90 يوم

البارت الرابع

البارت الرابع
🎀 90 يوم 🎀
#بقلمي_شمس

الالم بداخلي قتلني .. واحس روحي تريد تطلع واختنگت
اتذكرت البارحه شلون نضحك ونسولف اني ومحمد وحيدر وبعد ولد ويانا بالغرفه..

واليوم شلون انگلبت حزن وقتل وموت ..
اخذونا للمقر ودخلوني وشفت بعد اكو ولد
وياي بغرفه ..
قفلوها ..
وگالوا بعدين نحقق وياكم ..
حسيت بخوف .. شنو يحققون ويانه معناها شاكين
بينا ..

نور……
يوم كامل اتصل ع كرار ماكو .. رحت البيت عمتي
هلو عمه وبوستها ..
ماكو اخبار عن الولد اشو كرار اتصل عليه
ومغلق .. ولازم همه هسا واصلين لهنا

التفتت عليه مرت حيدر ..
ليش همه يجون اليوم ..
نور .. هااا لعد حيدر مخبرج
الآء .. لا مخبرني واليوم كوله مااتصل ..

لشويه واجه عمو ابو حيدر وجها اصفر ويرجف ..
تلگنه البنات زينب وزهراء ..
ها بابا شبيك ..
عمتي .. ابو حيدر شبيك صاير شي ولدي بيهم شي ..

نزلت دموع عمو ابو حيدر ..
لج صار هجوم ع القاعده وماخذين الولد كلها وجاي يقتلون بيهم ..
ام حيدر .. يمه ولدي راحوا وبقت تعيط ..
نور .. لا مستحيل كرار كال راح ننهزم ..
عمو شمدريك انت ..
ابو حيدر .. الفيس والتلفزيون كلها مگلوبه وتنشر بالخبر

نور .. اتباوع البنات يعيطن ومرت حيدر وگعت خطيه
وهي حامل ..
وعمتي ملخت روحها وتعيط
وعمو رجال كبير وبس يبحي ويرجف ..
البيت عباره عن مأساة..
عطت .. كاااافي ليش مفاولين الهم ..
هسا يرجعون .. كرار وعدني يرجع مايتركني
مستحيل يتركني ..
وطلعت احجي بيني وبين نفسي ..
لا كرار ميموت .. كرار گال راح انهزم

لاياربي لاتحرمني منا بعد ماجمعتني بي

بيتنا قريب ع بيتهم ..
دخلت واني الدموع ع خدي واحجي وحدي ..
تلگتني امي .. والظاهر سامعه الخبر ..
ارتاحيتي يانور .. كتلتي روحج عليه
وهاي اترملتي قبل ماتتزوجين ..

مااهتميت تركتها ودخلت للغرفه ..
طلعت صورنا مال الخطوبه واباوع وابجي
وعندي التشيرت مالته .
مره اخذته منه بقيت اشم بريحته
واگوله لا كرار ادري بيك ماتتركني
مايهون عليك تعوفني وحدي ..

دخلت اسيا .. عيني نور البقيه بحياتج ..

اتباوعتلها وعطت .. اطلعي بره بره
بيش مفاوله كرار مامات ومستحيل اصدگ
الا اشوف جثته مامات فهمتوا كافي تفاولون عليه

اسيا .. يومه اسم الله اكيد تخبلتي بس حقج خطيه

نور .. اسيا اذا ماتطلعين ماتلومين الا نفسج جايه تواسيني لو تتشمتين .. اطلعي بره ..

اجت امي ع صوتي شبيج ..
گالتلها اسيا .. ماادري شبيها تخبلت .. اشو گلتلها
البقيه بحياتج هاي عاطت ..

ام نور .. اسيا ادري بيج متطيقيها لاتعزيها ولاتوصليلها اتركيها بهمها ..

نور .. بقيت احاول اتصل واتصل وماكو مغلق
اتذكرت الصبح من اتصل عليه وگلي راح ننهزم
حسيت من صوته يودعني ..
لا ادري بي عايش گلبي يگلي عايش ..
لو ميت كان حسيت .. بس هو عايش ..

مرن كم يوم وبيت عمتي ام حيدر مگلوب بالناس
عماتي واقاربهم وعمامي كولهم هناك ..

والبيت عباره عن مناحه .. الا اني بس صافنه عليهم
ذولي ليش يبجون .. كرار عايش وحيدر ان شاء الله هم عايش ..
عمتي تخربطت كولش ..
فاطمه وزوجها هم اجو ومگابله عمتي وتبجي ..

اجه ابن عمي اسمه رافد .. هذا كان حاط عينه عليه
وكم مره حاول يصارحني ..
بس كرار گله نور الي ولاتحاول تتقربلها ..

رافد .. شلونج نور
نور .. اذا كرار بخير اني بخير
رافد .. تحجين صدگ نور .. لج ماشفتي مواقع التواصل شلون مخبوصه .. يگولون ماكو واحد عايش ..
مذبحيهم وقاتليهم كولهم ..
مسويلهم قتل جماعي ..
نور .. مدام احساسي يگول عايش مالي علاقه
بمواقع التواصل ..
اني ادري كرار عايش .
ومستعده انتظره عمري كوله ..
رافد .. هنيال كرار
نور .. من رخصتك .. تركته وگمته
لان كلامه ضوجني وحتى ماراعى الضروف الي اني بيها
عبالك ديتشمت ..

رحت يم عمتي حظنتني وتبجي وتگلي تعاي يريحة الغالي ..
گمت ابجي واتذكر .. كرار وطوله وجماله هو يشبه عمتي حلو لان عماتي حلوات واني طالعه عليهن ..
بعكس حيدر حنطاوي ع ابوه ..

صعدت الغرفه كرار .. فتحتها اتباوع المكانه نمت ع مخدته اشتم بيها ..
اتباوع الصوره مخليهن ع الميز .. بوسته واحجي وياه
اشتاقيتلك حبيبي .. لاتطول بغيبتك ترى بعدك اموت
مااتحمل فراگك ..

فتحت الكنتور مالته .. طلعت ملابسه اشتم بيهن لگيت صندوگ صغير  ..
فتحته .. شفت كولشي ناطيته من هدايا مخليهن بيها ..
ومنهن شال الي اخذه مني ..
هم مصفطه ومخليه بالصندوق ..
سديته وعيوني صارن دم من البجي .. بعد مااتحمل
تركت الغرفه وطلعت مسحت عيوني ..

كلما اگول مااستسلم وماابجي مااگدر ..
اخاف صاير عليه شي .. حسبه تاخذني وحسبه تجيبني..
نزلت من الدرج واسمع كلامهم مثل الصدا
وعيوني تغوش بعد مااشوف .. ماحسيت الا وگعت من فوگ لجوه ..
ماحسيت الا واني بالمستشفى.. گلي الدكتور عندج هبوط حاد شنو متاكلين ..
ام نور .. اي والله دكتور متاكل خطيبها استشهد بسبايكر وهي قطعت الاكل ..
نور .. يوم كافي كرار مامات وگمت اعيط ..
الدكتور .. اششششش مو زين تعصبين وانتو هم ع كيفكم وياها لاتذكروها ..
وسوتلها اشعه الايديها بيها كسر راح نجبرها هسا ..

جبروا ايدي وخلولي مغذي لان عندي هبوط..
وامي مابطلت تلوم وتحجي عليه .. تالي بابا عاط بيها وگالها .. بعد مااسمحلج تضوجيها ..
وتسمعيها كلام ..
ام نور .. اي ادري ماتنطي بيهم لان ابن اختك ..
حطم حياة بنتي وسواها ارمله وهي بهذا العمر ..
ابو نور .. وتااااااالي بصوت عالي..
#بقلمي_شمس
يتبع…