شنو الماز شنو ذهب
زحل .. 😂 گوتلك أولماز يعني غير ممكن ..

معتز .. اها لعد اذا تعرفين عربي ليش تتمضيگن علينا ..
اطلعي بابا اني تعبان واريد انام ..
گامت تتماوع وتباوعلي بطرف عينها ..
وعيونها خظر ووجها حنطاوي شلون رهمت ماادري يمكن عدسات مخليه وتضحك علينا بيها ..

نمت وبقيت اردد .. أولماز .. اولماز .. غير ممكن ..
حتى كلما تطلب شي .. اگولها أولماز .. اني اعلمها ام الذهب ..

نمت لان تعبان مگعدت للمغرب .. اخذت المنشف ودخلت سبحت ..
طلعت لگيتها گبالي .. ولابسه حصر وتتمايل ام العدسات هسا مالگت غير هذا اللون لو مخليه عسلي رصاصي احلى ..
حتى امهات تركيا يتفيكن .. لگيت عمي فاتح جنط الهدايه والدنيا مگلوبه عليه ..
عبالك دا يوزع الحصه .. عمامي وعماتي واولادهم ..
وهاي واكفه تضحك بالباب عليهم ..
هسا انطيها بوكس 👊

كحيت وراهه شافتني .. عصبت😡 گلتلها ممكن ادخل ..
ولا تگوليلي اولماز ترى حفظتها ..

هي ضحكت ع كلامي وابتعدت .. گعدت گلتلهم .. الله بالخير بشروا شكر زيت ..
ضحكوا افتهموها .. #بقلمي_شمس
ابويه گال متخليهم فرحانين .. لو لان ماذكروك ..

عمي علي .. ليش هو اني اگدر انسى معتز .. ابن العزيز .. اعرفه يحب الساعات والعطور ..
جبتله هاي ساعتين ماركه وعطر هم ماركه ..

طفرت اختى دنيا من ابوي .. گالت ياااا الساعه والعطر فراگ ..
عمي .. لا بابا هذي كولها خرافات ..
معتز .. صدوگ خرافات ..😂 وبداخلي معصب ع دنيا

كولها اخذت هداياها وانهزمت كل واحد بمكان .. طلعت للحديقه ولگيت واحد واكف بباب البيت ..
اتقربت لگيت. حل مخليه الهتفونات بأذنها .. وتغني وي اغنيه تركيه لان دا ترطن وياهه بس مابيها اولماز 😂

سحبت الهتفون .. باوعتلي 😡 گولتلها شدا تسوين هنا وترطنين بهذا ..
گالت هذي ليلم لي .. الابراهيم تاتلس ..
معتز .. اگلج ترى نعرف كولش زين منو ابراهيم تاتلس مايحتاج تعلمينه ..
بس اني قصدي ع وكفتج بالباب بالليل .. ترى هنا مو تركيا ..
زحل .. سننانيه .. ( ماشأنك )

معتز .. هههههه والله ياربي .. اني ادري هاي البلاوي منين تجي .. شوكت يخلصن هذي الكم يوم ويرحون ..

دخلت وهي تهفهف عليه ..
#بقلمي_شمس
يتبع…
اذا عجبتكم اكمل .. ولاتنسون التصويت واريد تفاعل حتى يصير واهس للكتابه ❤️❤️❤️