لاأعرف لماذا احبها...?

البارت الرابع عشر

البارت الرابع عشر
#لاأعرف_لماذا_احبها..?
#بقلمي_شمس

ليس ذنبي أنني أحببتكي بصدق …
عشقتكي بجنون أحببت حرفكي قبل أن أراكي …
عشقت صوتكي وأنتي بعيدة…
تقربت اليكي بوجداني أسكنتكي فؤادي لوحدكي …
أحترمت رغباتكي …تجاوزت غروركي …
تقبلت أنانيتك لأنني أحببتكي بصدق وعفويه …
أنت أول حروف حبي أنت حبي الوحيد …
أنت نور حياتي ..أنت شمسي وضيائي
كنت اقرأ قصص الحب …فأضحك
عـــــشت حبك فعانيت
ذقت عشقك فتألمت …
أمنت بأن الحب أحاسيس لا حروف …
زاد تعلقي بك …حبك ألمني …
صوتك يعذبني ومع ذلك أقول شكرا …
لأنني أحببتك بـــــــــصدق…

دزيتها برساله صوتيه الها .. بس هي لسا غالقه موبايلها ..
فتحت تسجيلها وگعدت اسمع بي .. الى ان غفيت وماادري بروحي ..
نسيت الاكل والدوام والناس .. حتى اهلي نسيتهم ..
اتصل احمد صديقي عليه .. #بقلمي_شمس

اي الله جابك .. رفعت السماعه ..
احمد .. ها لك بذات وين صارلك فتره ماكو .. اشو تزوجت ونسيتنا ..
معتز .. احمد محتاجك اريد احجي وياك بس مااريد واحد من جماعتنا يدري بيني وبينك ..

احمد .. قلقتني شكو .
معتز .. هسا گولي وين انت واني اجي اخذك ..
احمد .. تعال للبيت ونطلع سويه .
معتز .. نص ساعه واني يمك ..

بدلت وطلعت .. تلگتني امي .. يمه لاتموت روحك ع وحده ماتستاهلك ..
معتز .. شنو السالفه يمه . تعلمتي منهم .. البنيه انهزمت من مشاكلهن .. #شمس

ام فرح .. ها دور طلعنا احنا السبب ..
معتز .. اووووف الله وياج يمه اني اطلع احسن 😡

رحت الابويه گتله راح اروح الصديقي الي گتلك عليه .. رايد مني شي ..
ابو معتز .. لا وليدي بس خلي بالك على نفسك ..

معتز .. في امان الله يابه ..
صعدت بالسياره واتذكر من طلعت وياي شلون تثرثر تسولف هواي ومرات ترطن تركي ..

آآآه ياربي .. اشتاقيتلها .. #بقلمي_شمس

وصلت البيت احمد .. اتصلت عليه .. گال ادخل بس امي بالبيت ..
نزلت فتح الباب دخلنا للاستقبال ..
گال اروح اجيب شاي .. گتله اگعد مااريد اي شي بس اريد احجي لان راح اختنگ ..

معتز..احمد انت تعرف تركي ..
احمد .. اي اعرف ليش ?

وسولفتله .. ع زحل من اول مااجو التركيا الحد ماراحت وشلون عانت من مرت ابوي ودنيا .
بس ماگتله اخذتها غصب هاي ماتسولف ..

احمد .. معتز مبين عليك وگعت ..
معتز .. هي بس وگعت لو راح اموت .. احمد لازم الگيها عندي تساؤلات هوايه ..

احمد .. اني حاظر بس ودوامي شلون  ..
معتز .. اخذ اجازه بدون راتب .. واني انطيك الراتب . .
احمد .. معتز آفه عليك هي قصه فلوس ..
بس لان عندي طلاب ومرتبط بيهم ..
معتز .. احمد . هسا تروح وياي لو لا .. مااگدر أئمن غريب ع اسراري ..
احمد .. خلص هاهي بس انطيني كم يوم ارتب اموري واشوف واحد يلزمهم بمكاني ..
معتز .. هاهي بس انطيني جوازك .. حتى نكمل التأشيره وارتب اموري ..
احمد تكاليفك كولها عليه لتشيل هم ..
احمد .. هاي شبيك ياخوي راح تزعلني ..
معتز .. خلص بس اخيك بيناتنا ماتطلع السالفه ..
احمد .. لاتخاف سدك امين خويه .. #شمس

طلعت من احمد واني كولي امل ..
رجعت للبيت وسولفت الابويه .. وگال هاهي توكل وجيب مرتك وبنت عمك .. #بقلمي_شمس

معتز .. الله كريم بسته براسه وگمت . 
ابو معتز .. بويه ادري بيك مقهور ع مرتك والي صار بي هله هله بأهل بيتك ..
وام فرح اكبر من امك مايصير تتجاوز عليها ..

معتز .. ضحكت گتله يابه حتى لو امي گالت ع عرضي انهزمت وي واحد هم مااسكتلها ..

ابو معتز 😡 هي هيج گالت .. اشو تگلي اجيت اواسي تهجم عليه ..

معتز .. هذا الي گالته بويه اذا ترضاهه بعد بكيفك ..
ابو معتز .. تدري بيه وليدي ماارضى ع الغلط . روح ارتاح ويصير خير ..

رحت للبيت دخلت گبل الغرفتي… طلعت جنطتي وحظرت ملابسي كلها .. عبالك باجر اروح .

شوكت اروح واشوفها .. #بقلمي_شمس
اتذكرت گمت اتصلت ع عمي حيدر گتله دزلي عنوان عمي علي الي بتركيا ..
دقايق ودزاه الي ..
رجعت اتباوعت الرقم زحل الرساله ممفتوحه لسا والموبايل مغلق ..
شمرت ع السرير .. وحظنت التشيرت مالتها ونمت ..

گعدت من الصبح اخذت الجواز والمستمسكات وطلعت للجوازات ..
عندي ولد اعرفه هناك يسلم ماقصر مشاهه الي .. تالي رادوا احمد اتصلت عليه اجه ..
وكملنا كولشي بس گالوا التأشيره كم يوم يله تطلع والفيزا .. هاي عود عندي معارف ..
طلعت روحي شيصبرني كم يوم بعد ..

مااعرف شلون خلصن هذي الايام .. جهزت اموري وسلمت ع اهلي وراحوا ولد عمي وياي يوصلوني ومريت ع احمد اخذته ومشيت .. #شمس

وصلنا للمطار ... راحت ايدي الرقم زحل اريد اگولها لو ترحين الاخر العالم ..
الگاج ..
لگيته مغلق .. فتحت نت ع الخط اتباوعت الرساله مفتوحه يعني قرأتها ..
بس ماردت عليها ..

حسيت براحه شويه يعني عرفت مشاعري شنو ..
وقررت مااتصل عليها واسويها مفاجأة الها اريد اشوف شنو تسوي من تشوفني ..

ودعت ولد عمي وطلعنا اني واحمد .. رايح واني مااعرف اذا الگاهه او. لا ..
اسطنبول كبيره شلون راح الگاهه اذا ملگيتها ببيتهم ..

طلعت الطياره .. واني بقيت اتباوع البلدي العراق من الشباك وگتله راجعلك ياعراق بس وي حبيبتي وزوجتي زحل مستحيل ارجعلك وحدي ❤️
#بقلمي_شمس
يتبع…