#مذكرات_مراهقة
للكاتبة ميار الشمري
الجزء الرابع
نور،،،تقدمولي بيت عمي ورة ايام ودخلوني لديوانية ديسألوني عن رائي جنت راح اموت من الخجل وعمي ابو صلاح كعدني يمة وسألني موافقة او لا جاوبت الي تشوفونة عمي كلي احنة الي نشوفة انتي بنيتنة ومتصيرين لغير ابنة وضحك وابتسمت وقروا الفاتحة وبلشت الهلاهل من كل صوب جنت طايرة من الفرح وصلاح نفس الشي صلاح ،،،عمي اعرف بيكم مخبوصين بزواج انور لذلك بعد زواج انور نعقد ان شاء الله ونتفق على كل شي
ابو نور ،،،ان شاء الله ابوية الله يقدم الي بي الخير
نور،،،،طلعت من الديوانية واحس كلبي راح يطلع من صدري خالتي ام صلاح اخذتني من ايدي وكالتلي تعاي يوم صلاح يريد يباركلج استحى يباركلج كدام اهلج طلعتني بالحديقة جان منطيني ظهرة وديحجي بالتلفون باوعلي وابتسم وحاول ينهي المكالمة راحت خالتي وتركتني وياه احس حتى خطواتي صارت ثكيلة لزم ايدي اثنينها وباسها
نورة الا احطج بعيوني واخليج اسعد مابالكون
نور،،،احس كلبي يدك ولساني ثكيل مكدر احجي همست الله يتمملنا على خير واخليك اسعد انسان بالدنيا
صلاح،،،لازم ايدها واباوع للكمر ربي شهل نعمة صدقة لهل حلك الي يكول كرز
نور ،،،كام يعصر على ايدي سحبتها
صلاح،،،فدوة لبنوتي يمكن وجعتج يمة شكد احبج نورة
دكوليلي احبك نور مسمعتها منج لحد هسة
نور ،،،مكدر ودنكت
صلاح،،،فدوة مستحية مني شنو !!
اوك لعد اريد اليوم اسمعها منج على التلفون صدك مااعرف رقمج شنو ؟؟
نور،،،ماعندي تلفون خاص بس احجي مرات بتلفون ماما مع صديقاتي او من تلفون حمودي
صلاح،،،تلفون حمودي شنو 😒
باجر اجيبلج موبايل وخط خاص الج نتواصل بي
نور،،،بهل حجي طلع عمي وابوية وعلي وحمودي وطبيت فد استحيت كلش وطبيت بغرفتي وبيومها ماشفت احد بيهم ماطلعت من غرفتي
وفعلا ثاني يوم اجى صلاح وجان عدنا عمال ديشدون بغرفة انور وغرفتي كدام غرفة انور ظليت كاعدة بالغرفة بس جنت اسمع صوت صلاح يحجي ويضحك وياهم هو وانور جنت بمجرد مااسمع صوتة احس بفرح ابتسم وايدي على كلبي مكدرت اطلع ولا كدرت اشوفة دزلي مع فطومة علاكة
فتحتها جهاز موبايل جان الكلاكسي دوز توي نازل وكفر حلو وردي ومنصبلي برامج بي وعطرة متغلغل بكلشي
جانت فطومة شايلة لعبة ماشة تخبل وبيها كرون وعطر صلاح متغلغل بيها
فاطمة،،،،شوفي ياعيني عمو صلاح شنو جابلي 😛
نور،،،جيبي ولج هاي مالتي يمكن جانت بالعلاكة وانتي ام لسان طلعتيها
فاطمة ،،،لا والله بالقران العظيم هو نطاني ياها وطلعت تركض
صلاح،،،جنت متمني اشوفها بس مارهمت لان جان عدهم عمال ومخبوصين ديشدون غرفة انور واني تعبان جان عندي خفر بالمستشفى دزيت الجهاز مع فطومة وقبل لا اطلع جانوا يسولفون انور والعمال واني واكف على جهة جان فطومة تلزم ايدي عمو صلاح هاي نور تريد تاخذ لعبتي دكولي هاي مالتي جابها عمو صلاح الي والله هي دكولي هيج
صلاح ،،،ضحكت من كل كلبي وكعدت كدامها همست فطومة اانطيهيا وباجر من اجي اجيبلج احلى واكبر من هاي
فطومة،،،لا عمو اريد اريد نفسها بس شعرها اطول هاي شعرها قصير
صلاح،،،مو تدللين ياعمو امر هههههه
يبو اني هم نسيت عندي حبيبتي هم طفلة وتحب هالاشياء جان المفروض اجيبلها لعبة ضحكت من كل كلبي
نور،،،،جنت فرحانة بالجهاز ودأتصفح بي جان تجي فطومة وتشمرلي اللعبة هاج هاي من عمو صلاح واني راح يجيبلي احلى من هاي يجيبلي شعرها طويل
نور ،،،تعاي ولج شنو كولتيلة شكد عيب ياربي اليوم اذبحج 🙈
بيومها اتصل بيه جان خازن رقمة بالجهاز وتشكرتة على الجهاز وبقينا لنص الليل نحجي جان كلامة يخبل وتفكيرة كلش حلو حبيتة وحبيت كلشي بي
صلاح،،،حبي اشتريتي ملابس لعرس انور
نور،،،بعد ماطلعت هالايام نطللع اني وماما واجيب
صلاح،،،لا اني اجيبلج على ذوقي
نور،،،لا ليش شبي ذوقي هههه
صلاح،،،يخبل ذوقج ولان يخبل مااريد تلبسين على ذوقج اني لبسة حفل الخطوبة لحد هسة لاجع كلبي منها فدوة حبيبي اوعديني متلبسين قلع او قصير كدام الناس والله اخاف عليج انتي تخبلين لو البسج كونية تظلين حلوة فما بالج طلعين زنود وزرور يبووو🙈
نور،،،اوك حبيبي وعد جان يسولف نمت وهو ديحجي لان جنت ممتعودة على السهر
صلاح،،،فدوة لحبيبي طفت من وكت واني من عشاق السهر
ثاني يوم جان عندي خفر بالمستشفى ومرحتلهم ومكدرنة نحجي قليل
من خلصت دوامي نزلت للمنصور لان جنت اسمع ارقى واجمل الماركات الكاها هناك جنت اباوع للملابس من الجام خانة وكلها مكشوفة وشفافة وقصير وقلع
ابو المجمع ،،،،اتفضل حبيبي شلون اخدمك
صلاح،،،اشكرك خادم ربك اريد فستان يكون مرتب وانيق ونازك وبنفس الوقت يكون مقبط وابتسمت فهمتني؟
ابو المجمع،،،،اكيد فهمتك ان شاء الله طلبك يمي اتفضل وياية اخذني على جهة فساتين كومة على المليكانات كلي شنو رائيك بهل قطعة
صلاح،،،جان فستان احمر سادة نازك وكل شغلة بالقصة مرتب بشكل بس جان بدون حمالات قلع من فوك اشرتلة على الفوك شلون بهل حالة كلي سهلة جابلي بوليرة قصيرة سودة وجانت وياه صدك تحفة ابتسمت وكتلة عاشت ايدك انطيتة القياس
كلي بس شوي مكلف كلت بشكد ميكون حطلياه وطلعت ركبت بالسيارة كمت ارتب بنفسي باوعت لوجهي تعبان كلت خلي اروح اتريك وادوش واروحلها رجعت للبيت لكت ابوية وامي ديتريكون
امي ،،،صلاح ماما تعال اتريك قبل لتنام
صلاح،،،دأصعد على الدرج همست ومنو كلج ماراح اتريك اسبح واغير ملابسي وانزل اتريك
امي ،،،شعجب ماراح تنام ؟؟
صلاح ،،،لا ماما طالع
غسلت وبدلت واتريكت وطلعت رحت لبيت عمي
نور،،،ورة يومين اجة صلاح وكعدوا هو وانور بغرفة انور وسوالفهم وضحكهم الى يمي جان بعد 3 ايام للعرس
انور،،،شنو رائيك صلوحي بالغرفة
صلاح،،،تخبل حبيبي الله يتمملك على خير واني اكتب لنور تعاي لغرفة انور
نور،،،لامااكدر استحي
صلاح،،،انطيت العلاكة لأنور كتلة هاي لنور بس خلي تتأكد من القياس
انور اخذها وخلاها يمة جان يشتغل بالانارة مالت الغرفة
صلاح،،،بكلبي يخرب بيت عقلك شكد بالك طويل واني مقفل من النعس مانايم الليل كلة ونور قافلة متجي تستحي مشوار نص ساعة وراح وداها انور واخيرا 😕
نور،،،،لبستها تخبل شنو هاي اباوع لنفسي بالمرايا والقياس فت دزيتلة شكرا حبيبي تخبل
صلاح،،،ولو حبي ادللي بس المصيبة مااقتنع الا اشوف بعيني هههه
نور،،،جنت مستحية من انور ولو هو سبور وميحجي شي تقربت من غرفة انور وسمعتهم ديحجون
انور،،،ولك صلاح شو اخوك خايف اخاف ماادبرها ولك ليش انت لعد ابن عمي ومحسوب علينا دكتور انصحني
صلاح،،،ههههه شأنصحك حبي شنو الة علاقة اختصاصي انت كدها وكدود ماطول حبيبتك راح يكون كلشي تمام صدك هيج اشياء تنحس وتجي عفوية عيش كل لحظة بلحظتها خلي الامور تجري طبيعيا ولتفكر زايد
نور،،،فدوة لحبيبي ولتفكيرة اليخبل رجعت لغرفتي وكبر بعيني صلاح اكثر
صلاح،،،انور نزل بشغلة دزيت نورة وينج تعاي بسرعة اشوفة
نور ،،،رحت اشوفة الة
صلاح،،،وكفت من شفتها فدوة طالعة تخبلين راح اغير رأي ومااخليج تلبسي هاي شلون طالعة 😍
نور،،،صدك حبيبي
صلاح،،،تقدمت عليها وجريتها من خصرها عليه وصارت قريبة مني كلش
نور،،،جرني فجأة وصرت قريبة منة كلبي بدت دكاتة تتسارع وخفت بداخلي
صلاح،،،حاولت ابوسها ودفعتني همست اسف يكلبي روحي لغرفتج مادأكدر اسيطر على نفسي وياج مااعرف شنو بية
نور ،،،طلعت لغرفتي وراسلني يتأسف صلاح وسمعتة دينزل من الدرج وانور يريدة يبقى يتغدة
صلاح،،،انور والله نعسان مقفل اريد اروح انام وتريكت متأخر حبيبي انت غير مرة ان شاء الله
نور،،،حجينا بالليل وكلي صلاح انه ماراح يكدر يحضر الحنة عندي دوام واذا لحكت احضر العرس
وبيوم العرس طبعا ابوية حب يكون العرس بيتنا
طلعت اخبل والكل تعجب بية بنات عماتي واقاربنا تغيروا علية كلش وطريقة كلامهم صارت مختلفة وجنت اسمع انتقادات انه مو مناسبة ابد لصلاح وشجابني عليه مااهتميت لكلامهم بالرغم انقهرت بالبداية
صلاح تأخر مااجة الى قبل الزفة بشوي وشفتة من زفوا انور صارت عيني بعينة وغمزلي جان طالع يخبل لابس قاط رصاصي وقميص ابيض ومن زفوا انور بدأو يهوسون لصلاح طابك على السرة
وخالتي جرتني وخلت ايدي بأيدي وكالت مقرية فاتحتكم بعد
بس مجنا نعرف نركص والكل مراقبنا واحس الكل منزعج وماعاجبهم الوضع جان ميشيل عينة عليه وميشوف غيري بالمكان همسلي بأذني وكلي انتظرج بالحديقة الخلفية طلع كدامي وورة ربع ساعة رحتلة للحديقة جان الضوة خافت وممشغلين كل الانوار جرني من ايدي عليه همست شو تأخرت حبيبي كلة انتظرك اليوم
صلاح ،،،فدوة شنو طالعة تخبلين حبي تعرفين اجيت من الدوام واخذتني نومة ومن كعدت جيت وكل جيتي حتى اشوفج شلون طالعة
نور،،،شكد ماجان الجو بارد حسيت بدفوا واني قريبة منة ودفو انفاسة ذوبني باسني من شفتي وركبتي وبعدين همسلي روحي حبيبي طبي اخاف عليج من الوحش الي بداخلي مدأتحمل وجنت اعدل بيها وارتب بشعرها
نور،،،حبيبي خلينا بعد شوي مشتاقتلك
صلاح،،،لا حبي ان شاء الله مابقى شي هالاسبوع نعقد وتصيرين حلالي ونشبع من بعض
نور ودعتة وطبيت واني مدنكة ومحد شافني صعدت لغرفتي اباوع بالمراية عزة هاي شنو بركبتي اثر خفيف من جهة احمر همزين محد شافني غيرت ملابسي وسويت شعري ضفيرة على جهة
صلاح ،،،رجعت للبيت من وكت واهلنا تأخروا يلا رجعوا جنت كاعد اتابع تلفزيون
ام صلاح،،،هلا ماما شو رجعت من وكت شعجب
صلاح،،،شعندي اظل لعد العرس وخلص والعريس وزفينا
ام صلاح،،،والركبة وطبعناها هعهههههه
صلاح،،،باوعت لأمي وضحكت خرب يوم مراقبتنة شنو بلش شغل العمات ههههه
ام صلاح،،،لا ماما بس ميصير صح مقرية فاتحتكم وبنت عمك بس غلط اعقدوا على الاقل
صلاح ،،،ياريت من باجر نعقد اني اتمنى
ام صلاح،،،اوك خلي هاليومين تعدي ويرتاحون الناس من هوسة العرس ونتفق على موعد نعقدلكم بي
صلاح،،،بيومها محجينا اني ونور شوي وخليتها تروح تنام ترتاح لان جانت تعبانة بس سألتها عن ركبتها
نور،،،اي اثر بسيط بس محد شافها غطيتها بشعري
صلاح ،،،ضحكت بكلبي وكلت لا محد شافها بس المحقق كرومبو امي ههههههه
وللقصة بقية ،،،،،،،
