لاأعرف لماذا احبها...?

البارت الثامن

البارت الثامن
#لاأعرف_لماذا_أحبها..?
#بقلمي_شمس

گعدت الصبح تباوعت المكانهه .. ماادري ليش كنت خايف عليها ..
شفتها نايمه بعدهي ..
سبحت وبدلت ونزلت .. رحت للحديقه اخذت ورده وصعدت خليتها ع المخده يمها ونزلت ..

شويه وگعدت كولها…  البيت مگلوب صارت عيني ع دنيا هي دارت وجهها وراحت تعرف نفسها مذنبه ..

شويه وگعد ابويه .. سلمت عليه گال شبيك البارحه ..
گتله مو وكتها يابه اليوم عدنا عشا وزواج خليها تگضي واسولفلك .. #بقلمي_شمس

راح للمضيف وگال جهزوا الريوگ وجيبوه ..
ام فرح .. معتز متگعد مرتك .. دا تشوف الشغل والبيت مگلوب وهي جنه بالبيت لازم تگوم ..
ترى بس بناتي يشتغلن واخواتك وحده صغيره وماتعرف شي وحده اليوم زواجها ..
وسوده عليه بناتي الطايحات بيها .. ودنيا فوگ ماعندها حظ الكل معاديها ..
كان المفروظ اليوم زواجها هم لو مامرتك البومه واهلها .. #بقلمي_شمس

معتز .. اللهم يصبرج ياروح .. ترى زودتيها هذا امر الله مرتي شعليها وثاني شي البنيه مريضه وماتعرف طبعنا شدعواج شاده وياهه ..
واذا ع دنيا حسابها بعده تره ..
اتباوعتلي دنيا بطرف عينها ..
معتز .. نزلي عيونج لج لا وربي اعميهن الج ..
ام فرح .. اي اتجرأ وشوف ..
معتز .. هههههه والله ياربي ترى محد قواها غيرج مو هاي اخواتها كبار وشوفي شلون يحترمني ..

اتباوع الدنيا انگلبت بالمطبخ گالت فرح .. خويه معليك بالحجي روح للمضيف وكوله تلگيه جاهز ..
تركت استكان الشاي من ايدي وطلعت ..

شلون تگضي ياربي .
صبينا الريوك واني دمي يفور وعمامي وابوي حاسين عليه ..
شكو شبيك معتز اليوم .. اشو مو عوايدك كل يوم تضحك وتسولف ..
معتز .. لا مابيه شي ..
ابويه .. معتز وليدي واعرفك ..
معتز .. حجي ماكو شي لاتشغل بالك ..
كملت صب .. ورحت اشوف زحل .. #بقلمي_شمس

دخلت لگيت فرح .. گلتلها فرح هم اخذتي ريوگ الزحل نزلت لا ..
فرح .. لا مانزلت .. بس دزينالها بيد رحيق الريوگ لگتها نايمه ونزلته ..

صعدت لفوگ لگيتها لابسه شورت وفانيلا وتلعب ع جهاز الرياضه ومسويه شعرها ذيل حصان احنا انسميه
ومخليه خاولي ع رگبتها .. #بقلمي_شمس

دخلت وردت اغير جو .. گولتلها.. گونايدن ( صباح الخير)
باوعتلي ودارت وجها ..
ولاعبالك احد وياهه او احجي وياهه ..
اتباوعت شامره الورده بالزبل .. 😡 ضجت

معتز .. زحل كافي مستعد اسوي كولشي حتى تسامحيني بس لاتبقين هيج معبسه وجهج عليه ..

نزلت من الجهاز واوووف الجسم مااوصفلكم اني احجي واتباوع وهي تمسح بوجهها وجسمها حجت شي بس مافهمته لان مشغول بجمالها وجسمها ..
وهم من تحجي تركي ماافهم عليها ..

گالت .. استانبول گيتْمك إستيوروم  ..
معتز .. زحل تدرين ماافهم من التركي ليش تتعمدين تحجين تركي ..
زحل .. گوتلك اريد اروح الاسطنبول ..

معتز ..😲 مستحيل زحل انسي .. اني احبج وانتي زوجتي شلون تطلبين هيج طلب .

زحل .. اني مدا اخذ رأيك اني مااريد ابقى هنا .. مااگدر اعيش وياكم انتو حياتكم غير حياتي ..
وانت رغم انه دارس ومثقف لكن تبقى رجل شرقي متهمك الا غرائزك .. #بقلمي_شمس

معتز .. زحل متروحين الاي مكان وهذا اخر كلام عندي .. واصلا انتي محد الج هناك ومتگدرين ترحين وحدج

زحل .. عندي ام امي هناك واصدقائي وجيراني كولهم اعرف واگدر اعيش واشتغل وادرس ..
واعيش حره مو مثل هنا كوله قيود واوامر ..

معتز .. حبيبتي اوعدج بعد مااضايقج والي ترديه يصير بس سامحيني .. زحل اني احبج ومااگدر بلاج

زحل .. هههه انت تگدر تعيش بدوني مثل مكنت عايش قبلي ..
بس اني ماالي اي ذكريات هنايه ذكرياتي وحياتي بأسطنبول ..

معتز .. واني شنو بالنسبه الج زحل صار هوايه بنفس الغرفه وعشنا هوايه لحظات شنو بالنسبه الج اني زحل جاوبي لتسكتين ..

زحل .. من سأل هذا السؤال ارتبكت وماعرفت اجاوب لان حقيقه مااعرف شنو احس اتجاهه واخر شي سواه مابقى بينا ذكرى حلوه .. #بقلمي_شمس

تركته وگمت سحب ايدي .. اسمعي زحل انسي اتطلعين منا وانتي اصلا متگدرين لان متعرفين شلون تسافرين واني مدام عايش مستحيل ارجعج التركيا بيدي واتخلى عنج ..

نزلت وتركتها ..التهينا بالغدا وبعدين اجت ناس وصبينا العشا ..  طول العشا والناس گاعده ..
واخذوها الاختي واني بعالم ثاني كولها تحجي ويتمازحون وياي ويگلولي شيخ معتز الظاهر التركيه اخذت عقلك ..
ويضحكون واني بالي عند زحل .. معقوله هيج حبيتها ومااگدر استغنى عنها ..
معقوله يجي يوم وتتركني زحل .. شلون حتكون حياتي بدونها ..

راحت الناس وعمامي كل واحد البيته .. طلب ابوي يشوفني تعذرت وطلعت للبساتين اتمشى احس روحي مخنوگ .. #بقلمي_شمس
اي يا معتز هاي تاليتك .. كانت الضحكه متفارق وجهك .. وطلعات وونسه وكوفيات وي اصدقائك ..

وظارب الدنيا طول بعرض .. تجي وحده اصغر منك ب 15 سنه واكثر تفر گلبك وعقلك وكيانك ..

آآآه يازحل .. من انا في قلبكي القاسي ..
احبكي اكثر من نفسي .. فلما لاتبادليني نفس الشعور .
احببتك دون مقابل .. وانتي تريدين الهجران والرحيل ..

ياوردتي .. اكتمل القمر بحسنك
واشرقت الشمس بنورك .. فأنرتي حياتي وطريقي حتى طيفك في ليلي ينير حلمي  .. لاتتركيني ولاترحلي ياوردتي ..

بقيت الليل كوله تايه بين البساتين ومااعرف اروح ولا اجي منين ..
الى ان اجو الحراس .. وگالوا الشيخ قلق عليك ويگول خلي يرجع بسرعه ..
#بقلمي_شمس
يتبع….