نور ،،،جنت اباوع لأنور وزوجتة وشلون علاقتهم حلوة ويوم عن يوم تزيد قوة ومتانة وكأنهم بعدهم بشهر العسل شقاهم غزلهم رومانسيتهم مع بعض وكأنهم بلابل جنت اتمنى ترجع علاقتي بصلاح هيج وتمنيت بعد الزواج اكدر ارجع هل علاقة مثل ماجانت واحسن قبل يومين من زواجي بدأو زوجة علي وزوجة انور يكلموني ويعلموني بطريقة غير مباشرة عن الزواج والامور الي جنت فعلا اجهلها تركتهم وماحبيت اسمعلهم فضلت ماافكر بهل امور وتذكرت كلام صلاح فعلا اذا الحب موجود بين الطرفين راح يتم كلشي بعفوية وبحب والاهم من هذا كلة حبيت مااسمع تجارب اي كان وانما حبيت تكون تجربتي خاصة واجرب كلشي واتعلم من حبيبي وزوجي وشريك عمري وقبل زواجي بيوم محجينا اني وصلاح لأنه جانوا اصدقائة مسويلة حنة وملتهي وياهم اتذكر دخلتلي امي بالليل قبل لا انام و جانت عيونها محمرة وكأنها باجية كعدت يمي وكالت ها نورة بعدج مانمتي نور ،،،هلا ماما لا والله بعدني مانمت ام نور،،،اني هم مااجاني نوم كلت خلي اصعدلج ادردش وياج واكلج كلمتين اخاف باجر تنخبصين صالون وكذا وماالحك اكولها الج نور،،،اتفضلي ماما اسمعج ام نور،،،ماما اول شي اريدج متبجين ولا تزعلين نفسج وعيشي كل لحظة بلحظتها الوحدة منا متجرب هالاحساس الا مرة بالعمر عيشيه بثوانيه وبأجمل معانيه وردت اكلج يومة كليتنا من تزوجنا يمكن عانينا بداية زواجنا لان مالكنا الي يوعينا ويحجينا او ينصحنا كلنا جان كل بالنا الزواج بدلة وصالون وهلاهل وجنة نعتقد الزواج حلو كلة رومانسيات وغزل وحب وخالي من المشاكل والعقبات لذلك بعد الزواج كمنا ننصدم بأتفه واصغر الامور وماعرفنا للأسف نواجهة نورة هاي حياة كاملة حتعيشين مع زوجج واهلة يمكن اكثر ماعشتي بيت اهلج وحتتعايشين معهم الحلوة والمرة ام نور،،،وفدوة ماما ام صلاح اعتبريها بمكان امج اذا نصحتج سمعيلها واذا غثتج عبريلها هي متعلقة بصلاح كلش والكل يعرف مكانتة عدها دائما خليها بالمقدمة والمرتبة الأولى بحياة صلاح ونبهي دائما على هالشي لانها بوابة دخول زوجج الجنة احنا صح دللناج والحمدلله ان شاء الله نكون ماقصرنا وياج بشي بس بنفس الوقت عرفنا نربيج واجمل صفة ورثتيها عني الهدوء والصبر اني اعرف بيج هادئة وسباعية وصبورة لذلك ماخايفة عليج وادعي من رب العالمين يسعدج ودوم ينطيج كد نيتج نورة ،،،يمة فديت كلبج بست ايدها ام نور،،،يمة نويرة اسمعيني كلش زين انصحج الي يصير بينج وبين زوجج لطلعيه برة غرفتج لكائن من يكون سواء الي بينكم كان حلو او مر الحلو يجيب عيون الحساد عليج والي ميحبولج الخير والمر اذا طلعتي ميجيبلج الا وجع الراس دائما افتحي كلبج لرب العباد هو الوحيد اللي اعلم وابصر بعبادة وهو الوحيد الي قادر يزيل همج ويريح بالج نور ،،،،اسمع لأمي واباوعلها وكأنها تعلم بحالي كأنها تقرأ واقعي وتشوف مستقبلي والي دينتظرني من صلاح نور ،،،،بجيت وحضنت امي حسيتها تعرف كلشي بداخلي بدون مااحجيلها ام نور،،،حضنتني نور وخليت ايدي على راسها وظهرها وهمست لتبجين ماما حتى متتعب عيونج وتطلعين باجر احلى عروس بالدنيا صدكيني صلاح يحبج ويمكن يحبج ويخاف عليج بكدي او اكثر وان شاء الله حتنسعدون سوة يلا مسحي دمعاتج ونامي امي تصبحين على خير نور. ،،مسحت دمعي وانتي من اهل الخير ماما وخليت راسي على المخدة وماحسيت بنفسي من نمت صلاح،،،جانت الحنة حلوة كلش وتونست مع اصدقائي وانصدمت اكثر بمواهبهم المدفونة الي يركص ويردح للكاع والي يغني وصوتة حلو والي يهلهل والي يكول مواويل وشعر جنت اكوللهم طلعت بس اني الفقير بيكم شنو قصتكم متخرجين كمت اشك بيكم دكاترة وخريجين طب🤔 بيومها نمت بلا وعي من التعب صلاح،،،، ثاني يوم اخذتني نومة وماحسيت الا على هوسة عماتي والجهال وبيتنا صاير ماكو محط رجل نور،،،جان عرسنا حلو وطلعت غير شكل بدلتي جانت صح ردن لان صلاح ماخلاني اختار قلع لان كل اصدقائة راح يحضرون العرس بس كانت كيبور محفر من فوك الصدر والكتف والايد شعري تسريحتي نازكة ومكياجي يخبل جنت طول فترة العرس من يلزم ايدي صلاح احس بأيدة باردة واحس جسمي نار نور،،،من دخلت غرفتي جانت تخبل تحفة وضخمة حبيتها كلش وحبيت كل ركن بيها صلاح،،،ومن بعد ماخفت هوسة الناس وزفوني دخلت الغرفة واني على اعصابي وسديت الباب واني مغمض قفلتة ونزعت حذائي جانت نور كاعدة بوجهي على طرف الجرباية مشيت بلا مااباوعلها بخطوات ثكيلة لميز التواليت وكفت واني اباوع لنور من المرايا وصارت بظهري وجانت كاعدة وكلها رقة وهدوء نزعت ساعتي وخليت بصفها محفظتي وسويج السيارة واجهزتي اثنين نور،،،من دخل صلاح كلبي بدء يدك وحسيت برجفة بأيدي دخل بلا ميحاجيني وجان واكف بظهري على ميز التواليت بعدين اخذ ملابسة ودخل الحمام استغربت تصرفة بعدين كلت فدوة هاي مو بس انور طلعت كل العائلة ترتبك وتخاف ضحكت لان جان ينصح انور بكل ثقة صلاح،،،دخلت الحمام وسديت الباب وجنت محتار شلون اتصرف وياها واني اعرف بنفسي ماراح اكدر المسها نفسي مدتتقبلها وكل مجنت اريد اطلعلها احس فد شي يمنعني فتحت المي حتى يبين وكأنه دأسبح وبقيت متكتف وكاعد انتظر واباوع لنفسي بمرايا الحمام لعل وعسى تنام نور نور،،،بقيت انتظر صلاح يطلع اقلها يفتحلي البدلة الي جانت كلها ازرار على طول الظهر جنت مضايقة منها كلش احس اختنكت بيها كمت فتحت تسريحتي بعدين ظل بالي كلت شنو قصتة تأخر جوة همست مرتين صلاح،،،،،صلاح!!!! مجان يرد بالرغم جنت احس بحركتة داخل الحمام رجعت كعدت وانتظرت ربع ساعة ،،،،نص ساعه ومن بعد ماتأخر ساعة ونص جوة اختنكت وانفجرت بالبجي اشتاقيت لأهلي لأمي حسيت نفسي اريد ارجعلهم اتجيت على المخدة واني على طرف السرير وماحسيت بنفسي نمت من التعب صلاح،،،اختنكت روحي واني بالحمام عركت كلش سبحت وغيرت ملابسي تقدمت للباب واخذت نفس وفتحتة طلعت واباوع نور نايمة على طرف الجرباية وهي بدلتها وكفت اباوعلها وهمست اسف نور مااكدر اكون شماعة تعلقين عليها اغلاطج نمت على الجهة الثانية والمنظر صدك آلمني كلت ياربي شأسوي والله مو بأيدي نفسي مدتتقبلج مدأتقبل فكرة انه ممكن يكون لمسج غيري غطيتها بشرشف ونمت ماحسيت الا طالع الصبح فتحت عيني شفت نور كاعدة بمكانها على طرف السرير وبلا متباوعلي همست ممكن تفتحلي ازرار البدلة اختنكت بيها صلاح،،،،كلت ان شاء الله ومجان الي عين اباوع بعينها فتحت الازرار ونزعتها واخذت برنص الحمام ودخلت صلاح،،،اندك الباب وفتحتة جانت امي باستني وباركتلي وكالت يبو عليك صلاح دخلت هية الدخلة مو وصيتك تطلع بالليل تاخذ عشة الكم نورة حتى غدة مجانت متغدية صلاح،،،ابتسمت ماحسينا بجوع تصدكين 😅 ام صلاح،،،يمة منك يمة وينها نورة صلاح،،،بالحمام ام صلاح،،،استعجلها ماما اهلها جوة وعماتك يريدون يصعدولها وبيبيتك هم انزللها حبيبي دتريد تباركلك صلاح،،،اوك يوم صار راحت امي واباوع للغرفة مرتبة على حطتها دكيت الباب على نور وهمست اهلج راح يصعدولج نور نزلت والكل تهلهل وتبارك اسلم عليهم وعيني على اهل نور الي ديصعدولها على الدرج ياربي هاي شلون موقف حطيت نفسي بي ام صلاح ،،،صلوحي تصعد الريوك الك ولعروستك صلاح،،،اي ماصدكت كلت ياريت جعنا واخذت الريوك وصعدت من دخلت استغربت بردة فعل اهلها باركولي وجانوا فرحانين عرفت نور محجت شي ام نور ،،،فدوة لكلبك صلوحي اني جنت متأكدة نور بأيد امينة صلاح ،،،همست واني اباوع لنور ولو خالة احطها بعيوني ام نور،،، ربي يسعدكم امي يلا احنا نترخص اخذوا راحتكم نزلوا ورجعت نور تمشط شعرها كعدت على الجرباية واباوعلها همست نور مااعرف شأكولج بس الي صار انه هيج اشياء نور ،،،قاطعتة تتتحس تنعاش تجي لا اراديا فهمتها صلاح ماحاجة تبرر صدكني صلاح،،،اوك زين تعاي تريكي وياي انتي بلا عشة نمتي البارحة نور ،، كعدت وجنت فعلا جوعانة كمت اذا اباوعلة يدنك واذا ادنك يباوعلي كمت كوة ابلع لكمتي واحس بغصة بكلبي صلاح ،، جان كل شوي ينادوني وانزل ناس تروح وتجي واتصالات مابطل تلفوني يباركولي تمنيت اظل جوة ومااصعد فوك نور ،،،اجتي خالة ام صلاح وباركتلي وحضنتني وساعدتني اغير ملابسي واسوي شعري تمكيجت ونزلت باركولي عماتي وبعيونهم اشوف الحسد والغيرة بس جنت ابتسم ومااعرف على شنو انحسد وحالي ميعلم بيها الا رب العالمين
وللقصة بقية ،،،،،،
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
