لاأعرف لماذا احبها...?

البارت العاشر

البارت العاشر
#لاأعرف_لماذا_أحبها..
#بقلمي_شمس

صار الصبح .. گعدت زحل گلتلها صباحوووو ياحلو مو متفقين نروح للزوراء .. لو غيرتي رأيج ..
زحل .. امممم گونايدن .. ليش الساعه هسا شگد ..
معتز .. اووووه هسا ساعه عشره ..

زحل .. نص ساعه واكون جاهزه بس ادخل اسبح ..
معتز .. اوك انتظرج بس اروح اشوف الشيخ واگوله واجي ..

نزلت لگيت الوجوه معبسه من البارحه .. سلمت على امي گالت شصاير البارحه ..
گلتلها هيج شغله بسيطه ..
ام معتز .. يمة يابسيطه من الصبح لسا اكلته الراسي ..
معتز .. اتحمليها يمه شنسوي ..

طلعت يم ابويه بالمضيف عمامي موجودين كولهم ..
استأذنت منه وگتله اريد اخذ زحل واطلع خطيه ضايجه وهم نغير جو ..

ابو معتز .. زين تسوي ابني روح الله وياك ..
رجعت للبيت لگيتها لابسه بنطرون وقميص من الي اشتريتهن الها ..
ولافه الشال بطريقه حلوه ولابسه نظارات طالعه تخبل ..
اتباوعتلها وضحكت ..
زحل .. ها اشو تضحك اعتقد لبسي مابي شي ..
معتز .. بالعكس طالعه حلوه ..

بس اغير ملابسي ونطلع .. هي لابسه لو سمائي فاتح
لبست قميص سمائي فاتح هم مثلها ..
ورتبت شعري واني حلو وحنطاوي .. طلعت اخبل حتى زحل من شافتني انبهرت ..
بس مگالتلي عيونها فضحتها ..

نزلنا سويه والعيون علينا .. واشتغل الحجي ..
مسعدة تگعد للظهر وتبدل ويطلعها الافندي .. واخواته بالجذب ميطلعهن ..
صدوگ لو گالو الاخو اخو مرته .. #شمس

معتز .. يوم احنا طالعين محتاجه شي ..
ام معتز .. لايمه سلامتك تونسوا ..
معتز .. مع السلامه ..
زحل .. مع السلامة ماما ..

ام معتز .. الله وياكم يمه ..
صعدنا بالسياره وهي يمي گاعده ولابسه النظارات عن الشمس تخبل ممصدگ نفسي ..
رغم رجعت تحجي وياي بس احسها مجبوره ومو زحل الي اعرفها تخبصني بالحجي وتاكل راسي بالتركي ..

زحل ساكته ومنطويه ع نفسها وحتى الي يحجي عليها مترد عليه ..
والصراحه خايف من هدوئها ..
واخاف يطلع الهدوء ماقبل العاصفه ..

وصلنا للزوراء الظهر واحنا اصلا ممتريگين .  گلتلها خلينا نتغدا وبعدين نفتر ..
گلتلها شنو تاكلين .. گالت دونر .. بقى ابو الكافتريا صافن ..
گلتلها زحل بالعراقي ..
گالت .. اممم شاورما وعصير وسلطه ..
گلتلها الظاهر جوعانه كولش .
زحل .. امم ميته جوع وورانا مشي وصرف طاقه 😉

معتز .. صحيح 😉 روحي اگعدي وحجيب الطلب واجي
گلت للولد يسويهن اربع لفات شاورما وصحنين مقبلات وعصير ومي ..

شويه وجابوا الطلب .. وگعدت تاكل .. بشراهه تخبل من تاكل وهي تحب الاكل الجاهز ..

اني بس اباوعلها ..
گالت .. اشو تباوعلي متاكل ..
معتز .. من اشوفج اشبع ..
زحل .. معتز خلينا نتونس اذا تبقى تحجي هيج رجعنا احسن ..
معتز .. لا خلص راح اكل ..
كملنا اكل .. گلتلها شتحبين نروح اول الحديقه الحيوان لو للالعاب ..
زحل .. خلينا بالاول الحديقه الحيوان ..
رحنا الحديقه الحيوانات تونسنا وهي هم فرحانه وكل ساعه وطفرت .. أصلان ( اسد ) ..
واخذت صور يم الاسد وتسوي حركات تخبل .. وخبلتني .
اني استغليت الفرصه وگمت اخذلها صور عفويه.
بعدين شافت القرد تخبلت عليه .. اوووه  ميمون
وراحت تلعب وياه واشترت بوشار وتنطيه ..

والملعون فرحان وياهه ..
هسا لو اصير قرد وتلعب هيج وياي ..

هي تونست واني تونست بشوفت ضحكتها وحركاتها العفويه ..
وتسوي حركات واني دا اخذ صور .. وشفت اصدقائي…
ها معتز .. اگول گالب علينا وصار فتره متطلع ويانه ..
تالي عندك حب جديد ..

معتز .. ولكم ياحب هاي مرتي ..
علاء.. بربك معتز ماعندها اخت ..
معتز .. اطفر احسن الك لا اطفرك ..
اشو متستحون يله روحوا ..
اصدقائي .. ههههه رايحين عمي بس مو تنسانه ..
معتز .. لا ان شاء الله
محمد .. اي صدگنا
معتز  .. ههههه دروحوا شنو شلغمتوا حسو عاد ..
هههههههه

لگيتها واكفه تباوع للطاوس وتاخذ صور اجيت ..
گالت هذولي اصدقائك ..
معتز .. اي لزگوا فد لزگه
زحل .. امممم
معتز .. ليش اكو شي احد ضايقج بشي .
زحل .. لا هيج مجرد سؤال وثاني شي اذا احد ضايقني اني اتصرف ميحتاج اگولك ..
معتز .. شنو ميحتاج غير اني زوجج واني اخذ حقج ..
زحل .. شوف معتز هذا طبعك الي ميعجبني كولشي لازم انت تسويه وبدون متاخذ رأي عندكم نظام دكتاتوري ..
معتز .. يابويه سويتيه دكتاتوري ..
زحل .. انت صحيح تگول اني منفتح وواعي بس تصرفاتك تگول غير شي ..
ماخذ طبع عمو وطبع العشائر ..
معتز .. ادري لو شاسوي مااعجبج .. لتعكرين الجو وخلينا متونسين ..
زحل .. هههه اوك امشي دنروح نلعب ..

معتز .. اضوج من هيج تعاملني .. بس تغاظيت ورحنا صعدنا بالقارب اثنينا نسوق بي ..
وهي فرحانه وصعدنا بالدولاب .. وهي مخلت لعبه خطره مصعدتها گلبها ميت 😂

صار العصر كولش .. گلتلها يله خلينا نرجع ليصير الليل وورانه طريق والجو تغيبر مو مثل قبل ..

زحل .. اوك .. اگول معتز اشو لسا مداومتوا انت مو معلم مااعرف مدرس ..
معتز .. اي مدرس .. بعد اسبوع ع المباشره مالتنا ..
زحل  .. احنا هيج وكت بدت الدوامات عدنا ..
معتز .. اذا عندج نيه تكملين عادي كملي هنايه انتي شنو واصله
زحل .. اني بالثانوي وهذي السنه عدنا اختبار الجامعات
بس… ..
معتز .. عادي كملي هنايه .
زحل .. ههههه اصلا اني صحيح اعرف اتكلم عراقي لكن كتابه مو كولش اعرف اكتب ..
يعني صعب اكمل هنايه ..
معتز .. اني اعلمج تكتبين وتقرأين وادرسي واوصلي للي ترديه ..
زحل .. مستحيل اگدر اوصل للي اريده هنايه حياتي غير عنكم ..
#بقلمي_شمس
يتبع…