#مذكرات_مراهقة
للكاتبة ميار الشمري
الجزء الخامس
صلاح ،،،بيومها مانمت ضليت كاعد افكر بيها وبالي صار جان شعور يخبل مينوصف جنت اول مرة بحياتي المس او ابوس بنت لان مجان الي قابلية ولا استنظف اي بنت بس نور جانت غير
جنت دائما اكول على طهارتي ونيتي اكيد رب العالمين راح يرزقني ببنت تشبهني وبنفس نظاقة قلبي وتفكيري لأنه الطيبون للطيبات لا محالة
نور،،،جنت ماخذة اجازة اسبوع علمود عرس انور وجانت تقريبا نهاية السنة ثاني يوم العرس كلت لحمودي خابر صديقك السايق عود ديجيني باجر حتى اداوم
ام نور،،،امي باجر صادف اربعاء متسوة نهاية اسبوع ظلي للأحد عود داومي ماما
نور،،،لا ماما صارلي اسبوع كاعدة وديمتحنون فصلي اخاف تفوتني كومة مواد
وفعلا ثاني يوم من الصبح اجى وجه البومة ياسر الي جنت مرتاحة وخلصانة من شوفتة اسبوع وجان كاشخ ومتعطر وحالتة حالة سلم علية وجاوبت قدر السلام وصعدت استغربت شو مامر على البنات الباقيات سألتة لأول مرة احاجيه و بخوف واستغراب ،،،العفو شو مامريت على البنات ؟؟
ياسر،،،نصيت الموسيقى وجنت مامصدك هالكمر اخيرا حنت علية وحاجتني باوعتها وبعيوني راح اكلها ،،،والله يانورة البنات مدايداومن صارلهن اكثر من اسبوع عدهن تطبيق
نور،،،،ياااا نسيت همة خامس وعدهم هالفترة تطبيق خفت ودرت بوجهي للشارع ظل يدمدم طول الطريق جان بيومها الوضع موشي بالمنطقة الي بيها المعهد والحركة قليلة مجنت اعرف شكو بس اكيد صاير فد شي عراقنا بعد مينحزر وعلى لحظات تنقلب الدنيا بي
وصلنة المعهد وكلي اخاف ماكو دوام اليوم اني راح انتظرج هنا
دخلت بلا مااردلة او حتى اباوعلة
فعلا جان مخطوف ماادري منو بالمنطقة والوضع مو شي ظلينة ساعة تقريبا بالمعهد والمديرة كالت الي موجود خطها تطلع والي ماموجود خطها تخابر من جهازي واني والمدرسات باقين الى ان تطلعون كلكم والدوام الى الاحد
نور،،،طلعت وجانت تقريبا الساعة ب9 مااعرف بيومها كلبي وجعني بشكل غريب وتندمت لان ماسمعت كلام امي وصلت السيارة وجان الباب الخلفي ميفتح ياسر كالي ديشكل الباب وبالمقعد الخلفي انكب بي عصير بالغلط من جنت اتريك قبل شوي
نور،،،باوعت للمقعد الخلفي صح متبلل بس عبالك واحد غاسلة غسل باوعت واحسها لعبة منة كولتلة وهسة شلون بلة؟؟؟
ياسر ،،،،براحتج تريدين تكعدين بالصدر تريدين اجرلج تكسي توصلج لحد باب بيتكم
نور،،،لا شنو تكسي بوحدي اصعد مع شخص غريب!!
ياسر ،،،براحتج نورة تريدين تنتظرين اروح على اقرب غسل سيارات واغسلها واجيج ولو متلحك تنشف لو تركبين اوصلج عاد اني مو غريب جيرانكم واهل ان شاء الله وفتحلي باب المقعد الامامي لسيارة
كعدت وجنت خايفة لدرجة جنت مخنوكة بالبجي ومامرتاحة للوضع كعد وبدت تمشي السيارة واني حسبة تاخذني وحسبة تجيبني كلت ياريتني رجعت للمعهد وكعدت مع البنات واتصلت بأهلي او حتى بصلاح ولا ركبت مع هذا الي ابدا اليوم موطبيعي
صلاح،،،كعدت الصبح نشيط وفرحان وادمدم نزلت لكت الوالد والوالدة كاعدين بالحديقة ديتريكون ابتسمت ايباه شنو هالرومانسية والكعدة الحلوة هاي صباحكم عسل
الوالد،،،هلا صلاح اني كلت لأمك خلي نكعد برة نتريك الجو غير يخبل اليوم
صلاح،،،اي والله صدك كمت اتريك وياهم همست شنو ماما مداومين اليوم
ام صلاح،،،لا ماما اوف عندي عبالي العصر نروح اني وابوك نحجي مع بيت عمك ونتفق على كلشي
صلاح،،،اي يوم اني احتمال اتأخر الى المغرب اجي اي شي يطلبوه اني موافق عليه وياريت باجر نعقد اذا ترهم ههههه
ابو صلاح،،،اي مستعجل باجر تعض اصابيعك ندم على هالاستعجال وضحكنة
صلاح،،،ها ابو صلاح شو كمت تخربط مو توي دنحسدكم ونكول رومانسية وكذا هههه يلا اني اترخص
صعدت غسلت وبدلت اتصلت بنور مغلق كلت يجوز بعدها نايمة بنوتي
نزلت وطلعت بسيارتي والازدحامات كالعادة تطلع الروح خليت الهتفون بأذني اتصلت بنور هم مغلق اتصلت بحمودي
وكلي نور داومت
صلاح،،،،داومت شعجب مو ماخذة اجازة
حمودي،،،اي قطعت اجازتها حجت وياها امي واصرت تداوم
صلاح،،،ها يلا ان شاء الله خير سلامي للأهل
استغربت شعجب ماكتلي ولو البارحة محجينة قليل
نور،،،،بشرودي وصفناتي مجنت منتبهة للطريق منتبهت الا واحنا بغير طريق الي نرجع منة ديمشيني على طريق عام
كلة اسواق وناس كومة بي يمة عزة انت وين جايبني؟؟؟
ياسر وكف السيارة كدام مطاعم ومحلات مرطبات ونزل واني كاعدة بالسيارة ومااعرف شنو اسوي وخايفة ليشوفوني ابوية او اخوتي او احد من اقاربنا الله لا يوفقك وين وكفتني واتلفت واحاول اداري بوجهي
صلاح،،،واكف بالازدحامات ونوب اباوع لمرايات السيارة نوب اتجي على كشن السيارة نوب اغير الاغنية نوب اكلب بجهازي وفجأة اباوع كدامي بالجهة الثانية سيارة واكفة كدامي وبيها نور رفعت مناظري دأتأكد كلت هاي نور شنو شصاير المفروض هية بهيج وقت تكون بدوامها بالمعهد
جانت مرتبكة وتتلفت بالطريق وتحاول تغطي بوجهة بكتبها صفنت وانذهلت بالبداية صفيت السيارة على جهة حتى انزل اشوفها شنو بيها الموقف مو طبيعي
بين مركنت السيارة وطفيتها ونزعت الهتفون فتحت باب السيارة دأنزل واذا بشاب بأيدة عصير اثنين ومتقدم للسيارة وفرحان ومبتسم وكأنه بموعد طالع مع حبيبها هنا انشل تفكيري واني اباوعلهم وممصدك عيوني بالي دأشوفة
نور،،،،فتح السيارة ياسر وصرخت بي انت شدتسوي لخاطر الله رجعني لبيتنا
ياسر،،،شبيج نورة جبتلج عصير يخبل دلزمي حبابة حتى اشغل السيارة
نور ،،،اخذتها منة مااريد شي عفية الله يخليك رجعني لبيتنا شغل السيارة بسرعة خلصني
صلاح،،،اباوع واحس حتى ايدي كامت ترعش وكلبي انقبض واني اشوفها اخذت منة العصير ودتسولف معاها معقولة الي ديصير شغل السيارة وطلعوا واني مصدوم واريد استوعب الي ديصير كدامي يعني معقولة نور من هالنوع من البنات الي تطلع وتواعد شباب كمت اصرخ واضرب بالسيارة ظليت 10 دقائق واكف بالطريق وبقيت على كعدتي بالسيارة بالسيارة
نور،،،لح علية ياسر انه ميوصلني اذا مااشرب العصير تهسترت وكمت ابجي واصارخ وشمرت عليه العصير واني اصارخ عليه واغلط واكولة رجعني للبيت
ارتبك وخاف مني رجعني للبيت وكلي كلمة منج زايدة بهل موضوع كدام اهلج او احد افضحج بالمنطقة واني ميهمني شي ولا يعيبني شي وهاي اخر مرة اصيرلكم خط شوفوا غيري
نور،،،نزلت وكتلة حيوان غير لو بعد اني اركب مع حثالة مثلك الله لا يوفقك
نزلت ودكيت باب بيتنة فتحت زوجة اخوية وهي تباوعلي مصدومة صعدت لغرفتي وكعدت على سريري ابجي وممصدكة الي صار
دخلت ماما وج نورة شبيج ياستار وليش رجعتي من وكت من المعهد
قفلت الباب واجتي حضنتني حجيتلها واني ارجف وابجي
ام نور،،،ولج يمة الله فكج وسلمج من هالحيوان الله لا يوفقة ابن الحرام بس لا جان مخليلج شي بالعصير والله يمة من البداية نبهتينا وكلتي مااريدة مو راحة بس الله يسلمة حمودي اصر عليه
كافي تبجين يوم ليصير بيج شي غسلتلي وجهي وشربتني مي وظلت شوي حاضنتني وتقرأ على راسي الى ان هديت ام نور،،،كومي يوم غيري ملابسج والي صار الله سلمج منة لتحجين لأي كان اخاف ابوج او اخوتج يبطلوج من المعهد وحتى لصلاح لتسولفين
نور،،،لا يوم مستحيل احجيلة صلاح يظل يوهس ويخاف علية كلش
ام نور،،،بوستني وكالت الله يحفظج من كل شر يمة ولا يوفقة لأبن هل حرام
نور،،،كمت غسلت وغيرت ملابسي الي جانت موكفة من العصير
وخليت سجادتي وصليت شكر لرب العالمين انه نجاني من ياسر وامثالة
وللقصة بقية ،،،
متابعة تعليقاتكم
