لاأعرف لماذا احبها...?

البارت الحادي عشر

البارت الحادي عشر
#لاأعرف_لماذا_أحبها..?
#بقلمي_شمس

زحل .. مستحيل اگدر اوصل للي اريده هنايه حياتي غير عنكم ..
واني مقرره اكمل بأسطنبول .. واتخرج واصير مثل بابا ..
هناك طموحي وفرصتي التحقيق حلمي اكبر ..
معتز .. ها رجعنا النفس السالفه مو گتلج انسي لاتعذبيني ..
زحل .. لتعلق نفسك بيه معتز .. مااريدك تتعذب بعدي ..
معتز .. ضربت حيل ع السياره ووگفت ..
لج انتي شنو تحجين هذا الكلام وقته فات ..
اني حبيتج واتعلقت بيج ومااگدر بلاج ..
انتي شدتحجين .. مستحيل اتركج بهذا كلامج داتعذبيني زحل .. #بقلمي_شمس

زحل .. خلص معتز اغلق الموضوع .. احنه منصير البعض وخاصه بعد الي سويته اخر شي ..
معتز .. شوكت تنسين .. گوتلج الي صار غصب عني ..

زحل .. مشاعري ماتت من ناحيتك بذيج الليله .. حسيت نفسي فريسه وانت داتنهش بيه ..
معتز .. اعرف قصدج حيوان .. بس هذا الحيوان اعتذر منج واتوسل هواي بحياتي مانزلت نفسي الوحده بس انتي لان احبج ..

اني معتز ابن الشيوخ والحسب والنسب .. الي كل الناس تحلف بأسمي . وكلها تتمنى اتزوج منهم ..
هيج يصير بيه .. #بقلمي_شمس

زحل .. هذا واحد من الاسباب .. غرورك .. اني احب الانسان المتواضع الي نكافح اني وياه سويه ببيت صغير يجمعنا ..
نتشارك بشغل البيت والاكل والغسل وكولشي بحياتنا .. لتشوفني اني عايشه بتركيا والي متطلبات ..
بالعكس اني متطلباتي بسيطه ..
وحياتي ابسط ..
بس انتو حياتكم معقده كولشي بنظام واحس نفسي بضوضاء عايشه .. مو هذي الحياة الي احلم بيها ..

معتز .. كافي زحل الخاطر الله .. خلينا نرجع لان احس راسي حينفجر من النقاش ..

زحل .. سكتت ومجادلته لان اعرفه الي براسه يسويه وميتنازل .. عن تفكيره .. وهو لو يحبني من صدوگ كان خلق النا جو وحياة خاصه بينا ..
اريد شخص يحبني مثل بابا من حب ماما وترك كولشي عمودها وبنوا حياتهم سويه ..
وايد بإيد .. وكانت حياتنا سعيده ومستقره ..
بس لو مارجعنا للعراق ماكان خسرتهم وبقيت وحدي اعاني .. #بقلمي_شمس

معتز .. دخلت زحل سلمت وصعدت بسرعه ..
واني سلمت ع الوالد . وگعدنا نتناقش وياخذ رأي اكو مشكله بالعشيره ..
ولازم اوگف وياه بهذي الفتره ..
وصحيح اني انشغلت عن المضيف والعشيره وخليت ابويه وحده ..
كان يفرح ويفتخر من اگعد على يمنيه ..

وقررت ارجع للمضيف وانطي فرصه الزحل .. تفكر وتاخذ قرارها من ناحيتي ..
مااريد اذب نفسي زياده عليها .. وتبقى تدلل

لان ابويه يگول المره من تهملها تجيك تركض وتدلع وتعرف قيمتك ..

بس شلون راح ينطيني گلبي اتركها اني كل ساعه داخل البيت لان اشتاقلها..
بي هسا مابقى شي للمدارس وراح التهي بالدوام والمضيف .. وهيج انشغل وماافكر بيها ..
ولو ادري بگلبي مايطاوعني😉

صعدت لگيتها نايمه ولابسه تراك برموده وربع ردن والغرفه بارده ..
اتقربت سحبت البطانيه وردت اغطيها اتباوع الجسمها اتقربت منها .. #بقلمي_شمس
قربت نفسي ع نفسها .. وبعدين تراجعت ..
اخاف تحس وتسويلي سالفه ..
هي ذيج الليله وكل ساعه تعايرني بيها ..

غطيتها وغيرت ملابسي وفرشت ونمت ..

…………………………………………………

مرت الايام وبدت الدوامات .. اخواتي بالمدرسه وياي فأخذهن واجيبهن ..
وبين الدوام والمضيف انشغلت قليل اشوف زحل ..

وهي هم متطلع من غرفتها .. ارجع بالليل الگيها گاعده ع التلفزيون لو تلعب بالموبايل ..
مرات تراسل صديقاتها بتركيا .. وتگعد تسولف وياهن هوايه ..
واني يفور دمي واضوج .. لان مشتاقلها طول النهار ومن ارجع تلزم الموبايل لو الريمونت ..
تحب تضوجني .. #بقلمي_شمس

فگمت اتعمد اوصي ع بيتزا لو اكل جاهز واجيبه هي تتخبل متحب اكل البيت حتى ضعفانه ..

ونگعد ناكل سويه .. ومن تضحك وتاكل احس الدنيا تضحكلي ..
ضحكتها غير تنور حياتي ..
كانت عندي بنات بالموبايل واسولف وياهن ..
هسا زحل نستني كل هذي السوالف ..
رغم هي مااحسها تحبني مااعرف تكتم حبها .. لكن اني مااگدر استغنى عنها ..
بيومها كان اول يوم تمطر الدنيا وصار صوت رعد قوي زحل عندها فوبيا من صوت الرعد ..
وتخاف وتبجي .. #بقلمي_شمس
گلتلي تعال نام ع السرير لتفرش بالگاع ..

اني هم فرحت .. نمت يمها .. وهي خايفه واحسها كل ساعه تتقرب مني الى ان دخلت بحظني وهي خايفه ..

اااه الحمد الك ياربي لعد ليش مامطرت من قبل . 
حظنتها بكل قوتي واشم بشعرها مااريدها تتركني نفسي اختلط بنفسها ..
انطفت الكهرباء من المطر .. ختلت بحظني ومغمضه وصارت شفافها ع شفافي .
فقدت بعد مااتحملت ونفسها يتسارع .. وهي ذايبه بين اديه اتقربت كولش ..
اتقربت منها بستها حسيتها مامانعت وذايبه استمريت .. اتجاوبت وياي وبادلتني ..
وكان احلى جو واحلى ليليه وووووو 💑
وبراضتها وهذا الي زادها حلاوه .. وغفت بحظني مثل الطفل الي بحظن امه ..

واني هم حاظنها واتمنيت الليله ماتنتهي كانت احلى ليله بحياتي ..

ياليل لاتنتهي.. ياليل لاتنتهي
دعني استنشق انفاسها ..
وانام ع نعومة جسدها ..
دعني امتع ناظري ياليل لاتنتهي ..
الان قلبي فرح بعد انتظار وملل ياليل ..❤️

بقيت للفجر واني اتلمس بشعرها ووجهها وممصدگ لسا هي بحظني وفرحان

سأختلس رائحتك واخبئها في رئتي لأتنفسك كلما راودني الشوق اليكي ياحبيبتي  ...!

.. ولكن للاسف الفرحه ماتمت وحياتي انقلبت راسا على عقب ..
#بقلمي_شمس
يتبع…