90 يوم

البارت السابع عشر والاخيرررر

البارت السابع عشر والاخيرررر
🎀 90 يوم 🎀
#بقلمي_شمس

من سمعت كلام الآء .. تخبلت .. صعدت للغرفه ابجي
عرفتها غايتها كرار ..
.عمتي فقيره وهي گعدت تهددها .. بالطفله ..
وعمتي مستتحيل تفرط ببنت حيدر ..
وهسا تحجي وي كرار وتخليه يوافق ..

اجه كرار لگاني ابجي .. اول مره يشوفني ابجي كنت اكتم مشاعري وحزني النفسي حتى مااضوجه ..

كرار .. هاي شبيج حبيبتي ليش دتبجين ..
نور .. كرار تعال اگعد مقابيلي ..
كرار .. وهاي گعدت گولي شبيج
نور .. كرار هم يجي يوم وتتزوج عليه #شمس
كرار .. مستحيل .. اني اصلا ماافكر بهيج شي وين الگي وحده مثلج متحملتني ومساندتني بأصعب ضروفي ..
نور .. حتى اذا انجبرت
كرار..  ماكو شي يجبرني .. بس انتي ليش تحجين هيج اكو شي
نور .. لا بس ردت اتأكد
كرار ... هههههه دتعالي الحضني ولتخافين ماافرط بيج ابد .. #شمس

نزلت اصب غدا .. شفت الآء مااتحملت ..
گلتلها شگد متستحين زوجج مامعروف مصيره وانتي تدورين زواج ومن الاصغر منج ..
الاء .. هههههههه وانتي شدعوه مقهوره هيج ..
نور .. اني انقهر منج هههه بس متعجبه ع صلافتج
الآء .. احترمي نفسج فاهمه .. وربي اذا اخليج ببالي اطيرج من البيت كوله ..
نور .. شلون بله تطيريني ..
اشو هاي گامت تعيط وتبجي .. مااعرف شبيها

اجت عمتي وحيدر .. شكو
الآء .. اووووف ياحيدر هيج خلافك يصير بيه .. لأن ماعندي رجل يدافعلي انطرد اني والي ببطني من بيت رجلي ..
وتبجي وتنزل دموع شلون نزلتهن ماادري
اني بس صافنه ومتعجبه .

عمتي .. منو طردج
الآء .. نور تگول لو عندج احساس جان رحتي البيت اهلج مو باقيه ع گلوبنا وكرار يصرف عليج وع الي ببطنج ..
اني هيج 😲😲
والله كذب عمه وربي ماحجيت ..
كرار انت تتوقع احجي هيج
الاء .. يعني اني اكذب .. اي طبعا مالي احد يدافعلي هي عمتج اخت ابوج وكرار زوجج ..

عمتي .. نور تعالي يمه اريد احجي وياج ..
دخلنا الغرفه عمتي ..
يمه نور تدرين بيه اني احبج واعزج .. واعرف ماتسويها
وادري بالآء تتحجج وتريد حجه ..
وشنو غايتها ماادري ..

نور .. غايتها كرار عمه .. ( بقلمي شمس)
عمه .. هذا الشي مستحيل .. مدام ابني ماادري بي ميت لو عايش .. تحلم تفكر بكرار
واذا تريد تتزوج .. تنطينا بنتنا وتتزوج

اني مخليتها لعيون حيدر .. بس انتي اتحمليها وطنشيها يمه وخلي عقلج اكبر من عقلها ..

بست راس عمتي .. وگلتلها ان شاء الله عمه

ارتاحيت من سمعت كلام عمتي ..
وگمت اهمل الآء ومااحجي وياها . واهتميت بزوجي ودراستي ..
وبيوم اجه كرار وگال اريد اتعالج نور اني تعبت ..

وقرر يصارح اهله بحالته . 
وعمي اخذه لشيوخ وساده وماخله مكان ماراحله ..
حالته بدت تتحسن ..
خلال اشهر وهو يتعالج حتى الاطباء راح ..

الآء حاولت بكل الطرق وياه ومافاد .. وكان يجي يسولفلي شتسوي وياه وشلون تغريه ..
كبرت بطنها ودخلت بشهرها ..
نص التاسع ولدت بنتها وراحت الاهلها ارتاحيت منها ..

البيت هدوء .. عطلنا من المدرسه فترة مراجعه للامتحانات سويت جدول ونضمت وقتي ..
بالليل اترك الدراسه وابدل ..
وبيوم اجه كرار شافني لابسه ثوب اسود قصير وحمرتي حمره ..
حاولت اغريه وادلع عليه .. وفعلا حسيت تشافه ..
واتقربلي من بعد اشهر من زواجنا ..
وابد مااتذكر محمد واندمج وياي بعالم ثاني اول مره احس برومانسيته وحبه الي افتقدتهن من زمان ..

صبرت عليه وساعدته والله عوض صبري ورجعلي كرار القديم الي دمره داعش وتعب نفسيته ..
بدت امتحاناتي وعمتي والبنات مساعداتني ميخلوني اشتغل ..
وبيوم 2015/7/12 .. نزل داعش فديوهات مجزره سبايكر ع النت ..
الناس انخبصت والاكثر كرار . اني ردت يصير زين وهم نزلوا الفديوهات بقى ايام حالته متأزمه ..
وهو يشوف اصدقائه شلون يعدموهم .. ويكول هذا فلان وهذا فلان ويبجي ..

اتصل عليه ولد صديقه .. گاله شفت حيدر بالفديوهات
هو تخبل بس ماگال العمتي ..
دزاله صديقه الفيديو .. شفناه اني وكرار ..
حيدر وياهم وتالي صفوهم بالگاع ورموا عليهم ..
كرار من شافه گام يعيط ويبجي وگال كان عندي امل يرجع عايش ..

بيومها اتهستر .. وتذكر محمد وهو صار اشهر زين ..
گال واحد راح مذبوح وواحد رموه بالرصاص ..
شگالت روحك ياخوي وهو يبجي واني ابحي وياه

تالي نزل العمي وعمتي .. گالهم حيدر مات ..
عمتي تخربط وارتفع ضغطها ..
وسوينا فاتحه اله .. #شمس

الاء من سمعت حيدر ميت .. بعد كم يوم اجه ابوها وامها جابوا رتوشه وياهم ..
وگالوا .. الآء اجتها خطابه .. والولد ميقبل ببنتها وهي بنتكم وانتو اخذوها ربوها ..
طبعا هي يئست من كرار وقررت تتزوج غيره ..

كملت امتحانات بصعوبه ..
وربيت رتوشه اني .. وحللت وطلعت حامل وكرار طار من الفرح ..
نجحت وطلعلي تربيه انگليزي ..
داومت اول سنه واني حامل وتعبت حيل .. اجانه ولد وسميناه حيدر ..
كرار حالته تحسنت ورجع مثل قبل .. زوج واب حنون عليه وع اولاده رتوشه وحيدر ..

زينب انخطبت .. وزهوره بعدهي تكمل دراسه .. عمو وعمتي الله يحفضهم فوگ روسنا من ادوام هي تعتني برتوشه وحيدر وفرحانه بيهم ..

رغم مرور كم سنه ع مجزره سبايكر .. لليوم مانسيناها وخاصه كرار .. اثرت بي حيل بس يحاول يخفي ومايضهر المه ..
الله يرحم شهداء سبايكر جميعا .. ويحفظ كرار الي والاولاده ..

هاي قصتنا حبايب اتمنى عجبتكم .. ولو بيها حزن والم بس هذا واقع العراق للاسف…
تحياتي لكم احبتي ❤
#الكاتبه_شمس ..

…………………………………

تحياتي لكل متابعيني والي يشعجوني ويصوتولي ..
ربي يوفقكم ..
اتمنى عجبتكم القصه .. ارائكم حبايب #شمس❤