#مذكرات_مراهقة
للكاتبة ميار الشمري
الجزء السابع
رحت صليت ودعيت ربي يرشدني للصواب واكدر اتجاوز هالايام العصيبة الي دأمر بيها
بحياتي مامريت بهيج موقف وحسيت نفسي مكتف ومدأعرف شلون اتصرف
نمت وكعدت على صوت جهازي يتصلون بية من المستشفى كمت باوعت لنفسي بالمراية وجهي شاحب وجوة عيني بدت تظهرلي هالات زينت وسبحت ونزلت للدوام شفت امي تريد تطلع لدوامها وابوية ديرش بالحديقة تقصدت اشاقة معاهم وابتسم واتصرف طبيعي مثل كل يوم وامي عينها ماشالتها عني بينتلها وضعي طبيعي حتى لتشيل هم
ومن اريد اطلع
ابوية صاح صلاح خوما عندك خفر اليوم
صلاح ،،ليش
ابوه،،مو باجر نعقدلك لو شلون
صلاح نصيت وكلت بلا مااباوع من ارجع المغرب نحجي بالموضوع مستعجل يلا ثيمالاا
طلعت ركبت السيارة وكلت هالموضوع مراح اكدر اطلع منة واهلي واهلها مكدر اكسرهم وارفضها واذا رفضت لازم اذكر سبب واذا حجيت والله عمي يروح بيها واهلها يذبحوها
بس بنفس الوقت اذا وافقت لازم اتحمل نتيجة موافقتي واتزوجها اربع او خمس شهور واطلقها لان اكيد مراح اتقبلها او حتى اكدر اعاشرها ومراح نتفاهم وتروح تكمل حياتها واني ايضا اشوف حياتي ...
اني بالمستشفى اتصلت بية نور ومرفعت وجانت دازتلي مسجات تريد تطمن علية دزيتلها مسج لان جنت مااريد اسمع صوتها
(هلو نور اني بخير وكتلها نفس الجذبة الي اخترعتها لامي شفت حالة لشاب متقطعة اطرافة بانفجار وشوي هالمنظر اذاني مابية شي ان شاء الله ...
نور ،،يومين وهو ميرد ع اتصالاتي ولا ع مسجاتي خفت عليه واشتاقيتلة وجنت كل مااصلي ادعيلة ربي يريح كلبة ومن وصلني المسج مالتة كلش ارتاحيت كلت ياربي شكد لعد حساس وقلبة طيب دزيتلة مسج اريد احاجيك ممكن ؟؟
صلاح ،،اتصلت بيها ومن كالت الو بدء كلبي يدك احبها مكدر والله احبها اسمع كلامها وصوتها الخجول الدافي واكول بنفسي ليش هيج سويتي بية اني حتى من نفسي جنت اخاف عليج ومجنت اريد اذي برائتج الوحيدة الي حسيتج تشبهيني حسيتج فد شي نظيف وطاهر من جوة مستحيل يعكر عليها او يلوثها وسخ المجتمع والي بي بس للأسف جنت غلطان تالي هيج تطلعين بالاخر زين شلون راح اتحمل بعدين اذا تزوجنا هالوضعية وشلون راح يكون التعامل معاج معقولة راح اكدر اسامحج لا مستحيل ومنو يكول راح تستعدل اصلا او راح توفي وياية بالاصل ..
حجيت معاها رسميات وطمنتها وكتلها نور اثناء الدوام مكدر احاجيج ان شاء الله من ارجع وسديت التلفون
وبالليل من رجعت كلت لاهلي اوك باجر نعقد بس مااريد حفلة خطوبة واذا تحبون تسولها شي بسيط بس اني مااحضرها من هسة مااحب الهوسة وماالها داعي امي اعترضت بالبداية وكالت ميصير يوم كل بنية تحب تسوي حفلة خطوبة وعرس حلو كتلها هذا شرطي عرس نسوي بس خطوبة ممستعد نفسيا شي بسيط بينكم
عقدنا ثاني يوم وجانت طالعة تخبل وكل مااباوع بعيونها اموت الف موتة كلهم حسوني مو ع طبيعتي وهية هم سألتني انت فرحان صلاح؟؟ كلتلها اي عادي
تركونة وحدنا وجنت مااتقرب منها واتهرب منها ومن عيونها
نور ،،حسيتة مو طبيعي ومجان فرحان مثلي وماتقربلي وماطول يمنا اتغدة وكعد شوية وطلع
بس مادققت ع الموضوع لان اعرف بي شكد يحبني كلت اكيد عندة شغل والايام طويلة وهو ديمر بفترة صعبة
بلشت امتحاناتي وماما طلبت من حمودي يوصلني ويجيبني كام يوصلني حمودي وينتظرني اخلص وصلاح حتى ميسأل شلوني بالامتحانات ولا يجي علينة
واتصالاتنة كلش قليلة وحتى على اخوتي تغير وانور جان دائما يساألني
انور،،،، شنو قصتة صلاح صاير بذات لا يسأل ولا يرد على اتصالاتي شنو القصة
نور،،،دائما جان صلاح يتحجج لو ماعندة مجال لو تعبان ويريد ينام
صلاح،،الشك كام يزيد بكلبي ودائما افكر بأمور مو زينة ومرة رحتلها للمعهد من جانت تمتحن لكت حمودي واكف دينتظرها كبال المعهد كلت بنفسي اكيد شافوا اهلها عليها فد شي ومحمد يوصلها ويجيبها وينتظرها بعد
ضحكت استهزاء على حظي والي اني بي وهمست دبستوها براسي بنتكم حسبي الله ونعم الوكيل
كمت اضوج منها او احاول اكرها وكمت احسها حالها حال بنات الليل وحسيت نفسي بعد متتقبلها مثل قبل كملت امتحاناتها وسمعت بيها ناجحة وامي واهلي مشتريلها هداية وكالولي لازم توصلنة وتروح ويانة تباركلها
جانت تعرف بينة جاين ولابسة فستان قصير ذهبي وطالعة تخبل
اجتي ضيفتنا وكعدت حاولت مااركز عليها وانشغل باي شي سحبو نفسهم اهلي واهلها وظلينا اني وياها
جنت احاجيها واني منصي ومرفعت عيني باركتلها وكتلها تطلبيني هدية( لان اصلا مجبت شي ولاجنت مفكر اجيب)
لزمت ايدي وكالتلي صلاح انت هديتي بهالدنيا
باوعتلها واني اجر حسرات
صدك نور وضحكت بأستهزاء
نور ،،شلون تسألني وانت روحي بدنيا
صلاح،،،والله متحملت حجيها وكل متحجي هيج الغضب بداخلي يزيد تقربت مني بعدتها وكتلها انتي شكد جريئة لخاطر الله؟؟
نور ،،انصدمت بردت فعلة وحرجني لان جنت كلش احبة ومشتاقتلة وبرودة خبلني استحيت من نفسي وخجلت وبعدت عنة ونصيت
صلاح ،،وبعدين شنو هاللبس هذا؟؟
نور ،،باوعتلة باستغراب شبي لبسي محلو ؟؟
صلاح تعرفين رائي سابقا بلبسج اني متعجبني هيج ملابس ومااحب بعد تلبسيها
نور،،انت جنت متحب البس هيج كدام احد غريب بس ماكو احد غريب بس اهلي واهلك واني لابستة الك صلاح
صلاح ،،نقاش لتناقشيني والي اكولة تسوي بلا نقاش فهمتي؟؟
نور ،،اي صار ادلل والي تريدة يصير
حسيتة متغير وجنت اكول بس لا هذا وجهة الثاني لصلاح بعد الخطوبة
ومع ذلك تعذرتلة وكلت كل حبيب يغار ع حبيبتة واني احبة لو شما تكون اطباعة
بهل اثناء دك جهازي صديقتي
صلاح لفت انتباهي الاغنية الي مخليتها نغمة لجهاز كانت لحسام الرسام «اول حب بعمرك اني»
كتلها هاي الاغنية لمنو لان جنت مااسمع اغاني
كالت مبتسمة هاي لحسام الرسام حلوة؟؟
خليتها خصيصا الك بس ياربي ميجيب دموع بينة
وللقصة بقية ،،،،،
متابعة ارائكم وتعليقاتكم 😘😘
