كيفكم بامبيزاتي 😢 ما كان قصدي ابعد عنكم بس صار هيك 😂😂
اول شي حبيت أقول إني بخير 💖 آسفة لأني ما حدثت من يوم طلعت من المشفى او حكيت بس كل الأحداث صارت بسرعة رهيبة و انشغلت بطريقة مفرطة.
بخصوص صحتي فينا نقول الحمدلله، ما في معي سل ولا شي، و العملية من اولها كانت خطأ طبي، الصورة الاشعاعية كانت خاطئة و ما معي كتل بهذاك العدد اصلا 😅 و كمان جرح الحنجرة كان خطأ طبي و انمسكت اسبوع في المشفى بسببه مو بسبب العملية ككل، لاني كنت ممنوعة من الاكل و الشرب فكان لازم ما يتركوني الا و انا قدرانة استعمل حنجرتي من جديد 😂
حاليا الي بده يعزمني منكم مستعدة اكل فيل وحدي لا تخجلوا او تخافوا عليا 😂😂 اعزموني
كنت ناوية احكيلكم عن احوال المشفى زمان و الثغرات الغبية لشفتها و الكوارث الموجودة في المجال الصحي بس تراجعت قلت احكيلكم اشياء كيوت احسن 💖
اول شي كيوت اني رجعت للجامعة و اني هذا العام مش بالسكن انما مستأجرة بيت خاص صغير و مكيت، لبدها تجي تقضي اجازتها ف تونس معزومة عندي هاهاهاهاها. ساكنة مع صديقتي المفضلة و الأجواء سعيدة و الحمدلله...
مع اني قضيت مع الاستقلالية ثلاث سنوات تقريبا، اسكن بعيد عالبيت وحدي و هيك بس هذه السنة كل شي غير، انه يكون عندك بيتك الخاص مختلف مليون مرة من انه تكوني ساكنة مع بنات في سكن و لو انه خاص مش حكومي..
تحسي بالحرية المطلقة، انك تساوي لبدك وقت ما بدك، تعزمي من ما بدك و انت لتقرري و تدبري امور كل شي لحالك، صح المسؤولية مش شي سهل بس كمان انك تكوني مسؤولة عن حالك في مجالك الخاص شي جدا جميل.
اضافة انه بيتي مكيت 😂 فيه غرفة وحدة كبيييييرة مقسمة جزئين، جزء ساوينا فيه اسرتنا و افرشتنا و زرابينا و خزانة ملابسنا و جزء خلينا فيه طاولات الدراسة و مكان الماكياج و مكان الأكل و ثلاجة، بعدين عنا مطبخ صغير في البيت و حمام صغير، يعني اشي صغير و كيوت و قريب من جامعتي، 10 دقائق مشي بس.
الشي الحلو الثاني بخصوص البيت المنطقة لاحنا فيها منطقة فيها كل انواع المتاجر الي تتخيلوها و السوبرماركت و هيك، كله قريب سو متعة.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
