90 يوم

البارت الرابع عشر

البارت الرابع عشر
🎀 90 يوم 🎀
#بقلمي_شمس

اشعر باني غير موجود ..
وكأني في حلم بعيد عن الواقع ..
ولا اشعر بالحياة و كأن اصدقائي و عائلتي ..
اشخاص غريبون عني ولا اتوقف عن التفكير في كل شيئ فأنا في حالة ضياع و قلق مستمر ..
هجرت نفسي واحبابي .. لااعرف من انا وماانا !!

كلام نور كان سكينه بگلبي .. بس فعلا مااريد اضلمها وياي احس نفسي صرت معقد ..
مالي واهس الكولشي وخفت مااگدر اسعدها
گلتلها هيج واني داخلي يتقطع ..
وخاصه من گلتلي ياحسافه وعيونها كولها دموع ..
تركتني وطلعت ..

واني دمعتي نزلت . امي بقت تلوم وتحجي عليه ..
ام حيدر .. ليش يمه تكسر بخاطرها ..
هاي نور نسيتها .. نسيت شسويت حتى تصير الك
نسيت هي وگفت گبال اهلها واختارتك ..
حرام عليك تكسرها هيج ..
خليها هي الي تداوي جروحك .. وتنسيك همومك
ترى لااني ولا اي واحد يفيدك ويدير باله عليك غير مريتك ونور ورده وترباتنا ..
لاتضيعها من ايدك .. ترى امها تفرح من باجر تجبرها وتزوجها ابن خالتها المخنث ابو الفلوس ..

عقدت حاجبي .. صدوگ شنو ابن خالتها ..
ام حيدر .. يمه بعد ماغبت انت ونصبوا عزاك ..
بدت الخطاطيب تجي ع نور .  وابن خالتها كتل روحه عليها وحتى اشترى بيت وحده وگالها شنو تطلبيه اني حاظر بس هي ماقبلت وطردته ..

ومو بس هذا هوايه اجوها ورفضت .  غير تحبك وشاريتك يمه لاتفرط ببنت خالك ماتلگي مثلها لو تفر الدنيا ..

اسمع كلام امي وضايج .. اني شلون ضوجتها هيج ..
لازم اراضيها ..
بس تجي اخذها للغرفه واحجي وياها ..

انتضرت يوم يومين صار اسبوع وهي مابينت .. اكيد زعلانه ..

نور……
حسيت نفسي انتهيت مااتحملت كلام كرار .. كافي صحيح هو طلع من الموت .. بس مو هيج يجرحني ..

احبه واموت عليه .. بس مو معناها يدوسني .. قررت بعد مااروح البيت عمتي والتهي بدراستي ..
وعرفت محد يفيد غير بس الشهاده .. هي سلاح للمرأة

كرار ماسأل .. ولااني سألت ..
ساعه اگول المفروض انسى كبريائي واوگف وياه ..
وساعه اگول هو الي زعلني المفروض يراضيني ..

اشتاقله ومااگدر اروح ..
بدت الدوامات وبدينا دراسه واضافيات .. واني قسمي ادبي مو علمي ..
رغم تفكيري المستمر بكرار بس مخليت هذا الشي يأثر ع دراستي ..

مر شهر واني ماشايفته وحتى .. من تدز عمتي عليه اتحجج بالدراسه ..
گمت مااطلع الاي احد حتى بيت عمو رافد كم مره يجون ومااطلع .. وزعلوا ..

ماما فرحت عبالها انفصلنا .. وكل يوم تگلي خلينا نرجع الحلقه والذهب ويطلگج وشوفي حياتج ..

ماتدري اني اذا انفصلت عنه اموت مااتحمل هو كل حياتي ..

بيوم دا اقرأ العصريات بالحديقه .. واجه رافد ..
يبتسم سلم .. رديت السلام
رافد .. الخبر الي سمعته صحيح ..
نور .. وهو ??
رافد .. سمعت من اسيا انفصلتوا انتي وكرار
نور .. غلطان .. واسيا. دايما تحور ..
رافد .. لا الخبر صحيح .. حتى سألت كرار ومانكر ..
نور .. مستحيل انت تكذب حتى اكره كرار واتركه
رافد .. اسأليه اذا متصدگين ..
اني عصبت ودااحجي ..
دخل كرار وشافني معصبه .. اتباوعتله بغضب انت شنو اني احبك ومااشوف غيرك وانت تگول انفصلنا ..
اذا صدوگ انفصلنا .. ليش مطلكتني لسا ..

كرار ( بداخلي ) .. هاي شبيها وليش هيج تتصرف ورافد شعنده هنا .
كرار .. منو گلج
اتباوعت الرافد .. يله رد مو انت گلتلي ..
رافد .. اي صحيح مو اني سألتك عن علاقتك بنور وشناوي .. گلت حاليا عقلي مايفكر بشي ونور حرام اضلمها وياي خلي تشوف حياتها ..

كرار .. يعني حاسبك ابن عمي وادردش وياك .. تروح تنقل الكلام النور ..
رافد .. كرار .. اني مااريد اضم عليك .. اني بفتره غيابك خطبت نور وهي رفضت وگالت انتضر كرار ..
ومن رجعت انت مشافت منك بس الالم ..
حرام تضلمها وياك خليها تعيش وتشوف حياتها يااخي ..

كرار.. اتباوعلهم ومصدوم .. هذا كوله صاير واني ماادري ..
ماحسيت الا ضربت رافد .. لك تباوع ع عرضي وتحجيها بعين صلفه ..
نور خط احمر لو شنو يصير بينا انت ماتدخل ..
واياك اشوفك تعتب بيتهم مره لخ ..

طرده من البيت بعد مااجه عباس وهدأهم .. واسيا تعيط ووگعت من الهبطه ..
نسيت اگوللكم اسيا طلعت حامل بعد علاج وادويه مده سنتين ..
لهذا تدلل ع عباس .. وهي عركه بسيطه سوت نفسها مهبوطه وخلت عباس يحجي عليه ..

عباس اخذ مرته ودخلوا .. واني وكرار بقينا وحدنا ..
اني ساكته وهو ساكت ..
اخر شي اتجرأت وحجيت ..
كرار اني عاذرتك واعرف ضروفك .. بس شفت الناس شلون اتدخلت بينا وگاموا يحجون بكيفهم ..
خلي النقط ع الحروف .. دا احجي ومعصبه وهو قاطعني
كرار .. احبج
اني 😲😲
اول مره اسمعها من قبل مايختفي ..
شنو شگلت
كرار .. احبج نورايتي ومستحيل افرط بيج .. شهر ماشفتج واني تدمرت ..
هناك من اخذونا خفت لاتنسيني وتتزوجين عبالج ميت ..

نور .. مستحيل اتركك حتى لو ماراجع .. انت حبي الاول والاخير كرار .
اجه يمي اني گاعده ع المرجوحه .. هو گعد مقابيلي ع ركبه .. ويباوعلي ..
نور اني احس نفسي تعبان .. كل يوم من انام اشوف محمد مذبوح وافز اعيط اشوف شلون قتلوهم واطفر من نومي ..
لهذا ابتعدت ماردتج تعيشين وي مخاوفي ..
عيونه تدمع واني دنگت بست راسه .
كرار انت حياتي وابقى احبك حتى لو صرت مخبل 😂
كرار 😂😂 يعني موافقه تتزوجين هذا المخبل 😂
#بقلمي_شمس
يتبع….