#مذكرات_مراهقة
للكاتبة ميار الشمري
الجزء 15 والاخير
نور،،،من رحنا لدكتورة طب وياي صلاح وسلم عليها جانت حبابة كلش وجبيرة بالعمر وباركت زواجنا وكالتلي دكتور صلاح ذهب الله يهنيكم بعض
دكتورة ،،،اتفضلي ماما لغرفة الفحص
نور،،،خفت وباوعت لصلاح وكلت لا عفية شنو غرفة فحص
صلاح،،،كوة لزمت نفسي من الضحك من موقف نور وكلت دكتورة متستوجب حالتها فحص
الدكتورة ابتسمت كالت ماكو اشكال احجيلي حبيبتي شنو المشكلة؟؟
نور،،،حجيتلها من شنو دأعاني وحولتني على المختبر سويت تحاليل وطلعت عندي التهابات كتبتلي علاج اخذنا وطلعنا بس صلاح طول الطريق يضحك ويصنف علية واني نوب اضحك نوب ادير وجهي عنة
مارجعني للبيت رحنا لمول جبير يخبل واشترالي كومة اشياء
خابرت ماما تطمن علية وطمنتها
بعدين صلاح خابر على خالتي وكاللها منرجع نتعشى برة وفعلا رحنا للمطعم نتعشى
صلاح،،،راح اطلبلج كبد لان حالتج تستوجب 😉
نور،،،😒😒
صلاح،،،لتفهميني غلط اقصد وجهج اصفر كلبي اشك بيج فقر دم وين ديروح دمج فهميني😂
نور،،،جانت سوالفة تضحكني كوة واني اريد ابيع ثقل عليه
اتصلت بوكتها صديقتي بية وكالت الاسبوع الجاي دوام وسألتني بأي قسم راح اتخصص
صلاح،،،اشرتلها انكليزي
نور،،،من سديتة مع صديقتي كتلة مستحيل اروح انكليزي مااحبة وصعب
صلاح،،،لا ليش صعب حبيبي ماكو شي صعب واني وياج لتفكرين ابد
نور،،،،رجعنا بالليل وصلاح رجع مثل اول متعرفت عليه واحسن
صلاح،،،من طبينا لغرفتنا جريتها عليه وحضنتها واني اشم بيها وكل شمة ترجع بية عمر ليورة
نور،،تعاتبنا اني وياه وجان واضح عليه شكد متندم
نور،،،اني ميهمني ندمت او لا اني الي مخوفني تفكيرك صلاح خايفة هذا الشي يستمر وياك ويكبر بداخلك بالمستقبل وهاي حياة مقبلين عليها وراح توجهنا هواية امور وننحط بأشكال المواقف
الشك مرض ينخر عقل الانسان وقلبة والي سمعتة منك خوفني
صلاح،،،نور لتخافين ابد صدكيني الي صار جان درس قوي الي
علمني الي متعلمتة طول هال26 سنة وصدكيني الي صار مازادني الا تمسك وثقة ومحبة بيج
نور ،،،بقينا الليل كلة نحجي وكأنها اول ليلة بعمرنا حسيتها اجمل ليلة بعمري
صلاح،،،نور بعد مابية صبر شوكت راح تخلصين مو خلص صبري مشتاقلج مشبعت منج
نور،،،هاي منو ديحجي ماعرفتك انت ابو الصبر كلة خليني ساكتة😒
عدت علينا اجمل ايام وقضينا مع بعض اوقات مجنت احلم بحياتي اعيشها مع صلاح ووعدني اول اجازة يحصلها نسافر على تركيا نقضي شهر عسل يعوضني عن الايام الي فاتتنا
لكني طلبت منة انه نروح عمرة اني وياه وهذا اجمل مكان اتمنى ابارك بي زواجنا
وفعلا رحنا وكنت اصغر معتمرة بالحملة وكانت اجمل ايام نقضيها بالحرم المكي
من رجعت من العمرة التزمت اكثر وارتديت العبائة الاسلامية وكمت انتبه لهواية امور كنت متغافلة عنها
مرت الايام وفعلا رحت قسم انكليزي وساعدني صلاح وجان يدرسني وكأني طفلة ويعصب اذا مفهمت عليه او مدرست زين 😅
حملت وورة فترة اجهضت وورة اربع اشهر حملت مرة ثانية ورب العالمين رزقنا ببنوتة بس سمرة كلش متشبهني لا اني ولا صلاح جانت تشبه فطومة بنت اخوية علي هههه
تجرعنا هالحياة بحلوها وبمرها عانيت شوي من خالتي ام صلاح لان جانت متعلقة كلش بصلاح ودقق على كومة امور وتدخل بحياتنا بس جنت استوعبها قدر الامكان لخاطر صلاح ماجنت اريد اغثة وجنت مستحيل اخلي بمفرق طريقين اني او امة لانه ماكو مقارنة بيني وبينها هي تحت اقدامها جنتة واني حبيبتة وام اولادة
لهنا خلصت قصتنا الي هية حقيقية مع تغير بسيط بأسماء الشخصيات واضافات كانت مني شخصيا
حقيقية نورً هالانسانة نعم الاخت والصديقة شاءت الأقدار ان تجمعنا الصدف مع نور وزوجها اثناء زيارة والدتي بيت الله الحرام قبل سنتين ونتيجة حالة الوالدة الصحية نور وزوجها ماقصروا معاها جزاهم الله خيرا
صارت صديقة مقربة للعائلة وحجتلي قصتها حبت تشاركم قصتها كانت قبل فترة موجودة بالكروب ويانة وهي من اشد متابعيني ومن اول الناس الي شجعوني على الكتابة لكن حاليا حسابها مغلق ان شاء الله ترجع تنورنا من جديد واتمنالها كل التوفيق والسعادة الدائمة
الي نستخلصة من القصة انه بزمنا هذا مو كلشي نشوفة نألف عليه حكايا وقصص ونصدكها دائما احسنوا الظن
لذلك كانت احاديث نبوية شريفة للرسول عليه افضل الصلاة واتم التسليم نبهنا ونهانا بيها عن الظن لبشاعة هذه الصفة وماتزرعة في نفس الانسان تجاه الي حواليه والمجتمع
وانه دائما النجاة في الصدق حاليا هواية بنات بمجتمعنا يتسترون على امور غلط خوفا من المجتمع والاهل اذا كنتي صح ابدا لتخافين وخليج قوية وكد حالج
والي حبيت اسلط الضوء عليه من خلال قصة صلاح ونور هو صبر نور الي قليل من بنات جيلنا تحمل هاي الصفة العظيمة ولولا صبرها ماعوضها رب العالمين عن كل الي مرت بي
والاجمل من هذا كلة هو النصائح للي مقبلات على الزواج اتمنى البعض استفاد من هاي التجربة
نصيحة ادخلي بيت الزوجية بنية صادقة وقلب ابيض بعيدا عن الاحقاد والكره والبغض
البعض من بنات مجتمعنا تستقبل حياتها الزوجية وكأنها داخلة (حلبة مصارعة)
وتضع الزوج بين خيارين انا او امك!!!
اعلمي عزيزتي انك على غلط كبير ان كان بارآ واختار امه فأنتي خسرانة وان اختارك فهاي طامة كبرى لانك غلقتي باب من ابواب الجنة في وجه زوجك
عزيزتي اياك وافشاء اسراركِ الزوجية احتفظي بها سواء كانت حلوة او مرة
ودائما افتحي قلبك لمن هو قادر على كل شي ومن بيده ملكوت السماوات والأرض
اسأله جل وعلا ان يحفظكم ويجعل السعادة طريقا لكم
لاتنسوني من صالح دعائكم
تحياتي
ميار الشمري
