لاأعرف لماذا احبها...?

البارت الثالث

البارت الثالث
#لاأعرف_لماذا_أحبها
#بقلمي_شمس

بعد الاربعين .. ابويه حجه وي زحل وگللها ..
بويه انتي بنتنا وراح تبقين عدنا لهذا قررنا نعقدلج ع معتز ..
زحل .. مرهبا .. طبعا حتستغربون لان اعرف كلام عراقي .. لكن بابا كان دايما يتكلم معانا عراقي .. ويعلمنا حتى ماننسا ودخلنا مدرسه عربيه.. لكن اني مرات انسى واتكلم تركي ..
وخاصه من اشوف معتز .. احب ازعجه بكلامي ..

كان موت اهلي بمثابة صدمه الي .. ممتوقعه يتركوني وحدي ..
واتمنى لو ميته معاهم ..
بقيت عند بيت عمو ابو معتز .. وبعدين عمو گلي حتتزوجين معتز .. انصدمت ورفضت .. لكن عمو

ابو معتز .. عمو انتو اعقدوا لان الناس تحجي وميتقربلج واتعرفوا ع بعضكم واذا حبيتوا تستمرون استمروا ماكو اني مااظلمج انتي بنيتي ..
وامانه اخوي ..

سكتت وابجي لان ماكو شي بيدي .. وماالي حق ارفض وين اروح ..
حتى التركيا مااگدر ارجع ..
بس قررت اشرط ادرس هنا .. واملل معتز مني واخليه يتركني هو .. #شمس

وافقوا ع شرط الدراسه .. ومعتز انتظر حتشوف مني الي مشايفه ..

معتز .. من گلولي وافقت اتعجبت .. ادري بيها متحبني شنو الي خلاهه توافق ..

ثاني يوم اجه السيد وعقدوا النا .. وصارت مرتي ..
جهزولنا غرفه ورتبوها ..
لان گدام الناس حگول اتقربتلها .. بس الاتفاق محد يدري بي بس اني وابوي وزحل ..

اصلا هو اتفاق ابويه وزحل ..
قابل ماخذها اتفرج عليها .. براحتج زحل اني اعرف شلون اتصرف وياج 😡

لليل جهزت الغرفه .. صعدت ملابسها وغراضها ترتبهن ..
للعشره صعدت تعبان اريد انام ..
لگيتها لابسه تراك وملابسه حجاب .. وشعرها بني طويل وسرح ويتمايل وياهه ..
وهي حنطاويه .. وعيونها خظر طوخ .. ادري مشكل بس حلوه .. #شمس

ماادري لان مرتي گمت اشوفها هيج ..

اني گبل رحت نمت ع السرير هي خلصت ترتيب ..

گالت .. اني وين انام ..
اتباوعتلها .. والله ماشاء الله تعرفين تحجين عراقي احسن مني ..
زحل .. سننانيه ( ماشأنك)
معتز .. شنو حسدتج رجعتي ترطنين ..
زحل .. شنو هذي الالفاظ  .. حنام ع السرير هم من حقي قابل تاكولني ..

نامت ع جانبها ووجها الي .. اتباوع الوجها ناعم مثل وجه طفل صافي مابي حبايه .. هاي شتستخدمله
لعد اشو وجه بناتنا مليان حبوب ..

فتحت عينها عليه شافتني اتباوعلها ..
گالت .. اكو شي ..
معتز . ابتسمت اهئ ماكو شي بس اريد اسألج هاي عدساتج حتى من تنامين متنزعيهن ..
زحل .. شنو مفهمت
معتز .. عيونج حقيقيات لو ..
زحل .. ههههه هاير گوزلك 😉 ( لا عدسات 😉)

معتز .. ادري بيج تعرفين تحجين عراقي واحسن مني بس تردين تضوجيني ..
واصلا صوجي احجي وياج ..خلي انام احسن ..

درت وجهي ونمت .. وقررت باجر انزل للسوگ اجيب قاموس تركي احسن ..
حتى العب مثل متلعب عليه ..
والا اعلمها .. #شمس

زحل .. من ضوجته ارتاحيت .. بعدك مشايف شي 😉

…………………………………………………

گعدت من النوم لگيتها مو يمي .. بدلت ونزلت كانت فترة عطله يعني اگضي الوكت بالمضيف يم ابوي ..

لبست دشداشه .. ونزلت .. #شمس
لگيت البنات بالمطبخ .. گلتلهن سولي ريوگ ..
دنيا .. لعد وين مرتك عايفتك من الصبح لو التركيه متسوي ريوگ زوجها يسويلها 😂😂
وضحكت اخواتي عليه .. اني ممتعود امد ايدي ع وحده بس هاي طوختها رفعت ايدي عليها گامت تعيط واجت امها تحجي ..
معتز تريد شي عندك اخواتك اطلب منهن بناتي شايلات شغلي ومكفيات ..

يمه شنو اخواتك غير كلهن اخواتي وبعدين اني ماطلبت منها وهي تجاوزت عليه بمكان ما تعلميها وتگليلها عيب ..
بقت تحجي مالي خلگها ..
اجت امي .. هايمه شكو ..
معتز .. ماكو شي حتى ريوگ مااريد بطلت ..
بس البيت يرادلنا قانون جديد الكل طولان السانها ..

ردت اطلع صارت بوجهي زحل لابسه ملابس رياضه ومسويه شعرها ذيل حصان احنا نسميه ..
وعرگانه ..
گالت .. گونايدن ( صباح الخير )
معتز .. اه واجت هاي دور ترطن ..
وين جنتي .
زحل .. بالحديقه العب رياضه
معتز .. عندج بيت قصر شوفيلج غرفه والعبي بيها مال طلعه ماكو الجدران ناصيه وتنشافين ..
مع السلامه .. #شمس

زحل .. اتباوعتله اوي شنو هذا شبيه ..
دنيا .. گونايدن هاي شنو ..
بس لاتغلطين وماندري ..
زحل .. ههههههه يعني صباح الخير .. اعذروني بس لان الساني متعود ع كلامي التركي ..

ام معتز .. لاتخافين ماما تتعودين . ادخلي غيري ملابسج وتريگي ..
ام فرح .. اي متباهيه بجنتها التركيه بودج تشتغلين خدامه عندها ..
علميها ع الشغل مو تتماوع وتلعب رياضه .. ولاتگول اهلها توهم ميتين حزنها مثل حزن المسلسلات ..

زحل .. اني افهم كلامهم واعرف شنو يتكلمون عليه بس اسكت واسوي نفسي مااعرف .. ميعرفون اني من النوع حزني اكتمه مااحب اتضاهر بالوحده وخاصه اني فعلا هسا وحيده ومالي احد ..

صعدت سبحت وطلعت شفت غرف هوايه فوگ بيتهم كبير فكرت اسويها غرفه رياضه ..
بس منين احصل المال. ..

تذكرت حقائب اهلي .. وبتركيا عندنا حسابات واملاك لازم احاول اقنع عمو لحتى ارح واجمع املاكنا كولها ..

معتز .. رحت الابوي شافني ابتسم ..
گال .. ها ابو العز شبيك ..
گتله شورطتني بويه اني وين والتركيه وين كولشي ماافهم منها ..
ابو معتز .. تتعود بويه وخاف هي تحجي عراقي وانت تگلب تركي ..
ضحكوا عمامي كلهم ..
گتله والله بنت اخوك عراقيه ملعبه .. تعرف لغتنا احسن مني بس من تشوفني تگوم ترطن 😂
#بقلمي_شمس
يتبع….