قصة_ زحف 3
#زينب _الموسوي
كثرت ضغوطات اهلي عليه حتى اتزوج مابقى عندي عذر اگوله قررت اسوي نفسي مريضه وظليت نايمه بالفراش حتى اخلص من الاهانه والضرب بس خطيه ندى صار البيت كله عليها واطفالها وتدريسهم اتفقت وياها اشتغل الصبح كله واطبخ لحد ميرجعون اخواني هي تگوم للشغل امي كشفتنا گتلها اذا تگولين عليه مو مريضه اروح لاخواتي وماارجع اني مريضه بس لخاطر ندى متلحگ على طلباتكم بليله رجع وحيد من برا فرحان سألته امي شبيك جاوبها تذكرين الرجال الي تزوج عمتي وداد گرايبه الي بالخارج ابنهم مهدي هنا ويريد اهدم بيتهم القديم وابنيه بناء حديث ليش راح يرجعون يستقرون هنا. لا بس المره الچبيره ومرات ولدها يعجبهم يزورن العراق بس مهدي فاتح شركه هنا استيراد وتصدير يروح ويرجع سمعت هذا الحديث واول مره اعرف ذولي الناس گرايب رجل عمتي وداد عمتي ميته صار سنين الايام الي بعدها وحيد استلم الشغل واني وندى نطبخ غدى يوميه للعمال وصار مهدي حديث البيت عدنا بصراحه كنت مهتمه اعرف هذا مهدي شگد عمره متزوج لا سألت امي گالت رجال چبير بس متعرف شگد ومتزوج مرتين ومطلگ بدون اطفال بقى اشوفه حتى تكمل الصوره عندي بيوم اجى مهدي يتحاسب ويه اخواني شفته من شباك المطبخ رجال عادي بس مرتب نظيف اهم صفه عندي قدرته 39 بس سمعت من حميد ٤١عمره صح چبير بس بقيت الصفات هي المطلوبه حتى ابدي الزحف عليه واعرف ليش مطلگ مرتين باليل اخذت رقمه وتس اب من تلفون وحيد من ناموا كلهم بديت الزحف رن تلفونه جاوب كان نايم
هلو شلونك. منو انتي وحده متعرفها شبيچ بابا شنو وحده تلعبين بهالليل لا مو العب ازحف
شتدجچين انتي شنو تزحفين
يعني اريد اتعرف عليك بهالليل تريدين تتعرفين روحي عمو اقري دروسچ احسن. ماعندي دروس مبطله وليش مبطله هسه تگولين حلوه واهلي يخافون عليه. لا بطلت لان ماافتهم كسلانه وبعدين شمدريك يجوز اني حلوه. لو حلوه ماجيتي على واحد بگد ابوچ تتعرفين عليه والشباب ميعوفوچ على گولتچ يزحفون الچ. يجوز اني اريد واحد يصير ابوي ليش وين ابوچ. الله يرحمه لابوي مات صار اكثر من تلث سنوات. الله يرحمه شگد عمرچ انتي. ٣٢سنه. چذب ٢٥. هم چذب ١٩اخر كلام بعد ماانقص لو اموت انت شگد عمرك بگد عمرچ مرتين واكثر انت متزوج. اي متزوج. ليش تچذب انت ممتزوج لان دتحچي وياي براحتك لو مرتك يمك محچيت وياي يجوز اليوم عد اهلها.يجوز اني بالشغل بس انتي ذكيه راح اجاوبچ الصدگ مطلگ مرتين ومناوي اتزوج ابد اعصابك عيني هو منو گالك تزوج انتي تعرفيني لا دگيت اي رقم بس شلون تسوين هيچ تعرفين الي يجاوب شنو مجرم حرامي مدمن قاتل تصرفچ خطا عمو صيري حذره شسمچ انتي بعدين اگلك اسمي واني اعرفك واسفه لان اتصلت ليش اسفه. حسيت الي سويته خطا فعلا المفروض مااتصرف هيچ. زين راح تگولين منو انتي لو لا. لا مااگدر على راحتچ لاتضوجين انتي گلتي تردين اب واول واجبات الاب يخاف على بنته اتصلي باچر بيه هسه ساعه متاخره زين انتظرچ الله كريم...يتبع
