#مذكرات_مراهقة
للكاتبة ميار الشمري
الجزء التاسع
صلاح،،،،اجتي نور وكعدت على طرف القنفة همست اي نور شونج على العلاج
نور ،،،الحمدلله احسن انت شلونك صلاح دأشتاقلك كلش وقليل دنتواصل
صلاح،،،قاطعتها وكلت نور اكو اشياء بالحياة متنطلب تتحس تنعاش تجي تلقائيا خلي الامور تجي طبيعيا
نور،،،،صفنت بي صلاح مفهمت منك يعني انت مدتحس شي تجاهي وين كلامك الي قبل خطوبتنا شنو الي غيرك وكأنك مو انت
صلاح ،،،انفعلت لخاطر الله كافي كل شوي تسأليني شنو الي غيرني اسألي نفسج وراجعي تصرفاتج نور راح تعرفين كلش زين الي قلب موازيني اني ترة دأتعذب اكثر منج والله
نور،،،والله مدأفهم عليك صلاح اني بشنو غثيتك وشنو بيها تصرفاتي واختنكت بالبجي جانت دمعاتي تنزل وحدة بأثر الثانية وكل الكتمان الي بداخلي عبرت عنة بدموعي
صلاح،،،ياربي احنة ليش هيج ديصير بينة لا نور لا لتبجين تقربت منها فطرت قلبي دموعها مسحتها وحضنتها بلا وعي يالله هالكد انتي نقطة ضعفي
نور،،،حسيت هذا صلاح الي اعرفة لهفتة وخوفة وحنيتة من حضني دفو صدرة عطرة حضنتة كل قوتي واني دأسمع دكات قلبة مجنت اريد اتركة
صلاح،،،همست واني حاضنها وكلبي ديكطعني فدوة لكلبج لتبجين ماكو شي بالدنيا يستحق دمعة منج حتى وان جنت اني
نور،،،،حاضنتة ومحجيت شي جنت اتنهد بالبجي واسمع كلامة
صلاح ،،،،اويلي ولج والله ادفع عمري كلة ولا اشوف دمعة منج صدك جذب اني ابجيج شأدعي شأكول على نفسي، الله يخليج كافي
نور ،،،حاضنتة واهمس صلاح احبك والله لتعذبني وارجع مثل ماعرفتك مثل مجنت برودك واهمالك ديقتلني على البطيء
صلاح ،،،،خليت ايدي على خدودها ومسحت دمعاتها اسم الله عنج اوعدج كلشي يتغير بس فدوة لتلحين علية وتركيني براحتي
نور،،،هزيت براسي بدون مااحجي
صلاح،،،، لتبجين كافي فطرتي كلبي
تقدمت عليها وبست خدها هية خلت شفتها على شفتي بستها خفيف وبعدت حسيت روحي متقبلتها جان مجرد التفكير انه ممكن غيري لمسها او باسها شعور يقتلني
اذن العصر كتلها نورة اريد اطلع عندي شغل واريدج توعديني ترجعين تاكلين وتنتبهين لنفسج
جنت مخلي ايدي على كتفها وحاضنها ونمشي ونسولف
نور،،،اوعدك اذا جنت انت على وعدك ورجعت صلاح القديم الي اعرفة
صلاح،،،ان شاء الله اتمنى ارجع مثل قبل جنت واكف كدامها همست هالاسبوع اجيج نطلع نجهز ونشتري الذهب وكلشي تحتاجيه
وان شاء الله نتفق بالموبايل دأسوالف وانتبهت شخص على السطح كدامي ديأشر بأيدة ركزت عليه وهنا جمدت والصدمة اخذت نص عمري يااللهي نفسة الشخص الي جانت وياه بالسيارة نور هاي شنو معقولة شجابة هنا وشديسوي على السطح اختل توازني واتجيت على محجل الحديقة وصار بظهري وكفت نور كدامي وهي مبتسمة وايدها على كتفي صلاح شبيك حبيبي
صلاح،،،مركز بعيونها وجنت اتمنى تنتبه عليه واشوف ردة فعلها همست الشمس بعيني
نور،،،رفعت راسي وهمست صدك اليوم الشمس قوية انصدمت شفت ياسر كدامي ويباوعلي مااعرف ليش خفت ونزلت ايدي عن كتف صلاح ورجعت ليورة
صلاح،،،حاولت اجرها من ايدها علية وسألتها شبيج نور ؟؟
نور،،، ردت بصوت مرتبك خايف مابية شي
صلاح،،،هنا تأكدت كل شكوكي كتلها طبي نور اني طالع طلعت ووكفت بالشارع وايدي على راسي الي جان راح ينفجر تقدمت بخطوات ثكيلة ومن صرت كدام بيتة اختفى من السطح ياربي شنو الي ديصير شنو هالكابوس الي مدينتهي هذا جيرانهم طلع اباوع سطحهم حايط على الحايط مع سطح اهل نور
يالله شنو العلاقة الي جانت تربطهم وليش نور خافت هالخوف منة معقولة لازم عليها فد شي
تذكرت من مرة جيتهم وجانوا اهلها ماموجودين وبوحدها بالبيت وجانت مخايفة وعادي عدها تذكرت بوكتها تأخرت يلا فتحتلي الباب كعدت على الرصيف ودمعي نزل غصب عني معقولة جانوا يلتقون بالبيت يكمز على سطحها و.....
لا ياربي راح اتخبل ليش هيج ديصير وياي جانت ايدي ترجف باوعت لسما ربي كلي ايمان انه الطيبون لطيبات وانت اعلم بالنيات ربي مالمست بنت بحياتي خوفا من غضبك عليه ماتعديت على عرض مخلوق بالدنيا خوفا من انه يجي يوم من الايام وشخص يتعدى على عرضي
ليش انفجع بأكثر شخص حبيتة بحياتي ليش يصير هيج وياي استغفر الله العظيم
جنت بغير عالم وانتبهت على الناس بالشارع تروح وتجي وتباوعلي كمت واني مكسور واحس كل الناس تباوعلي وتعرف قصتي ركبت وظليت افتر بالشوارع مااعرف وين راح اروح وشنو راح اتصرف وشلون اطلع نفسي من هالدوامة وصلت بيتنا وجان هوسة بيت اختي موجودين وجانوا صابغين غرفتي وامي فرحانة بيها وكل شوي تهلهل وتبوسني
رحت كعدت بغرفتها محتار وافكر شأسوي اني مستحيل ارتبط بنور ومستحيل اكدر اكمل وياها من بعد الي شفتة الشك اكل كلبي اكل وميفيد بعد حتى وان صارحتها راح تنكر وتجذب مثل ماجذبت سابقا وماراح استفاد من مصارحتها بشي
ام صلاح،،،،دخلت الغرفة وهلهلت عريسنا كاعد هنا اليوم حير بروحك دورلك مكان تبات بي ريحة غرفتك صبغ تكتل هههه
كعدت كدامة عجبك صبغ الغرفة ماما
صلاح،،،اي عاشت ايدكم
ام صلاح،،،هذا زوج ست فاتن المدرسة الي وياي بالمدرسة طلع صباغ وشغلة يخبل وخطية اشتغل بدون اجور وكلي هذا هدية زواج الدكتور
فدوة لعمرك والله وراح اشوفك عريس كدامي مامصدكة جان حلم عمري اشوفك دكتور واشوفك عريس والحمدلله رب العالمين انطاني عمر وشفتك دكتور وان شاء الله....
صلاح،،،قاطعتها ماما سمعيني اني شلت فكرة الزواج من بالي
ام صلاح،،،يااا شنو هالشقة التعبان صلاح
صلاح،،،لزمت ايدها اثنينها يمة الله يخليج اسمعيني بلا متقاطعيني اني اريد اسافر ادرس برة واختص واشتغل بأختصاصي بالخارج طموحي اكبر من انه اتزوج واستقر بالعراق والزواج راح يقيدني وراح يعرقل كلشي
ام صلاح،،،جريت ايدي منة شنو هالكلام صلاح انت المثقف الواعي الي ينحلف براسك الي طول عمري مفتخرة بيك وبأني ربيتك احسن تربية تجيني تالي يادكتور يامتربي ياابن الاصول قبل زواجك بااسبوعين دكولي اريد اسافر الزواج يعرقل طموحي
وشنو طموحك تترك اهلك وزوجتك وشغلك حتى تخدم الغرب !!!
ليش تعيشون بلدكم وتصيرون من خيرة ومن يصير براسكم خير تحققون طموحاتكم عند الغرب وتتخلون عن اصولكم وجذوركم وتخلوهم يستثمرون قدراتكم وانجازاتكم وينسبوها الهم وين الطموح بالموضوع
طول عمرك جنت تنتقد الي يتغرب ويفنى عمرة بالغربة ويصير خيرة لغيرة ومينفع اهلة وناسة هسة جاي تريد تصير مثلهم ليش صلاح ليش
واختنكت ودموعي كامت تصب هاي جزاة تعبنا اني وابوك صبرنا وتعبنا عليك دتصير وتكون الك مكانتك بالمجتمع وتتزوج ونشوف اولادك ردناك لكبرتنا عامود نتجي عليه تالي تريد تتغرب وتتركنا
والنوب تكسر هالبنية الي علقتها بيك وخطبتها شنكول لأهلها وين نودي وجهنا
لك صلاح مشفت ابوك فرحان بزواجك لدرجة واكف يصبغ مع العمال غرفتك ونسى كل وجعة ومرضة من فرحتة ليش تكسرنا وتكسر فرحتنا ليش صلاح وابجي
صلاح،،،بجيت وحضنتها اوف يمة لو تعرفين بحالي والله دأموت باليوم الف موتة اني تعبان
ام صلاح،،،احجيلي يمة شنو الي مغير حالك وليش تريد تهج هالهجة واني اعرفك مطيق الغربة
صلاح،،،ماكو شي يمة بس من الحوادث الي تمر كدامنا بهالبلد كل يوم تعبت اعصابي وكأني دأنتظر دوري شوكت تجي منيتي بأنفجار عبوة او مفخخة صرت اخاف اخلي بركبتي عائلة
ام صلاح،،،اسم الله الرحمن ليش هيج تفكر ماما اللهم ربي ينطيك الصحة وطولة العمر شيل هالافكار من راسك وعيش كل لحظة بلحظتها واوعدني متفكر الا بالسعادة الي تنتظرك راح ترتبط بالبنت الي تحبها وتحبك وتكون اجمل عائلة وان شاء الله تخلفون اطفال يترسون البيت وتحس بطعم حلاوة هالحياة
كوم غسل وصلي على النبي واتعوذ الشيطان وشيل هالافكار من راسك كوم يوم
صلاح،،،كمت غسلت وكلام امي دمرني وزاد همي هم حسيت انه لا مهرب ونور قدري ولازم اواجه قدري وقررت انه بعد زواجنا بفترة انفصل عنها
بيومها اتصل بية احمد من المستشفى وطلب اناوب عنة حسيتها فرصة اطلع من جو البيت وكتلة بس اتعشة واصلي المغرب واجيك
رحت ولكتهم دينتظروني
احمد ،،،لو الله يهديك وتجي ويانة صلوحي سهرة تفوتك
حسن،،،عوفة للرجال ماالة بهل سوالف وعرسة قريب مو مثل حالنة يابسة
احمد،،،هو لان عرسة قريب اريد اسويلة مراجعة حتى يبيض وجوهنا ويشتغل عدل هههه
صلاح ،،،هاي شبيكم بعدكم على سوالفكم المكسرة والله العظيم اتعجب شلون الكم نفس بهيج بنات شلون دوسون بنت غيركم دايسها شلون تستنظفوهم عجيب امركم هاي واطباء لعد شأحجي على ولد الشوارع مااعتب عليهم
احمد،،،يمعود شعلينا بيهم دايسيهم غيرنا او لا اهم شي احنة نتونس ونغير جو وداعتك ذني احسن من الي يصيرن علينا اشرف من الشرف وينحلف بروسهن بالمجتمع من العفة والنظافة وهنة سلملي اقلها معترفات بنفسهن وبشغلتهن ههههه
صلاح،،،صفنت بكلامة لاول مرة اقتنع بكلام احمد فعلا هواية ناس ينحلف براسهم بالمجتمع وهمة اسوء وافسد الناس
ظلت بيومها تتصل نور وماارفع
نور،،،بيوم الي شفت ياسر ماظل بية دم والنوب حمدت الله وشكرتة منتبهلة صلاح وهو يأشرلي من السطح بيومها ظليت اتصل بصلاح بس مااعرف شنو قصتة ميرفع دزيتلة مسجات ونمت
وللقصة بقية ،،،،،
