لاأعرف لماذا احبها...?

البارت التاسع

البارت التاسع ..
#لاأعرف_لماذا_أحبها..?
#بقلمي_شمس

دخلت للبيت صاحني ابوي ..
دخلت للاستقبال وياه ..
الشيخ .. معتز انت بيك شي وظام عليه ..
معتز .. بويه تعبت . زحل طبعها يختلف عنا ..
ودنيا وام فرح شادات وياهه ..

يعني ذيج المره من ضربت دنيا .. گلتلي عساس زحل گالتلها زواجنا ع ورق .. ودنيا فضحتني گدام بنات عمي وخوالي .. #شمس
واني فار الدم بيه وصعدت وصار الي صار ..

ابو معتز .. افه عليك معتز هاي مو من شيمنا وليدي اذا مو برضاة المره مانسوي شي ..
معتز .. يابه السبب دنيا طلعت تتنصت علينا وكذبت عليه وخلتني اضلم زحل ..
وهسا زحل كرهتني .. وتريد تروح ..
ابو معتز .. وين تروح
معتز .. التركيا
ابو معتز .. مالك شغل هاي تحجي وحدها منو ياخذها ..

ودنيا اني اتصرف وياهه ..
دنيا دنيا .. اجت ام فرح .. ها ابو معتز دنيا خطيه تعبانه سوده عليه ونايمه رايد شي .. #شمس

ابو معتز .. تروحين تصيحيها لو اهد البيت عليج وعليها ..

شويه واجت دنيا تفرك بعيونها .. ها بابا..
ابو معتز .. تعاي يمي .. اگعدي هنا
دنيا .. گول بابا
ابو معتز .. لج انتي كم اگلج اتركي زحل ومعتز شعندج وياهم وشعندج تتنصتين ع غرفتهم وتنقلين حجي ..

دنيا .. بابا والله معتز يكرهني ويتبلى عليه كذاب ..

معتز اول مره اشوف الحجي هيج .. هو من النوع. الحكيم بتصرفاته ومايضرب بس دنيا تجاوزت ..
سحلها من شعرها وشبعها ضرب ..

باعي لج معتز بمكاني اذا طال السانج عليه وتجاوزتي اموتج وادفنج ..
اللسانج ع اللسان امج .. ماطلعتي ع اخواتج ..

اجت ام فرح تعيط عليه ..وتگلي الله لينطيك كوله بسببك وبسبب مرتك الحيه ..
ابويه ضربها راشدي اني استغربت منه .. بسرعه ركضت لزمته .. يابه مو هيج اهدأ.
گال .. لهنا وكافي .. اشو ماتحترمن رجال بالبيت ..
اعرفج من هو صغير حاقده عليه .  وعلى امه لان جابت ولد ماتندرتي وجبتي الولد .. #شمس

لج ام معتز اصغر منج وافهم واعقل منج . كنت اشوفها تتأذى منج ومااجت يوم وشكت عليج ..
وانتي ماوراج بس القهر والمشاكل وعلمتي بنتج ع الحقد اذا كاتلها الزواج هيج ..
من باجر اشوفلها واحد واخلص منها ..

هدأت ابويه واخذته الغرفته…  وطلعت لگيت ام فرح تعيط تقربت عليها ردت ابوس راسها .. دفعتني وگالت لاتصدگ اعديها الك معتز ..
هذا الراشدي الي انضربته وبكبرتي ..
اخذه منك اضعاف .. #شمس

تركتها وصعدت .. بقت تخربط بالكلام واني مالي خلگ ..
دخلت الغرفه .. لگيت زحل نايمه ع القنفه ومتغطيه بس القنفه صغيره ومتگدر تنام تحوس ..

شلتها حظنتني بأيديها ونامت ع صدري .. خليتها ع السرير وبودي ابقيها ع صدري نايمه .. نزل شعرها ع وجها .. سحبته بأصابعي ..
بقيت اتباوع الملاكي وحبيبتي .. بدأ الجو يبرد والتكييف مشغل وهي گافه من البرد ..
غطيتها ورحت خليت فراش بالگاع ونمت .. واني نايم سمعت الباب انفتحت ..
شفتها نزلت .. انتضرت شويه مااجت قلقت ..

نزلت وراهه .. لگيتها تدور بالثلاجه ..
فتحت الضوه .. طفرت ..
گلتلها جوعانه .. گالت أيڤت (نعم) حفضتها هاي الكلمه😉
معتز .. لعد ليش من دزيتلج عشا رجعتيه ..
زحل .. عشاكم كوله دسم لحم وتمن ومرگه .. اني مااكل هيج بالليل ..
معتز .. لعد شنو حتاكيلين
زحل .. حسوي سندويج جبنه وطماطه وخيار تاكل وياي .
معتز .. ياليت لان اني هم ممتعشي .

هي طلعت صمون وجبن وطماطه وخيار وتسوي .. واني خليت القوري مال شاي ع النار ..
زحل .. شحتسوي ..
معتز .. شاي وي الجبن فد شي ..
زحل .. لا اني اريد كاسه حليب ..
معتز .. صار #شمس

كملت زحل السندويجات .. واني صبيت الشاي والحليب ..
وگعدنا بالمطبخ ناكل ..
حسيتها احسن بس متباوع بوجهي ..
گلتلها شنو رأيج نطلع باجر للزوراء نتونس ..
زحل .. تعبانه ..
معتز .. غيري جو ترتاحين ..
زحل .. اوك .. بيش الساعه ..
معتز .. الجو حلو نطلع بالعشره ونبقى للعصر ونرجع ..

هزت براسها وشربت كوب الحليب وگامت تغسل المواعين واني اباوعلها لابسه تراك وتفتر گدامي جسمها يكتل .. #شمس

اووووف معتز بطل تفكيرك .. خليها تتعود عليك اكسب گلبها وبعدين فكر بجسمها ..
شسوي اذا بنت اللذين تخبل رغم ماهي حنطاويه بس جمالها يختلف ..
والجسم متناسق ورشيقه الشعر بني .. كولشي بيها حلو والعيون يكتلن يموتن يذبحن 😉😂

خلصت صعدنا للغرفه ..
گالت الجو بوووز ..
معتز .. يعني بارد
زحل .. ههههه
معتز .. ( اوووف ردت روحي بضحكتها) اها شفتي شلون عرفتها .. اطفي التكييف
زحل .. هاير .. الجو حلو #شمس

سكتنا شويه وبعدين گالت ..
انت خليتني ع السرير ..
معتز .. اي شفتج ممرتاحه ع القنفه ..
زحل .. اني مااحب انام ع السرير .. انت نام عليه واني انام بالگاع ..
معتز .. زحل الخاطري كافي مو اعتذرت منج بعد شأسوي والله ماالمسج بعد ..

طفت الضوه ونمنا .. گولتلها زحل گالت .. أيڤت
گلتلها .. اريد اسألج سؤال بس تجاوبيني بصراحه ..
شنو مشاعرج اتجاهي .. اني شنو بالنسبه الج

زحل .. زحل .. گمت من مكاني لگيتها نايمه ..
اووووف هسا وكتها تنامين ..
اتمنى تريحيني وتگوليلي مشاعرج شنو ..
اتغطيت ونمت لان الجو بووز سالفه زحل😉..

زحل .. من سألني ع مشاعري .. سويت نفسي نايمه لان مااعرف شنو اجاوبه واني اصلا مشاعري مخربطه ساعه اتمنى ينام يمي واتدفأ بحضنه ..
لان احسه حنين .. وساعه اتذكر الي سواه اضوج واكرهه يعني مشاعري مثابته .. ومااريد احبه وابقى هنا ..
#بقلمي_شمس
يتبع..