90 يوم

البارت الثالث عشر

البارت الثالث عشر ..
🎀 90 يوم 🎀
#بقلمي_شمس

اشرت الفاطمه تجي ..
اريد احجي وياها ع الأء ..
بالاول حضنتني وهنتني ع رجوع كرار ..
فاطمه .. لج نور انتي صدوگ تحبين كرار .. الوحيده گلتي مامات ومالبستي اسود ..
وهاي الله عوضج ورجعه الج ..

نور .. الحمد لله .. بس اكو شغله مخوفتني ..
فاطمه .. شنو خير ..
نور .. الآء اتصلت عليه وسألت ع حيدر .. وتگول الى متى ابقى هيج .. اني وابني منو النه ..
وتگلي تقبلين كرار يتزوجني ويربي ابن اخوه ..

فاطمه .. شگد سخيفه هاي .. حيدر مصارله ثلاث اشهر من غاب وهي تفكر بالزواج ..
حسافه ع الحب وقتل نفسه وسوى المستحيل حتى يتزوجها .. تالي هيج تحجي ..

لتخافين نور .. مدام احنه مانعرف حيدر عايش لو ميت .. ماتگدر تتزوج وحتى اذا تريد تتزوج مستحيل تاخذ اخوه ..
وكرار يحبج ومستحيل يسويها .. لتشغلين بالج ..
الي يربطنا بيها بس الطفل واذا تزوجت ناخذه ..

نور .. من حجيت وي فاطمه ارتاحيت شويه ..
واطمأنيت ..

رجعنا للاستقبال .. سمعت عمتي گالت الكرار ..
روح يمه نام وارتاح انت تعبان ..

گال تصبحون ع خير .. وصعد الغرفته واني واكفه يم الدرج .. مااهتم ولاگلي شي ..

بداخلي ضجت بس ماردت ابين لان رافد عينه عليه ويستغل اي فرصه حتى يتشمت ..

گال بابا .. يله نور خلينا نروح .. اخذت عباتي وسلمت ع البنات ..
فاطمه حست عليه .. گالت نور اعذريه الي طلع منه مو شويه انطيه فرصه يراجع نفسه ويسترجع حياته ..
وبعدين احجي وياه ..

هزيت راسي وطلعت .. واني ضايجه .. دخلت للبيت توضيت ورحت الغرفتي .. صليت صلاة الشكر وصلاة الليل لأن كنت ناذرتها الرجوع كرار ..

وهسا نذرتها حتى يرجع كرار السابق وينسى .. ترجع ضحكته وشقاوته وابتسامته ..
لأن هذا مو. كرار الي اعرفه .
خلصت نمت بفراشي وگمت ابجي .. الى ان غفيت ..

گعدت الصبح .. احس نفسي مكسره وتعبانه ..
لگيت ماما تسوي ريوگ
نور .. صباح الخير ماما
ام نور .. صباح النور .. اشو گاعده من الصبح
نور .. مااعرف احس جسمي مكسر وتعبان مگدرت انام
ام نور .. طبعا اذا البارحه گضيتيها ركضه وشغل اكيد تعبين لو بيتج مااشتغلتي ..

نور .. ماما يعني حتى من الصبح تسمعيني حجي .. غير خطار عندهم وشفتي البنات كولها تشتغل .. وثاني شي يعتبرون عيالي ..
ام نور .. هههههه عيالج دخلي يعبرج كرار بكلمه يله تحجين ..
لج طول الگعده مراقبته حتى مايتباوعلج .. ولامهتم
انتضري فتره بس يتأكدون حيدر مات يزوجوه الآء .  عمود يربي ابن اخوه ..

نور .. ضجت حيل .اتذكرت كلام الآء .. معقوله تصير صدوگ اموت وربي ..
لا لا مستحيل كرار يحبني ومايتركني ..

تريگت ودا اغسل المواعين نزلت اسيا ..
ها عيني گاعده من الصبح لازم تردين ترحين البيت عمتج وتعوفين البيت عليه ..
ترى اني شاكه بروحي حامل .. ومااگدر وحدي ..

نور .. لتخافين حنضف البيت كوله .. والطرمه .. بس الغدا عليج مالي علاقه ..

اسيا.. هو الغدا عليه اصلا .. وتعالي اگولج اشو السانج طولان وشفتي نفسج من اجه كرار .. وياليت هو معبرج والله كلام رافد صحيح .. ترى كرار ميفيدج اتركيه وتزوجي رافد ..
خوش ولد ويحبج .. #بقلمي_شمس

نور .. كاااافي الخاطر الله .. انتي شنو تتونسين ع اوجاعي ..
وشوفي اني دا احضر للسادس ومابقى شي للدوام ..
يعني اخلص شغلي واگعد اقرأ ..
مالي علاقه بشغلج حامل مو حامل هذا الشي يخصج ..

اسيا .. بسيطه نور خلي يجي عباس واني اخليه شلون يتصرف وياج ..
نور .. تركتها تحجي ورحت نضفت وغسلت الطرمه ومسحت الاخشاب كملت ..

دخلت الغرفتي .. دا اقرأ .. اجت ماما گالت اني رايحه اتسوگ .
تردين شي ..
نور .. لا مااريد بس اقلام جاف وياج ..
ام نور .. ميخالف يله اني رايحه ..
نور .. الله وياج ماما

ردت اقرأ واركز ماكو .. كلام ماما واسيا ببالي .. معقوله كولها حاسه ع كرار مامهتم بيه وشنو السبب

مااتحملت لبست عباتي ورحت البيت عمتي ..
اسيا .. وين رايحه اذا غاب القط العب يافار ..

مااهتميت دخلت البيت عمتي ..
لگيت عندهم خطار ولد المنطقه .. والبنات دا يطبخن
شافتني عمتي گالت هلا بجنتي ..
بوستها وابتسمت ..
گلتلها عمه اريد احجي وي كرار..

ام حيدر .. عمه يمه خطار .. خير صاير شي
نور .. نزلت دموعي .. گلتلها تعرفين ماما شلون وافقت لمن طلعت ارواحنا ..
واليوم من الصبح تگول كرار بعد ميريدج ومامهتم ..
وهو فعلا البارحه ولا عبالك نور مقابيله نور الي حارب الدنيا عمودها ..

اني بغيابه حتى زواج رادوا يزوجوني .. وماقبلت وانتضرته ..
ماما رادت تزوجني الابن اختها ..
وتعرفين سالفه رافد ..
هي هاي جزاتها حتى نضره ميباوع بوجهي ..

سمعت صوت من ورايه .. وليش متزوجتي وشنو سالفه رافد ..
التفتت .. كرار ورايه وسامع بس اخر شي حجيته ..
نور .. مسحت دموعي .. گتله كرار انت متغيير مو ذاك كرار الي عرفته ..
كرار انت تريدني بعدك تحبني ..

اتباوعلي وهو معصب ..
گال نور بكيفج الي ترديه تسويه .. مدامج ماتقدرين وضعي روحي الله وياج واذا تردين اطلگج وتشوفين حياتج بكيفج ..

هو يحجي واني مصدومه .. اي هذا مو كرار هذا شخص ثاني ..
گمت وگفت گباله ..معقوله هذا كلامك الي .  اني مطلبت منك غير بس الكلمه الحلوة ..

اني لليل ونهار اصلي وادعي والوحيده الي انتضرتك كولها نصبت عزاك .. ومااتخليت عنك ..
وانت بكلمه تخليت عني .. ياحسافه ..
#بقلمي_شمس
يتبع……