It's Still You (MayWard) ||C O M P L E T E D||

MayWard 20

Unti-unting idinilat ni Maymay ang mga mata niya at puting kisame ang agad niyang nakita. Nang maimulat niya 'yon ng tuluyan ay sinimulan niyang ilibot ang paningin niya.

"May? Maymay anak?" Hinimas himas ng ina niyang si Mama Lorna ang kamay ng anak nang makita niyang gumalaw ito. "Vincent! Tawagin mo ang doctor. Gising na kamo si Maymay."

"May! Sige sige po!" Nagmamadaling lumabas si Vincent at tinawag nga ang doktor.

"Anak? Kamusta ang pakiramdam mo?"

"Nasa'n po tayo, Ma?"

"Nasa hospital tayo anak."

"Bakit po?"

Bumuntong hininga ang ina niya. "Naaksidente kayo ni Edward kanina, 'nak. Pero okay--"

Hindi na pinatapos ni Maymay ang ina niya dahil bigla siyang bumangon. Inalis niya ang nakakabit na IV tubing sa kaliwang kamay kahit pa nakaramdam ito ng hilo.

"Maymay! Huminahon ka anak." Sinubukang kumbinsihin ni Mama Ludy ang apo pero umiiling lang ito habang pilit na itinatayo ang sarili.

"Si Edward. Kailangan ko pong makita si Edward. Nasa'n siya?"

"Kumalma ka nga muna kasi May!" Lumapit si Pat sa kaibigan at inalalayan itong makatayo. "Tara! Dadalhin kita dun."

"Pero Pat, sabi ng doktor--"

"Eh Mama Lorna, kaysa naman po magwala 'tong babaeng 'to?"

Nagtinginan sina Mama Ludy at Mama Lorna t'saka sila sabay na tumango.

Hawak ni Pat ang bewang ng dalaga habang nakaakbay ito sa kanya.

"Huwag kang mag-react ng over over ha?"

Nangunot ang noo ni Maymay. "Bakit?"

"E kasi po. Gano'n ka." Binuksan ni Pat ang pinto at nandoong nakapalibot ang mga nurse at doktor.

"Anong nangyayari?" Agad na naglakad papunta ro'n si Maymay at sumingit sa mga nakatayong doktor at nurses. "Edward?"

"Kaano ano ka ng pasyente?" Pukaw ng doktor pero hindi na 'yon pinansin ni Maymay nang may nakita siyang nakahiga sa kama at nakatalukbong ng puting kumot.

"Edward? Hindi. Hindi. Dok? Hindi pa siya patay 'di ba?"

Umiling ang doktor t'saka isa isang nagsialisan ang mga nurses. "Sorry for your loss, Miss."

Kunot ang noong pinagmamasdan ni Pat ang reaksyon ni Maymay dahil maski siya ay nagtataka sa binalita ng doktor. Umiiyak na ang dalaga do'n habang nakahawak sa puting kumot.

"Edward!" Sigaw pa niya na mas lalong nagpakunot sa noo ni Pat. Makailang ulit pang isinigaw ng dalaga ang pangalan nito bago siya sinubukang itayo ng kaibigan. "Pat, si Edward. Wala na si Edward."

"Be, hindi. May mali."

Sumisinghot singhot siyang hinarap ang kaibigan. "Ano?"

"Mali 'yong kwartong napasukan natin. Sorry."

"Ano?" Si Maymay naman ang napakunot noo. "Hindi 'to si Edward?"

"May? Is that you?"

Kaagad na napatingin si Maymay sa pinto kung saan nanggaling ang boses na 'yon. Agad siyang tumakbo palabas at niyakap ang binata. Bahagya namang nanlaki ang mga mata nito pero agad ding nawala 'yon marinig niyang umiiyak ang dalaga.

"Bakit? What's wrong? I was just in your room a while ago."

"Akala ko wala ka na."

"No. I'm here, silly." Mahigpit niyang niyakap ang dalaga.