لاأعرف لماذا احبها...?

البارت الثامن عشر والاخير

البارت الثامن عشر والاخير
#لاأعرف_لماذا_أحبها..?
#بقلمي_شمس

ﺳﺄﺑﻘﻰ ﺁﺗﺄﺭﺟﺢ ياحبيبتـــــــي ﻓﻲ
ﺑﺴﺘﺂﻥ ﺇﺣﺴﺂﺁﺁﺁﺳﻚ وأنوثتكِ
ﻭﺍﻟﺘﺤﻒ أيتها الفاتنــه ﺑﻌﻄﺮ ﺃﻧﻔﺂﺁﺁﺁﺳﻚ
ﻳﺂزحلي ﺍﻟﻌﺬﺏ ﺇنعشيني ﺑﻬﻤﺴﺂﺁﺁﺗﻚ
ﻭﺁﻃﺮبيني ﺑﻠﺤﻦ ﻭﺣﻨﺂﺁﺁﻥ ﻟﻤﺴﺂﺁﺁﺗﻚ
ﻓﺄﻨﻲ ﺃﻋﺸﻖ ﺍﻟﺤﻠﻢ أيتها الشقــيه ﺑﻴﻦ ﻃﻴﺂﺗﻚ
ﻭﺃﻫﻮﻯ ﺍﻟﻐﻔﻮﺓ ﻓﻲ ﺩﻑء ﺃﺣﻀﺂﺁﺁﺁﻧﻚ
ﻳﺂﺭﻭﻭﺡ ﻋﻤﺮﻱ ﻳﺰﺩﻫﺮ ﺑﺤﻨﺂﺁﺁﻧﻚ
ﻭﻳﺘﻔﺘﺢ ﺍﻟﻮﺭﺩ ﻭﻳﺘﺴﺂﺁﺁﻗﻂ ﺍﻟﻨﺪﻯ
ﻓﻲ ﻭﺭﺩ ﺟﻨﺂﺁﺁﻧﻚ ﺁﺣﺒﻚ ﺑﻨﺒﺾ ﺁﻧﻔﺂﺁﺁﺳﻚ…

عشنا احلى ايام ولحظات سويه ببيت عمي وحدنا .. صدوگ حياة الاستقلال حلو .. #شمس
تحس نفسك مستقل وماكو احد يزعجك .. ولو هي متعرف تطبخ بس بيض وطماطه ومقبلات ..
تالي گمت اني مرات اساعدها .. او نطلع ناكل بره ..

بدت امتحاناتها والتهت بيهم .. واني اروح وياها وانتضرها لحد متكمل ..
خطيه تعبت هواي بفترة امتحاناتها كانت مصره تطلع كليه زينه .. هي كانت تحلم بالطب .. #شمس

اني هم گمت مااضغط عليها .. لان خطيه تتعب ..
خلصت امتحاناتها بعد معاناة ..
وقررنا نسوي شهر عسل .. قبل النتائج وقبل منرجع للعراق .. #شمس
مخلينا مكان مرحناله .. تونسنا وحسيت هذي الفتره اختبار الحبنا حسيت زحل صدوگ تحبني ..
وسطرت راسي كل ساعه گالت .. ساني سافي يوروم

بآخر فترة تخربطت زحل .. وتدوخ وتستفرغ .. اخذتها للمستشفى سوولها تحليل طلعت حامل طرت من الفرح وهي تضحك عليه ..
لان گمت اعيط .. اتصلت بأبويه وگتله فرح وگال جيب مرتك وتعال ابنك لازم ينولد هنا ..

معتز .. صار يابه بس تطلع نتائجها .. #شمس

طلعت نتائج وكانت ناجحه بدرجات عاليه .  وطلعنا احتفلنا بنجاحها وتفوقها ..
بعد كم يوم رجعنا للعراق وزحل نايمه ع كتفي .. وصلنا گلتلها حبيبتي وصلنا حسيتها ضاجت بس تبتسم حتى مااضوج ..
وصلنا البيت اهلي ابوي ضايج من زحل .. اشرتلها وگعت عليه وباست راسه ..
دخلنا للبيت اتباوعت المرت ابوي لونها تخربط ..
گتله بويه قبل مانگعد وتحكم ع زحل .. اسمعني صحت مرت ابويه ودنيا .. #شمس
گال ابويه .. شكو ام فرح شلها شغل ..

گعدتهم وگتله يابه كلكم حكمتوا ع زحل واتهمتوها انهزمت وي واحد ..
واولكم ام فرح .. ضحكت وتشمتت وتهمت مرتي ..
وهي السبب بطلعتها ..
ابو معتز .. شكو معتز فهمنا ..
معتز .. ام فرح هددتها بأخوتها وگالتلها اقتلج اذا بقيتي وهي الي تكفلت بأجراات السفر .. ودنيا تدري وشاهده
ترضاهه بويه .  ابوي تخبل ونزع عگاله وضرب دنيا وراد يضرب ام فرح لزمته ..
وهي تدعي وتحجي .. الله لاينطيك يامعتز انت وهاي التركيه الصايعه الي جبتها وشمرتها علينا ..الله ينتقم منكم ..
ابوي يعيط ويسب وهي ولاعبالك بعدها تغلط ..
تالي گالها مااتشرف وحده مثلج مرتي . انتي طالگ

كلنا انصدمنا من الخبر .. هي تهسترت وگامت تدگ وتلطم وهجمت ع زحل تريد تكتلها .. لزمتها گلت الزحل صعدي الغرفتج ..

ابويه كال الدنيا وانتي حظري نفسج اجو ناس عليج راح انطيج واخلص ..
ضيعوا حتى فرحتي بخبر حمل زحل ..
ردت احجي وي ابويه حتى اگعد ببيت المنصور .. بس لان تعب وتخربط اجلتها ..

صعدت الزحل لگيتها تبجي حظنتها ونيمتها ع صدري وغفت ..
گعدنا بالليل .. گلتلها جوعان حبيبتي ..
زحل .. صار حبيبي هسا انزل اسوي ..
نزلت للمطبخ لگيت مسوين كباب وبطاطا وعازلين عشانا حميته بالاوڤن .. وسويت سلطه ..
وصعدته للغرفه فتحنا تلفزيون وگعدنا ناكل .. وگلي معتز لتنقهرين الي ترديه يصير .. خلصت اكل شلت المواعين غسلتهن وصعدت مسحت الاخشاب والارضيه كولها تراب وبدلت الفرشات ..

تالي نمنا .. ثاني يوم گعدت تريگنا وطلع معتز للمضيف وام فرح ماراحت بقت ..
تگول البيت بيتي مااطلع الي معاجبه خلي يطلع ..

معتز .. رحت الابويه للمضيف وحجيت وياه .. يابه رجع ام فرح مره كبيره وموزينه بحقك تطلگها تالي العمر ..
واذا غلطت تتعلم..
واحنا هم ماراح نبقى وياكم حتى نخلص من المشاكل وهم اني وزحل نريد نبدي حياتنا من جديد..

ابو معتز .. وتعوف ابوك وحده هي هاي جزاتها ..
معتز .. يابه اني مراح اعوفك وكل يوم يمك .. وماتحس بغيابي بس تعرف زحل ممتعوده ع المشاكل ..
واني مااريد اگضي حياتي بالمشاكل ..

ابو معتز .. بكيفك وليدي هو انت اصلا مقرر مايفيد الحجي .. #شمس
حسيته ضايج گمت بسته واخذت من خاطره ..
ورحت گلت الامي ع القرار وگامت تبجي بس بعدين گالت الله يسعدكم يمه ولو ردت ابنك يربى يمي ..

معتز .. لتخافين يمه منا الذاك الوكت الله كريم ..
صعدت بشرت زحل وطارت من الفرح ..
واخذت اخواتي وزحل ورحنا نصفنا البيت .. ورتبناه وجبت غرفتي نقلتها للبيت .. احنه بيتنا مأثث ..

وعشت اني وزحل بي اني اداوم وهي دخلت دورات عربي تتعلم لغه عربيه كتابه لان مكانت تعرف تكتب ..
وعشنا حياتنا بحلوها .. ومرها ارجع وبدت بطنها تكبر وصارت بطه بس تخبل .. ام عيون الخظر ولسا ممصدگ اكو وحده حنطاويه تطلع عيونها خظر ..
ودخلت بشهرها وجابت ولد وسمته علي ع اسم ابوها .. وزحل صارت تحجي احسن مني عربي وتكتب لان حتى تكمل جامعه هنا ..

وهاي نهايه قصتي اني وزحل وطبعا مو النهايه لان حياتنا بعدهي بأولها .. الحب حلو لكن اذا كان متبادل لان عانيت ببدايه حبي لان كان من طرف واحد ..
مااتصورت يوم احب وحده وهيج اتعلق بيها .. بس زحل كانت ومازالت كولشي بحياتي ..

متابعه ممتعه احبتي وارجع انوه القصه حقيقه لكن لاتخلو من الخيال ..
بقلمي_الكاتبه_شمس