لاأعرف لماذا احبها...?

البارت الرابع

البارت الرابع
#لاأعرف_لماذا_أحبها..?
#بقلمي_شمس

كان يوم متعب ومشاكل الناس متگضي .. رجعت تعبان الظهر اني وابوي ..
حظروا الغدا ..
گعدنا ناكل… زحل هم گاعده اتباوعلها اخذت قطعة دجاج صغيره وسلطه ..
وتاكل .. ماادري شلون تشبع ..
ام فرح .. شنو هذا الغوه اشو تتماوعين .. اكلي اشبعي بطنج .. #شمس

معتز .. حسيت بمرت ابوية تغيظ بيها .. بس مگدرت احجي احتراما الابوي گاعد ..
بس امي ردتها .. عيني ام فرح خلي جنتي ع راحتها .. حلاتها برشاقتها .. #شمس

زحل .. اني اسمعهم وممهتمه خلصت .. گولتلهم دايمه ورفعت الصحن مالي حتى اغسله .. احنه هناك متعودين كل الي يخلص يرفع صحنه يفرغه ويخليه بغسالة الصحون بس هنايه ماكو غساله فغسلته بيدي ..

اجت دنيا ورايه .. تعالي عيني التركيه مو انهزمتي اشو غسلتي بس ماعونج .. اغسلي ذولي وياج ..
زحل .. اني اكلت بي اغسله بعد لويش اغسل صحون غيري ..

ام فرح .. بطلي تتماوعين صحن وصحن وحالج من حالنا هم اشتغلي واغسلي مواعين .. #شمس

زحل .. طنشتهم وردت اطلع .. سحبتني هذي العجوز من ملابسي وگالت من احجي وياج توگفين لو امج التركيه علمتج بس ع الصلافه واللبس الضيق ..

عصبت عليها 😡 گولتلها آنيه احسن منك ..
دخل معتز .. هي گامت تعيط  .. وتگوله رد مرتك تغلط عليه .. وتگلي اني احسن منج ..

زحل .. ههههه ضحكت
معتز .. ع شنو تضحكين .. انتي هيج گلتي الام فرح
زحل .. اني مقللت ادب هي الي سحبتني من ملابسي وتغلط عليه وع امي ..
گولتلها .. آنيه احسن منك يعني امي .. مااسمح الاي احد يغلط ع ماما .. #شمس

معتز .. گولتلها اصعدي الغرفتج هسا جاي ..
وانتي يمه هم ع كيفج وياهه طفله ومتعرف وتعتبر غريبه بدل متتجاوزون عليها .. علموها انصحوها ..

دنيا .. هي تفتهم بالحجي عايفه الشغل علينا وتتماوع ..
معتز .. دنيا ترى السانج طايل وصايره تتحكمين بالبيت وتقرين براس امج ..
شنو سالفتج متگوليلي ..
ام فرح .. شنو اني طفله وتقرأ براسي .. شو ماتعرف تحجي انت ..

معتز .. لا والله انتن الي ماتحترمن فرح ونهى اكبر مني ومن يجن حتى ايدي يبوسنها ويحترمني بس دنيا شيخه ع البيت ..
اني انقل الوضع للشيخ اريد اشوفه يرضى بهذا الوضع رحت الابويه وحجيتله كولشي .
گال للعصر يصير خير بس خليني ارتاح ساعه ..

صعدت للغرفه لگيت زحل حاظنه جنط اهلها وغراضهم وتبجي .. #شمس

گولتلها هاي غراض اهلج وملابسهم شتسوي هنا ..
زحل .. ذكرى منهم ..
معتز .. گومتها وگعدتها ع السرير .. اسمعي زحل ومسحت دموعها ..
هذي الملابس والغراض ميصير تبقى هنا لازم .. ننطيهن الفقير او محتاج حتى روحهم ترتاح ..
ماادري تفهميني لو لا ..

ابتسمت وهزت براسها أيڤت ( نعم) ..
گولتلها والي بالبيت لتهتمين الهم .. حاولي تتأقلمين وياهم اوك ..
هزت براسها ..
گالت .. ههههه تعاملني عبالك خرسا
معتز .. هههههه هسا شلونج ..
زحل .. آييم تشكورلار 

معتز .. حكيت راسي ها رجعنا ..😂 بس يمكن شكرتيني صحيح ..
زحل .. هههههه أيڤت گوتلك بخير شكرا 😉

يرادلي ادخل دوره تركي ..
زحل .. اني اعلمك تركي بس الكروه تطلعني ..
معتز .. شدعوه غاليه هيج يرادلنا هواي نطلع واني وكتي مو الي .. #شمس
زحل .. لوتفان معتز ☺️

معتز .. اووووف حركتي عشيرة معتز بس گوليلي الصراحه هاي عيونج لو عدسات ..

زحل .. عيوني مشفت ماما نفس اللون ..
معتز .. ها ماانتبهت بس شدعوه وجهج هيج صافي ..
زحل .. هههه ولو مفهمت ..

معتز .. ديله خلينا ناخذ هذي الغراض نطلعها والعصر اني طالع للسوگ اخذج وياي ..

زحل .. ياي وحظنتي وتعيط تشكورلار تشكورلار ..

معتز .. هههههه مخبله رگبتي اريدها ..
زحل .. افف خجلت ☺️

طلعت ذهب وصور واغراض خاصه الامها گولتها هذولي الج احتفضي بيهم بس الملابس نطينياهه..
واخذتهن ونطيتهن للحارس گوتله وزعهن ..

للعصر اخذتها وطلعنا .. وعبالك مشايفه وفرحانه .. وشافت جهاز جري مال رياضه ..
عاملت عليه تريد تشتريه .. بس متعرف العمله العراقيه
گولتلها اني احاسب مقبلت ..
عطت بيها ضاجت متفهم بالكلام ..
اتباوعتلها گلتلي .. سنتر 😡 ( مزعج)
گلتلها هههههه شنو هاي والله يمكن سبتني ..
اجيت يمها گلتلها شنو سنتر
دايره وجها وتحجي سن سنتر .. انت مزعج

معتز .. هههههه اويلي يابه ..
خليج هنا وهسا اجي .. رحت ادور ع مكتبه جبت قاموس عربي تركي واجيت ..
گالت شنو هذا .. گلتلها سننانيه ( ماشأنك)
ضحكت بصوت عالي ..

معتز .. اشتعلوا دليم ولج فضحتينا ..

اشتريتلها الجهاز ونطيته العنوان يدزه ع التوصيل ..
وگلتلها تعالي اخذج للمول ..
شايله ذهب امها ومجوهراتها تريد تبيعهن ومنعتها ..
گولتلها مدام اني موجود اني اتكفل بيج ..

زحل .. اولماز اني عندي ..
معتز .. رحمه الاهلج كافي مو موتيني شنو غير ممكن حفظتها .ربي ..
دخلنا المول وهي فرحانه .. دخلت اشتريتلها قمصان طوال لان قمصانها للصره ..
وشالات واحتياجات وهي معبسه معجبنها .. تريد قميص قصير .. #شمس

تالي گلتلها جوعانه تعالي ناكل .. گامت تباوع للاكل مخلين منيو ع الطاوله ..
وترطن تركي .. بفتيك .. سلطه .. بردك سو .. والنادل يباوع ويضحك وبصفنا طاوله بيها هم شباب وبنات ويضحكون واني دمي يفور ..

احجي عدل فضحتينا فهمنا بس السلطه ..
زحل .. ستيك وسلطه وكاسة مي شنو مو مفهوم ..
معتز .. اتباوعت للنادل گوتله واني هم مثلها ..

جابو الاكل واگلت .. واني اباوعلها واضحك عبالك مماكله ..
#بقلمي_شمس
يتبع…

اعذروني حبايب لان دا اتاخر عليكم .. بس هاي الفتره تعبانه ومريضه اعذروني ❤️