غابت عن هذا العالم لتنام قليلاً لعلها تصحو على أن كل ما عاشته كان مجرد حلم مزعج فهل يعقد ان هناك فتاة تقتل والدها وبسبب من بسبب طفل لا تربط بينه وبينها صلة قرابة كانت ممتدة على سرير وشعرها منسدل فى كلا الاتجاهات ويفيض وجهها بعلامات العبوس والحزن وكانت تغض فى نوم عميق تحدث نفسها لا تريد ان تصحو
مريم : ماما ياماما أنا مريم
لتقف أمامها إمرأة لا تقل جمالاً عن ابنتها مريم كانت ترتدى ثياب بيضاء ذو شعر بنى طويل يخطف الأنظار والعيون الملونة بزرقة السماء
أمل : مريم حبيبتى ايه اللى انتى عملتيه ده
مريم ببكاء : مش عارفة ياماما أنا عملت كده ازاى أنا خايقة ، خايفة وعايزة اكون فى حضنك كفاية إنى عشت محرومة منه
بس اوعى يكون بابا هنا أحسن يضربنى
أمل : بتكرهيه يا مريم
مريم مسرعة : لا لا لا ياماما انا بحب بابا أوى بس هو وجعنى واخد منى الحاجة اللى بحبها وقال عنك حاجات وحشة بس هو لو هنا انا ممكن أصالحه ونعيش كلنا هنا
أمل : مينفعش يا مريم
مريم ببكاء : مش هقدر أعيش تانى بجد بموت
أمل : خلاص يامريم تعالى معايا
مريم بفرحة : حاضر يا ماما جاية اهو
عهد بصراخ : محمد نادى الدكتور بسرعة دى بتتشنج ونبضها مش مستقر بسرعة
محمد : حاضر حاضر
دخل الطبيب إلى غرفة مريم وتفحصها وحاول عمل مساج للصدر لإنعاش القلب من جديد
محمد : خير يا دكتور
الدكتور : حالتها وحشة أوى
عهد : معقولة الحزن يعمل كده فى الواحد
الدكتور : طبعا الصدمة والحزن والاكتئاب كفيل انه يخلى الإنسان عُرضة للنوبات القلبية اللى تسبب وفاته ادعولها وحاولوا تتكلموا معاها يمكن تسمعكم
عهد : شكراً يادكتور
أمسك محمد بيديها وقبلها ولتنهمر الدموع من مقلتيه لأول مرة
محمد : مريم أنا عارف انك فى موقف مش سهل وإن اللى عشتيه كان كبير على سنك وفوق طاقتك بس انتى قدها اه انتى قدها وقوية وهتعدى الفترة دى بس فوقى بقى عشان محضرلك مفاجأه حلوة انا عارف إن أنا كمان خدعتك وجيت عليكى وكنت انانى بس والله حبيتك وبحبك وصعب أتخيل حياتى وأيامى من غيرك حتى اسألى عهد كده هتقولك إنى بحبك اكتر من اى حد فى الوجود
عهد بدموع وهى تقترب من مريم : مريم انا عهد انتى سامعانى ؟
انا مش عارفة أشكرك على اهتمامك بأخواتى فى غيابى ولا أشكرك أنك أنقذتى اخويا انتى حد جميل جدا وكأنك ملاك نزلتى غلطة للأرض مفيش حد فى طيبتك ولا حنيتك انا كنت فاكرة إن اللى عشته اسوأ حاجه ممكن الشخص يعيشها لكن انتى عيشتى الأسوأ حاسة بيكى ونفسى تقومى وترجعى تعيشى معانا من تانى انتى بقيتى جزء مننا منقدرش نعيش من غيره صح يا يوسف
أنت تقرأ
فتاة بثوب الشجاعة
Roman d'amourشجاعة وقوة تصنعتها ، صراخ في وجه من يقترب ورصاصة قاتلة لمن يتحدى تلك الشرسة فقدان أمل يذهب وريثما يعود إليها بالقوة ، قوة الحب . لم تكن الأول ولكنك أصبحت بإصرارك الأول والأخير وأمامك أستكانت قوتي وكُسرت مخالبي ... وصارت شجاعة التصنع شجاعة حب ..
