اخذ يوسف عهد لتعليمها القياده ليكون هذا اول تدريب تخوضه
يوسف : جاهزة ؟
عهد : إن شاء الله
يوسف : بصى ياعهد الدواسه اللى على يمينك دى البنزين واللى فى النص دى الفرامل واللى على الشمال دى الدبرياج واول حاجه تتأكدى منها سلامة العربية يعنى ثانية كده تبصي عليها وبعدين الفرامل وأهم حاجة برضو هدوء الأعصاب وتحاولى تتعاملى مع السواقة بأنها حاجة مهم بتمارسيها زى الأكل والشرب وكده
وعشان تحركيها تدوسى على دواسة الدبرياج برجلك الشمال وبعدين ترفعى رجلك وتدوسى على دواسة البنزين لحد ماتسمعى صوت العربيه بتشتغل ولو حبيتى توقفى فى اى وقت تدوسى على الفرامل فهمتى ياعهد ؟ حفظتى الكلام هتعرفى تطبقيه ؟ يلا ورينى شطارتك
عهد وهى تبتلع ريقها : ما بلاش
يوسف : احنا مش بنهرج ولا انتى خايفة
عهد : مش خوف بس
يوسف ويعلو ثغره ابتسامة سخرية : لا مهو باين إنك جاهزة
عهد باضطراب : انت اللى جبته لنفسك
قامت عهد بتشغيل السيار وانطلقت بها بسرعة مخيفة غير متزنة تنحدر يميناً ثم يساراً مرة أخرى حتى فقدت السيطرة عليها وراحت تصرخ مستنجدة به
عهد : عاااااا الحقنى اعمل ايه اعمل ايه الله يخربيت معرفتك عاااا
يوسف : حاسبى حاسبى روحى يمين لا شمال شويه يابت المجنونة وقفى وقفى العربية هنموت
عهد بجنون : لا مش قبل موريك مهاراتى عااااا
يوسف : يابت هنموت يخربيتك لسه مفرحتش بشبابى وقفى الله يخليكى
عهد : لا
يوسف بخوف وصراخ : حاسبى فى اتوبيس داخل علينااااااا
***************
فى حديقة القصر كانت تجلس جومانة وهى شاردة حتى تقدم إليها معاذ عدة خطوات مقبلاً يدها
معاذ بابتسامة : صباح الفل على أجمل بنت فى الكرة الأرضية
جومانة بملل : يسعد صباحك حبيبى انا كتير مليت بدى روح لبنان
معاذ : كلها شهرين نتجوز واخدك ونسافر على لبنان نقضى شهر العسل وبعدين انا قبطان يعنى بعد الشهرين دول هلففك العالم معايا
جومانة : انا كتيرررر بحبك
وقامت بتقبيله وإحتضانه
**********
تفادت عهد التصادم بالاتوبيس ولكن اصطدمت بشجرة فتحطمت واجهة السيارة وبعض من الزجاج الأمامى
عهد : اه يا راسى لا بس ايه انا المفروض اخد جايزة نوبل انى فى اول سواقة ليا انقذت حياتى وحياتك كظابط يعنى
يوسف متألماً : اااااه هموت اه ياضهرى منك لله ياشيخو العربية اللى حيلتنا راحت
عهد بمرح : يلا بقى على تانى تدريب انا لسه مطلعتش كل مواهبى
يوسف : لا كفاية انا جانى انزلاق فى الغضروف من أول تدريب ااااه
عهد بإصرار : لا لسه بدرى بدرى بدرى انت لازم يعنى تمدحنى وتكتب فيا مذكرة وبعدين مش ده اللى انت عاوزه
ثم أكملت بصوت هامس
دا انا هوريك بس أصبر عليا
أنت تقرأ
فتاة بثوب الشجاعة
Romanceشجاعة وقوة تصنعتها ، صراخ في وجه من يقترب ورصاصة قاتلة لمن يتحدى تلك الشرسة فقدان أمل يذهب وريثما يعود إليها بالقوة ، قوة الحب . لم تكن الأول ولكنك أصبحت بإصرارك الأول والأخير وأمامك أستكانت قوتي وكُسرت مخالبي ... وصارت شجاعة التصنع شجاعة حب ..
