لاأعرف لماذا احبها...?

البارت السادس عشر

البارت السادس عشر
#لاأعرف_لماذا_أحبها..?
#بقلمي_شمس

يأتي الليل  ويستدل ستائره السوداء وينام كلا في هدوووووء وأستيقظ انا وتستيقظ ذكريااااااتنا معا اضع يدي خلف رأسي وأستحضرك تراااااااك عينااااي ولا استطيع ان أصل اليك اشكو منك اليك  يشكو اليك حنين واشتياقي لك اقترب مني أكثر وأنصت لدقات قلبي  وهي تنااااااديك ' ترجوك ' تستحلفك ان تعود  اني أفتقدك افتقدك كثيرا ..

زحل .. رحت البيت جدتي بأنقرة .. وطلعت الصبح ع الدراجه الهوائيه .. اجيب خبز وحليب وريوگ ..
كان الجو بوز واني لابسه بس بلوزه وبنطرون .. مشيت شويه وسمعت احد صاح بأسمي زحل ..

التفتت ماصدگت نفسي .. ياربي اني بحلم لو بعلم .. معقوله هذا معتز .. مفكرت بأي شي بساعتها بس بأشتياقي وبلحظتها عرفت شگد احبه .. #شمس

ولو اني من تركته واحس بضيق كل مكان اروحله اتذكره من انام من اگعد كولشي اسويه يجي معتز ببالي وخاصه اخر ليله اثرت بيه حيل واشتاقيت الحضنه وانفاسه ..

ومن دزالي الرساله وقرأتها گمت ابجي عليه وبودي ارجعله بس فات الاوان مااگدر ارجعله بسبب الضغوطات وحتى اذا ارجع شنو اگوله وشلون ابررله ..
وحتى اذا اريد ارجع مااگدر لان مااعرف شلون ارجع ..

بس من شفته رغم الجو بارد حسيت بحراره بجسمي ونفسي يتسارع وابتسامته تخبل ع وجهه وياه ولد بس ماانتبهت بساعتها كان كل همي هو ..
نزلت من الدراجه اركض بأتجاهه وهو يضحك يگلي ع كيفج خبله راح توگعين .. #شمس

حضنته قوي وگتله .. ساني سافي يوروم ( انا احبك)
گال شنو .. گتله احبك معتز وبوسته ..
هو طار وحظني قوي ..
تالي حس ع روحه واستحه .. گال اشتعلوا دليم لج هاي شلابسه ووين حجابج ..

زحل .. هاي تركيا حبيبي مو بغداد هنا محد يباوع ويحجي ..
معتز .. منا صديقي وفضحتيني بلبسج لابسه جينز ضيق وبلوزه لزگ ع الجسم ومسويه شعرها ذيل حصان ..
وراكبه بايسكل ..
خجلت من صاحبي من شافها .. هو حس عليه ودار وجهه ع الحديقه ..

زحل .. شلون اجيت ومن دلك ع العنوان ..
معتز .. احمد صديقي مترجم اجه وياي .. واخذت عنوانكم من عمي حيدر .. رحنا وملگيناج وصديقتج ارزو نطتنا العنوان هنايه ومتحملت ابقى ليله وحده بعد .. واجيت

زحل.. الصراحه متوقعت تجي التركيا عمودي ..
معتز .. غير گلبي جابني .. والشي الثاني ردت اعرف ليش تركتيني زحل وليش عيشتيني اخر ليله بحلم ..

تغير شكلها من سألتها .. وگالت بعدين نحجي تعال خلي اعرفك ع جدتي .. ونتريگ اكيد جوعانين ..
اووووه ولو نسيت الخبز والريوگ .. #شمس

معتز .. انتي ادخلي للبيت واني واحمد نروح الاي سوبر ماركت نشتري ونجي ..
زحل .. بأخر الشارع تلگون سوبر ماركت ..
معتز .. اوك بس من نجي البسي شي ع ملابسج وقبعه لو حجاب فشله من الولد ..
زحل .. هههههه فديت الي يغار ..

معتز .. رحنا اني واحمد اشترينا خبز همه عندهم صمون كهربائي يسموه خبز ..
واشتريت اجبان وبيض وزيتون وحليب ورجعنا ..

اول ماوصلنا فتحت الباب عبالك منتضرتنا والابتسامه مفارقت وجهها ..
لابسه قبعه ع راسها وجاكيت طويل فوگ البنطرون من شفتها ارتاحيت ..
عرفتها ع احمد ودخلنا..
بيبيتها كانت مو كبيره عبالك بگد امي .. ولبسها واناقتها وعيونها خرز ملونه .. 
رحبت بينا واني كالعاده كولشي مافهمت .. بس هالمره زحل ترجمت ..
گالت ترحب بيك وتگول زحل سولفت عنك هواي وغمزتلي ..
بنت اللذين فضحتني گدام صاحبي ..
سوت الريوگ زحل وگالت معتز تعال ساعدني .. رحت يمها للمطبخ لگيتها دايره وجهها ع الطباخ ..
حظنتها من ضهرها وابوس برگبتها وهي ذايبه ..

تالي گالت معتز البيض حيحترگ ..
حظرنا الريوگ وتريكنا وشويه اندگت الباب .. واشوفلك كومه نسوان اجن .
زحل گالت ذولي صديقاتي جدتي متعودات يفطرون سويه وكل وحده بيدها ماعون شكل .. الفطاير والبرك ومعجنات .. #شمس

صدوگ اكلت .. وتالي گالتلهم هذا زوج زحل وهنا .. اكلني وشربني ويرطنن واني بس ابتسم واگلهن تشكلار
لان بس هاي اعرفها ..
زحل واحمد خربانين ضحك عليه ..
گالن دا يسألنك انت شنو تشتغل ..

ويجيبن ويعبن بحلگي اكل .. حست عليه زحل ضجت غمزتلي نطلع ..
گلت الاحمد تطلع ويانا .. گال لا راح ابقى هنا هذا الاكل والنسوان الحلوه وتردوني اگوم ..
الظاهر عجبه الوضع .. ومستانس ..

اخذت زحل وطلعت .. ركبت البايسكل وگعدتها گدامي وفرحان وهي هم بس تضحك ..
تالي نزلنا بحديقه .. گالت تعال نشرب شاي . گعدنا جابلنا النادل او الگرسون مثل متسميه زحل شاي  ..

گلتلها زحل تحبيني .. ضحكت ..
اشو مجاوبتيني تحبيني ..
زحل .. جوك ساني سافي يوروم 
معتز .. ها بدينا
زحل .. هههههه احبك هوايه
معتز .. لعد ليش تركتيني ومنو الساعدج ..
سكتت .. زحل لتسكتين تدرين هناك كولها تگول انهزمت وي واحد وتركتك ..
وصرت حجايه بحلگ مرت ابويه وانتي تعرفيها شلون تشمت بيه .. #شمس
ليش كسرتيني زحل وخليتي الناس تضحك عليه ..
والاهم منو الي ساعدج ورتب طلعتج ..

زحل .. الاحسن انه متفتح مواضيع .  متجيب نتيجه
معتز .. يعني ..
زحل .. اني ماارجع معتز
معتز .. واني شلون مفكرتي بيه ..
زحل .. وانتو ليش مفكرتوا من خليتوني اعيش حياة غريبه عني ..
هناك ناسكم غير هنا… شفت هنا شلون حياتنا بسيطه وكلها ضحك وانتو هناك بس مشاكل واني مااگدر اتأقلم وياكم ..
معتز .. والحل زحل شنو ??

#بقلمي_شمس
يتبع….