90 يوم

البارت الاول

البارت الاول
🎀 90 يوم 🎀
#بقلمي_شمس

امشي في الظلام .. بخطوات تسحبني تارة الى الامام وتارة الى الخلف ..
لااعرف اين تأخذني قدماي .. وكأني اسير في البرزخ فهناك الجنه والنار .. وانا واقف بينهما ..
ماذا سيكون مصيري .. لااعرف لكن الذي اعرفه هناك رب لاينسى عباده عندما يستغيثون به .. #شمس

اليوم المشؤوم يوم 12 حزيران / 2014م ..
يوم مجزرة سبايكر .. اكيد الكل يتذكرها ..
ومستحيل التاريخ ينساها ..
وخاصه اني لان عشت وشفت احداثها بعيني ..
قبل هذي المجزره راح احجيلكم قصتي من البداية ..

اسمي كرار عمري 25 سنه ..
عندي اخو اكبر مني بس متدين وفقير ومتزوج ..
وعندي اخوات ثلاثه وحده اكبر مني متزوجه ..
واثنين اصغر مني ممتزوجات يدرسن بعدهن ..
اخوي اسمه حيدر .. واختي المتزوجه اسمها فاطمه.
واخواتي البقيه .. زينب وزهراء .. #شمس

احب بنت خالي اسمها نور ..
وهي اسم على مسمى تخبل وصغيره..
بعدهي تدرس اعداديه..
وكنت مقرر بس تخلص اعداديه نتزوج ..
بس امها معارضه لان اني اشتغل عامل بمحل ..
گلتلهم انطوني كلمه تصير الي ..
واني راح اقدم بقاعده سبايكر ..
لان صديقي محمد هم راح يقدم وشجعني .
گلي كلها كم سنه نتخرج ونتعين ضباط..

فكرت عجبتني الفكره .. وگلت اذا صرت ضابط ..
راح ينطوني نور .. وهم اعيش براحه .. وراتب ..

حجيت وي اهلي .. ابويه رفض بالبدايه ..
بس من شافني اصريت .. اقتنع .. #شمس

حيدر اخويه هم اصر يقدم وياي لان هو متزوج ..
واكيد حيصير عنده اولاد ومسؤوليه ..
ويفكر بالمستقبل ..
واحنه ناس ع گد حالنا .. وماعنده الي يسندنا ..

ابويه گال بويه مو اثنينكم .. واحد يمي يبقى ..
يساعدني واني كبرت .. #شمس
بس اني وحيدر اصرينا ع الموضوع ..
رحنا قدمنا وويانا محمد صديقي..

نور .. كرار حبيبي .. دير بالك ع. نفسك ..
تكريت تخوف واني اخاف عليك بس لوما كلام
ماما كان مخليتك تروح .. #شمس

كرار .. حبيبتي هي كم سنه وارجع ظابط
ونتزوج وتصيرين مرت الضابط ..

نور .. ههههه فديت الضابط امواااااح ..
كرار .. اويلي يابه بعد وحده عليج الله .
نور.. لا حبي ميصير ..
كرار .. شنو ميصير غير احنه بحكم المخطوبين
نور .. اي من نعقد سيد انطيك مو هسا
كرار .. يله عمي شنسوي نگضيها هوائيات 😂
نور .. هههه ديله داوم حتى ماما تصدگ وتقبل
نعقد ونگطع مهر .. ومن تخلص نتزوج ..
كرار .. ان شاء الله حبي ❤

مرت الايام ونقبلنا وداومنا اني وحيدر ومحمد
واكو بعد ولد تعرفنا عليهم من نفس المحافظه
ويانا .. #شمس
گمنا نروح ونرجع سويه ..
مرت فتره ع داومنا .. قررت انزل واروح ع بيت
خالي واخطب نور رسمي ..
وفعلا .. رحنا وخطبناهه وامها ع عيونها وافقت
وهي هم حقها ماعندهم بس نور وولد واحد متزوج

كان احلى يوم بحياتي من خطبت وبيومها اجانه
خبر ثاني حلو .. مرت حيدر طلعت حامل ..

امي گامت تهلهل الي والحيدر لان حيصير
عندهم طفل .. خطيه صارلهم سنه متزوجين

سوينا الخطوبه .. وطلعت نور تخبل وهي اصلا ماقاصره حلوه .. #شمس
واني هم ماقاصر لبست قاط نيلي فاتح ..
ورتبت شعري ..طلعت توووب ..
اني شويه جرئ مو مثل حيدر خجول ..
اخذت راحتي وي نور والنسوان يضحكن عليه ..
بس امها تخوزر .. بودها تاكلني
بس اني ع عنادها .. كل ساعه ابوس ببنتها ..
حتى احرگ روحها هههههه ..
ونور تصير طماطه من الخجل ..
لبستها الذهب ورگصنا وطلعنا ..
وثاني يوم التحق للقاعده بتكريت ..
ووعدتها اجي بالليل اودعها قبل مااروح ..

نور .. من گال حجي بالليل اودعج ..
دخلت سبحت ولبست گلبيه ربع ردن ..
وبيها فتحات من الصفاح .. #شمس
لونها ماروني .. وسرحت شعري
خليت كحل وحمره خفيفه بس ..
لان اني بيضه وميحتاج اخلي ميك اب .

ومرت اخويه .. اسمها آسيا .. بس تذب حجي
اسيا .. عيني هاي بعدكم اول يوم خطوبه هيج
لعد بعدين شتسوون .. خلي شويه للزواج
مو تنطي كولشي هسا .. #شمس

صدوگ قهرتني ..
نور .. لتخافين .. مو اني الي ابيع نفسي بالخطوبه ..
هي ماتت قهر ..
اتعمدت حجيت هيج ..
لان بفترة خطوبتها .. شفت العجب منها هي وعباس اخويه ..
حتى قميصها تنزعه من كانت تجينا .. متستحي
وجايه هسا تعلمني .. #شمس
ع الاقل اني ابن عمتي ويخاف عليه ..
الا هي غريب وماتخجل منه .. كولشي عادي وياه ..

شويه واندگت الباب واجه كرار شافني تخبل
دخلنا للاستقبال ..
كرار .. شلون ابطل ماالتحق وابات هنا ..
نور.. ههههه شتسوي تبات من نتزوج اجي ابات
اني عندكم😂
كرار .. ههههه اعرفج حياله ومايطلع شي منج
نور .. ههههههه احبك ..
كرار .. باجر اروح هيج تودعيني ع الناشف ..
نور .. تقربت منه وحظنته وبوسته وهو لزگ
تالي دفعته .. #شمس
نور .. هذا حدنا لهنا مانتعدا الحدود بعد 😂
كرار .. لا عمي زين ونطيتينا بوسه احسن من ماكو
بقينا شويه نسولف ونضحك وتعشينا اني وياه
بعدين بوسني وودعني وطلع ..
تالي التفت عليه ورجع حظني ..
وگلي .. نور والله احبج
دمعت عيني .. وگتله اني اموت عليك ..
طلع واخذ گلبي وياه .. #شمس

كرار .. ماادري ليش كنت اتمنى ابقى يمها
ردت اشبع منها ..
بس باجر عندي التحاق ولازم احظر جنطتي
رجعت للبيت حظرت جنطتي ..
وكويت ملابسي ..
رحت ع حيدر .. گتله السايق يمر بينا بالاربعه
گال اني مجهز اموري ووقتت المنبه ..

رجعت سبحت ونمت .. گعدت ع صوت المنبه
واتصال نور سويه .. #شمس
كرار .. صباح الخير يااحلى منبه بحياتي ..
نور .. صباح العسل حبيبي .. عبالي اخذتك
النومه وادري بيك تطلع من الصبح ..
كرار .. لاهسا راح ابدل ونطلع ماعندي شي .
نور .. دير بالك ع نفسك حبيبي ..
ومن توصل خبرني لتخليني قلقه عليك ..
كرار .. فديت الي يخاف عليه .. تدللين ياعمري
بس اوصل اتصل عليج ..
نور .. باي حبيبي والله وياك ..
كرار .. الله وياج يعمري احبج
نور .. اموت عليك ..

#بقلمي_شمس
يتبع.