فى صباح يوم جديد
افاق يوسف على رنين هاتفه معلناً عن اتصال
يوسف بنعاس مجيباً
محمد باشا ازيك
(محمد عثمان ظابط شرطه صديق يوسف ومكلف أيضا بتلك المهمة مع يوسف )
محمد : تمام يايوسف اتصلت بيك عشان اقولك ان ميشيل وصل القاهره ومن خلال مصادرنا قدرنا نعرف تتبع سيره هو دلوقتى حجز فى اوتيل ....وبالليل هيروح حفلة
منظمها اكبر رجال الاعمال فريد الجندى
يوسف بثقة : وإحنا جاهزين
................................
فى الفيلا حيث دينا ولؤى ومعز فبعد أن هدد معز أمه بأنه سيذهب وافقت بإقامة دينا ولؤى معهم على مضص
معز : دينا عشان خاطرى متزعليش من ماما هى اسلوبها كده اعتبريها زى والدتك
دينا : خلينى امشى لو سمحت كفاية اهانة انا مش هقدر استحمل مش محتاجه عطف منك ولا انى احس بشفقة من حد
معز : انا قُلت مفيش مشى من هنا وده مش عطف ولا شفقه انا وعدتك ووعدت اخويا ووعدت نفسى انى هخلى بالى منكم هكون امانكم وضهركم لحد مامتك متقوم بالسلامة واختك ترجع اعتبرينى أخوكى الكبير صدقينى مش هتندمى
لؤى : عمو ياعمو انا هنام فين
هتنام مع اختك فى الجناح ده وتقدروا تاخدوا راحتكم
لؤى : طيب دينا انا جعان
معز : انا هروح اجيبلكم اكل مش هتأخر
.........................
ذهب يوسف الى عهد وتناولوا وجبة الإفطار معاً ممهداً لإخبارها بما تريد أن تسمعه
يوسف : عهد باقى كام ساع على مهمتك ميشيل وصل القاهرة من شوية ونزل بالفندق وجانى اخبار انه هيروح بعد كده لحفلة
منظمها رجل اعمال واحنا هنروح الحفله دى وانتى تبدئى شغلك معاه
عهد دون أن تنظر له : طب هو اكيد هيعرف مين انا بما انه مجرم كبير ولو حد برضو شافنى هناك ما اكيد هيتعرف عليا وبكده الخطه هتفشل
يوسف : اكيد معدتش عليا الحاجات دى انا طلعتلك ورق إثبات شخصيه باسم مختلف واسمك الجديد هيكون ساندى اما بقى شكلك فأقدر اقولك إنك اتغيرتى 180 والفضل للوك الجديد والهدوم الجديده اللى جبناها
عهد : طب وانت مش هتكون معايا
يوسف : اطمنى هكون معاكى خطوه بخطوه انا مش هسيبك ابداً وفى الاغلب هظهر معاكى بصفتى صديقك المقرب
عهد : تمام وايه المطلوب منى
يوسف : زى مانتى عارفه انه بتاع بنات ف انتى هتظهريله فى كل الاماكن اللى هيكون موجود فيها هتحاولى تلفتى انتباهه تشغلى باله هيحاول يقرب منك وانتى فى كل مره تهربى منه يعنى تكونى تقيله وفى نفس الوقت تحاولى تخليه يفكر انه ازاى يقدر يحصل عليكى وبعدين تخليه يحبك ويثق فيكى وبعدين هقولك نعمل ايه
أنت تقرأ
فتاة بثوب الشجاعة
Romanceشجاعة وقوة تصنعتها ، صراخ في وجه من يقترب ورصاصة قاتلة لمن يتحدى تلك الشرسة فقدان أمل يذهب وريثما يعود إليها بالقوة ، قوة الحب . لم تكن الأول ولكنك أصبحت بإصرارك الأول والأخير وأمامك أستكانت قوتي وكُسرت مخالبي ... وصارت شجاعة التصنع شجاعة حب ..
