فتاة بثوب الشجاعة

الفصل السابع والعشرين

كانت تتغلغل كالمياة المنحدرة بين الصخور لا يراها أحداً حتى وصلت إلى الباب الخلفى لترى والدها يهرول للهروب مع بعض من رجاله وبالإضافة إلى جومانا والأطفال الذين كانوا بمثابة الفاقدين لرشدهم لتنادى عليه بأبى لتتلذذ معنى كلمة أبى التى حُرمت منها

مريم : بابا استنى

ليدير هو ظهرة مقابلاً لها وهو فى صدمة فهى أمامه الآن

فريد : جاية تسلمينى للشرطة

مريم : لا طبعا يا بابا انا جاية عشان
..
فريد : أنا كتبتلك عمر جديد واتكرمت معاكى وسبتلك

فلوس واديتك اسمى وسيبتك عايشة كل ده ما
كفكيش وجاية تخلصى عليا

مريم : يابابا لا والله انا جاية اخد منك العيال اللى مالهمش ذنب دول واخليك تهرب انا برضو مايرضنيش اشوفك وانت بتتاخد

فريد : ههههههه وانا المغفل اللى هيصدقك

مريم : لازم تثق بيا عشان انا بنتك ولا يمكن هفكر اضرك

فريد : اه بس انتى مش بنتى

مريم : بابا الله يخليك مش وقت هزار خلينا ننجز قبل ما يبجوا

لتقترب هى منه عدة خطوات ليخرج سلاحه ويصوبه فى وجهها لتقف فى صدمة لا تدرى أين وصلت بها

فريد : مكانك لأخليكى تحصلى أمك

مريم : أنت بتعاملنى ليه كدة

فريد : عشان كان لازم اقتلك من زمان

مريم : تقتل بنتك ؟

فريد : قولتلك انتى مش بنتى انا قتلت امك اه قتلتها عشان خانتنى وانتى كنتى لسه سنك شهر واكتشفت خيانتها ليا بعد شهر من ولادتك يعنى انتى مش بنتى وحتى لو بنتى انا مش معترف بيكى وغورى من وشى لأحسن اقتلك

مريم ببكاء : يابابا لو سمحت متقولش كدة انا عارفة انك بتقول كده عشان تكرهنى فيك بس انا مش هقدر اكرهك اه انت مكنتش ليا الأب المثالى وكمان عرفت انك مجرم وتاجر أعضاء بس انا لسه بحبك وبحترمك اه لما كان حد يجيب سيرتك بالباطل كنت بتصدرله محترمة وجودك وسيرتك مع أنهم هما صح بس قول ان ده مش صح قول انى بنتك مش عشان ثروتك والله انا عندى اكون بنت بواب احسن ما اكون بنت تاجر أعضاء بس عشان ماما ست طاهرة ومش خاينة وأنا مش بنت حرام صح هى دى الحقيقة صح

فريد ضاحكاً : ههههههه يااااه دانتى طلعتى ممثلة شاطرة تصدقى أنا أتأثرت ودمعتى كانت هتنزل بس لا برافو تعرفى عشان بس موهبتك الرائعة دى أنا مش هقتلك بس ماتقفيش فى طريقى تانى يلا ياجومانا

مريم بغضب : انت سرقت منى طفولتى وشبابى حتى سيرتى بس مش هتقدر تسرق منى ابنى ايوه ابنى اللى خلانى عايشة لدلوقتى ابنى اللى خلانى أحب من تانى سيبهم حرام عليك متحرقش قلوب اهلهم كفاية كدة وانا اوعدك انى هساعدك على الهروب بس سيبهم