90 يوم

البارت السابع

البارت السابع
🎀 90 يوم 🎀
#بقلمي_شمس

نور .. يرجع ان شاء الله ومنا الذاك الوقت راح اكرس نفسي للدراسه والسنه الجايه سادس ودا الهي نفسي بالدورات ..
رافد .. نور اني مشتريج ومستعد انتضرج .. بس لاتصدگين وتتأملين انه كرار يرجع ..

مااهتميت صبيت الشاي .. واسمع صوت من الباب ..
وانت منو ودا تصارحها . وتخطبها اني حاجزها قبلك
ومستعد انفذلها طلباتها وشنو تريد اني حاظر ..

لعبت نفسي منه شلون يحجي .. عبالك بضاعه يريد يشتريها .. #شمس
هذا ابن خالتي جلال .. المدلل ابد مااحبه ..
اذا رافد اعتبره اخويه .. فهذا اموت منه ومااطيقه الوحيد الاهلها ع اربع بنات ومدلل واحسه مستخنث ..

اتباوعتلهم وهم واحد يحجي ع اللاخ ..
وهذا يگول اني ابن عمها وهذا يگول اني ابن خالتها واعيشها بدلال .. #شمس

اتباوعتلهم اثنينهم .. گولتلهم انتو صدگ متستحون مسوين مزايده .. ولكم من ترحون فدوه الكرار ..
طوله وشخصيته وحبه .. ماتوصلوله بذره ..

وهاي اني اگولكم خاف تگولون ضحكت علينا ..
ماابدل كرار بألف رجال ..
لأن هو عندي يسوى الرجال كلها ..
واخذت الصينيه ورحت .. وادري بالجاي برد من وراهم ..

قدمته وطلعت دخلت الغرفتي وماطلعت لمن طلعوا ..
ثاني يوم سمعت خالتي خابرت ماما من الصبح ..
وماما تگلها امسحيها بيه ..
واني اعتذر نيابة عنها .. وهي تخبلت من كرار مات لسا

مااتحملت طلعتلها وگمت اعيط ..
كرار مامات افتهمتوا وهذا ابن اختج المخنث ابن امه خلي يروح يشكي للدنيا كولها مااقبل بي لو بس هو رجال بالدنيا ..

بقت ماما تحجي وتعيط . رجعت الغرفتي لان سادس ودا احظر وادرس بالعطله ..

الايام تمشي ركض واجه العيد وكان مو عيد سويناها مناحه اني وعمتي وحتى كليجه مسوينه لان صدگ موعيد وكرار وحيدر ماكو ومانعرف خبر عنهم .. صحيح ماكو  اي خبر عن كرار ..
بس ماقطعت الامل .. وعندي امل يرجع واعيد وياه بعيد الاضحى ان شاء الله ..

كرار……………
حالتي سائت هاي اكثر من شهر واحنه محجوزين ومانعرف مصيرنا ..
كانوا دايما يتعمدون يطلعونا نفتر بالمقر ونشوف شلون يعذبون وشلون يقتلون ويعدمون ويحرقون وبعدين تجي سياره تاخذ الجثث ومانعرف وين توديهم ..

كان غايتهم يخوفونا او غاية اخرى ماادري ..
اتباوع اريد منفذ للهرب ماكو .. المسلحين محاوطين المكان .. #شمس

اتمنيت لو ميت وي محمد والبقيه .. ولا هيج باقي عبالي يتركونا بسرعه نروح ..
بس مااعرف غايتهم شنو مبقينا لحد الان ..
كلما نگلهم اهلنا ااكيد دا ينتضرونا وقلقين علينا ..
يگولون هذي اوامر الامير مانتركم الا بالوقت المناسب

اني رغم ماشقي واضحك واسولف بس اذا عصبت مااتحمل ..
فگمت مااطلع ابقى بالغرفه احسن مما اتباوع الاشكالهم المقرفه ..
وريحتهم النتنه .. عبالك سنه مسابحين ..

معاملتهم قاسيه ويانه وناشفه .. حتى حمام النه بالاسبوع مره نسبح ..
كلشي بقيود وشروط ..
يدعون الحلال والحرام وهم مايطبقون منه شي ..
حتى رمضان يدعون الصيام ..
واني كم مره اشوفهم ياكلون بالنهار .. صلاتهم غريبه
بيناتهم السرقه والكذب .  كلشي محرم يحللوه والحلال يحرموه ..
مره واحد من عدنا الي بقينا .. جاع وينطونه وجبه وحده
الولد مااتحمل راح اخذ خبزه وطماطه ..
شافه احد الجنود اعتبرها سرقه ..
ولازم يتعاقب عليها .. #شمس
دافعنا گلناله جوعان خطيه .. گال يعني انتو تحرضون ع السرقه ..
لازم تقطع ايده ..
واصر ع قطع ايده .. تالي هددناه .. بأنه اذا خبر احد نگول انه ما صام رمضان وياكل بالنهار ..
هو خاف وتركه ..
هو فعلا شفناه ياكل كم مره ..

الجوع قتلنا .. وبقوا يساومونا ..
الي يريد يطلع يدلنا ع اماكن شيعه .. او اذا اكو بيت تعرفوه ..
حلفنا الهم انه مانعرف وماكو هنا بتكريت شيعه ..
بس هم بقوا مصرين الي يدلنا يطلع ..
والي مايدلنا يبقى هنا ويصير ويانا .. #شمس

هذا الي كنت خايف منه .. انه يجي اليوم الي يگولون تصيرون ويانه ..

بعد اصرارنا انه مانعرف شي ..
كعقاب النا او حتى يخلونا نستسلم ..
اخذونا نحفر انفاق جوه الگاع
اخذتنا سياره مشت بينا هوايه .. #شمس

ونزلونا بمكان عبالك صحراء .. ونطونا معدات وشغلات مال حفر ..
وگالوا يله احفروا ..
وطلعنا مو بس احنا اكو هوايه ولد يضربون عليهم بالسواط .. عبالك يعاملون حيوان مو بشر

ولازم ماتگول تعبت ولاتوگف ..
اني هستوني طالع من جلطه ومااگدر احفر ..
وهم يعيطون علينا ..
والغريب انه من يحجون الدواعش تسمع هوايه لهجات .. ماتعرفهم منين عبالك جامعيهم من جميع الدول ..

بقينا ايام واسابيع واشهر يجيبونا الصبح يرجعونا العصر
ويشغلونا بدون رحمه .. ولو هم اصلا ميعرفون شنو الرحمه ..
حتى اكل مينطونا .. للظهر كل واحد صمونه ناكلها بسرعه ونرجع نشتغل ..
ارهقنا وتعبنا وحسيت بالم بگلبي اذاني ..

اتمنيت الموت ع هذي الذله .. وكلما ينفذ صبري ودي اقتل واحد منهم وخلي يقتلوني مااهتم ..
وتالي تصير مقابيلي امي ونور .. واتراجع لازم اصبر وارجعلهم .. #شمس

مااعرف مصير حيدر شنو .. ولازم مااحرمها مني هم امي اكيد هسا ميته عمودنا ..

كان هوايه شباب ويانا .. وكلما اريد اسألهم عن حيدر بلكي واحد منهم يعرفه ..
او بلكي يطلع مأسريه ويشتغل وياهم .. المهم يطلع عايش ..
اتباوع بوجوهم ماكو .. والمشكله مانگدر نحجي ..
ممنوع الكلام بينا . الي يفتح حلگه ينضرب والي يعاند ينقتل ..
#بقلمي_شمس
يتبع… .