لاأعرف لماذا احبها...?

البارت الثاني

البارت الثاني
#لاأعرف_لماذا_أحبها..?
#بقلمي_شمس

دخلت وهي معصبة وتشكي .. وبعدين اتباوعتلي ودخلت للغرفه يمكن گلتلها عليه ..
ههههه ضحكت ع روحي بلة صدگ ان مخلي عقلي وي هذي ..
رجال والناس تحمد بيه .. اخلي عقلي وي طفله ..

مر كم يوم ع تواجدهم والبيت مگلوب ناس .. عمود التركيه مشايفين .. #شمس
زحل متطلع من الغرفه كم يوم تمرضت يمكن تغيير جو ..

عمي گالي .. مو وعدتنا تطلعنا… گتله عمي اعذرني مشغول وعدنا مشيات.
اريد اطلعها وي الوالد ..
گله مرتضى ابن عمي حيدر .. عمو اني اخذكم وافرركم وين متردون ..

فرحت واخيرا خلصت .. #شمس
راح عمي وزوجته وابنهم .. بس زحل مراحت مريضه ..
گضوا اليوم كوله بره ..
للعصر گالوا صار انفجار .. خفنا عليهم اتصلنا ماكو واحنا اصلا منعرف وين راحوا ..
انخبصنا كل مجموعه راحت من جهه تدور ..
وابويه بأتصالاته واني هم عندي اصدقاء ضباط .. اتصلت عليهم گالوا نسأل ونرجعلك خبر ..

طبعا هذا كوله وزحل متدري .. بس كل ماتسأل عليهم يطمنوها بشي ..
دور مرت عمي حيدر فضحتنا بالعياط واللطم ع ابنها لان راح وياهم ..
حتى الي ميحس حسسته .. سوتله عزا واحنا بعدنا منعرف شي عنهم ..
طلعت زحل .. وهي هجمت عليها ..
الله لينطيكم منين اجيتوا اخذتوا ابني اذا مات اموتج وراهم..
عاط بيها ابويه .. گال البنيه مالها ذنب .. ومنا لمن يرجعون اهلها الي يمسها ميلوم الا نفسه ..

زحل طلعت تفهم كل كلامنا وتعرف تحجي عراقي متوقعتها لان ماعندي اختلاط بيها ..

من شافت كولها تبجي ومرت عمي تحجي هيج .. گالت .. اهلي صارلهم شي ليش هيج گولتوا ووين همه ليش اتأخروا وتبجي ..
قهرتنا .. اختي رانيا حظنتها وتبجي وياهه ..

………………………………………………..

اجاني اتصال .. صديقي الظابط .. گال مواصفات الي انطتنياهه والناس الي گلت عليهم يمكن ماتوا ..
واذا تريد تتأكد تعال للطب العدلي واتعرف لان جثث هواي بس السياره ممروده يعني ماكو امل واحد يطلع منها عايش .. #شمس

غلقت الاتصال .. واحس الدنيا تفتر بيه .. شراح اگولهم وشلون احجي وهمه قبل كولشي البيت انگلب عزا اذا اگولهم هسا شيصير ..

قررت اخذ ابوي وعمامي ونروح نتأكد يلة نحجي ..
ورحنا وشفناهم نص جسمهم مايع بس اكو ملامح بيهم يعني گدرنا نتعرف عليهم ..
عمي تخربط ووگع من شاف ابنه ويلطم. ويعيط
وابويه هم يبجي عليهم والاكثر ع عمي لان يگول وصية امي هذا هو اصغر عمامي ..

رجعنا للبيت لگيناهم گالبين الجو بالعياط .. معناهه وصللهم الخبر لان اني ملحگت اتصل واخبرهم ..

سوينا الفاتحه واحنه اسبوع ممرتاحين بين الفاتحه والناس الي انگلبت علينا من المحافظات ..

زحل فاقده كل هذي الفتره وتهذي بأهلها ..
مرت عمي صارت عبالك مخبله ..

هدأ الوضع .. وصحت زحل .. وبقت مصره ترجع التركيه متبقى هنا ..
ابويه رفض .. عمو انتي بنتنا انسي الرجعه مانخلي لحمنا وحده هناك .. #شمس

زحل .. عمو اروح الاقاربائنا هناك ..
ابوي .. انسي السالفه بويه وروحي ادخلي . 
هي معجبها الوضع ومن تعصب تگوم ترطن تركي هههه ..

گتله بويه هاي ماتتحمل عيشتنا ومااعتقد تقبل تبقى .
ابو معتز .. اي صدگ .. بس اني ببالي شغله خليني اجمع عمامك ونشوف ..

دخلت للبيت لگيت دنيا تتعارك وي زحل .. وتگلها فگووور مترجعين من شفناج مشفنا الخير ..

صحت بيها .. وگلتلها مهما يكون فهي ضيفه ببيتج ميصير تعامليها هيج .. #شمس

طبعا ماگلتلكم .. دنيا اختي من ابوي كانت مخطوبه المرتضى ابن عمي الله يرحمه ..
هي ورانيا اختي من امي وابوي هم الابن عمي الثاني ..
وجاي يجهزن .. بس من مات مرتضى دنيا تخبلت شلون رانيا تتزوج وهي لا .. اشتغلت الغيره بينهم ودنيا تطلع حرگتها بزحل ..

للعصر اجو عمامي وولد عمامي واجتمعنا ..
وابوي گال قراره ..
اخوتي وولدي اسمعوني زين .. علي مات وترك بنته امانه عدنا ولازم نصونها ..

واني قررت ازوجها الواحد منكم ..
كلها بقت صافنه .. اني اضحك لان كلها تعرفني مااتزوج ومامخلي هذي الفكره براسي .. يعني مستبعد روحي ..

اتباوعلي عمي حسن .. گال لويش تضحك ماكو غيرك ياخذها ..
اني 😲😲
كلها ولدنا متزوجه .. ومحمد خاطب رانيا .. والبقيه صغار يعني بس انت ممتزوج .. #شمس
………………………….………………………  
ابوي باوعلي ..
گتله بويه انسى ..
عمي حيدر مشارك ابد بالحديث ..
بس عمي حسن يحجي .. شيخنا يعني انت كبيرنا ومعقوله نسمع كلامك ع كلشي ومعتز متگدرله ..

اشو من توصل الشغله اله ينهزم ويسحب نفسه ..

گالهم خلص اتركونا وحدنا ..
طلعوا .. وبقيت اني وابوي ..
گال بويه .. اني العشيره كبارها وصغارها ماترفضلي طلب وانتي ابني ووحيدي ..
وازامط بيك ولازم من غير مااحجي تگلي اي بويه اني اخذ بنت عمي واستر عليها .. #شمس

معتز .. بويه هي بنت عمي مثل بناتنا مو من ثوبنا ..
ابو معتز .. انت دوم كنت تگول اريد اتزوج مختلفه وزحل هيج بس انت شويه شويه تعودها وتعلمها ع طبعك ..

شنو سالفتك يامعتز بكبرتي وشيبتي اتوسلك گوم من وجهي ..
معتز .. گمت بست راسه وگتله ولاتزعل روحك يابوي بس انت فاتح البنيه وشوف ردها ..
مااريد اجبرها ع شي ..
ابو معتز .. الله كريم وليدي خلي يطلع الاربعين وافاتحها..
#بقلمي_شمس
يتبع…