#قصة _زحف5
#زينب _الموسوي
ندى وامي لاحظن عليه تغيير اسرح انتبه على نفسي ابتسم بدون داعي امي سالتني ليش تسهرين بالليل وعندچ شغل الصبح يمه اني النهار كله اشتغل بالليل اسهر شيصير يعني ترى عويد فتح الموضوع من جديد وراح يعوف الطيور وقدم على الشرطه يمه فدوه اني بعدني بلا ريوگ وانتي من الصبح عويد شايفه سچة القطار هاي اذب بروحي جوى القطار وماخذ عويد ليش شبيه عويد مابيه شي بس مااريده واني مريضه مااگدر اتزوج كانت حجة المرض الي اخترعته هو الوسيله الي تخلي موضوع الزواج ينسد كل مره باليل على اساس منتصل بعضنا بس مهدي اتصل وبنفس الوقت فكرت العب باعصابه شويه مجاوبت دز رساله ها زاحفه ليش متردين اتصلت مو گلت لاتتصلين ولاتگولين زاحفه عبالي زعلتي على راحتچ گوليها بس هسه انت الزاحف مو اني انت اتصلت تدرين زاحف يعني حيوان اسفه بعد مااگولها حشاك بس هي لهجه تعودنا عليها زين ليش اتصلت ميصير مااسال عليچ مو ابوچ ها صدوگ نسيت فروحه ليش مترجعين للمدرسه ردت ارجع اهلي مقبلوا شغل البيت عليه اگعد من السته الصبح يوميه ومالحگ على الشغل. شعندچ من شغل انظف واطبخ واخبز. ويوم العجاج يصير نظل للفجر نضف معقوله بهذا عمرچ وتخبزين. والله اخبز شعبالك. يله فد يوم اريد اشوف خبزچ موگتلك بعدنا مواصلين بهل المرحله بالزحف. وشوكت نوصل ماادري يمتى تذكريني باخواتي ماادري ليش العراقيات يختلفن عن بقية نسوان العالم. بشنو نختلف خو انت خبير دولي. يمكن على نياتچ والي بگلبچن على لسانچن ومن تحبن تضحن بقيه النسوان تفكر بنفسه اولا واخيرا. اول مره اشوف عراقي يمدح العراقيات يجوز اني لان ممعاشر عراقيه بس امي واخواتي لذلك تذكريني بيهن هو حچيك صحيح بس العراقيات ماعدهن حظ ومشلوع گلبهن. لاتحچين هيچ وتصدگين انتي طفله مو لان عفتي المدرسه يعني ماعندچ حظ انشاالله حياتچ تصير احسن بس خليچ مؤمنه باالله وارادته وهسه تشوفين انشاالله يارب. اخاف انتي وراچ شغل وتريدين تنامين واني داسولف لا والله لو اريد انام اگول. زين لعد احچيلچ عن اهلي واخواتي
وظل يحچي عن اهله وحياتهم وسفرهم سمعت كل كلمه ونبره صوته كانت تدل صادق وحنين ويحب اهله بس حظ ماعده خاصة بالزواج طول الايام الي بعدها يتصل ويحچي اكثر مااني احچي وبنفس الوقت ميتاخر دقيقه هسه من اصول الزحف اشوف النتائج من رجع للبصره قفلت تلفوني يومين فتحته بعد اليومين واتصل. فروحه ليش قافله تلفونچ تتدرين فكرت تخبزين واحترگتي بيش طالبني احترگ بس كنت مريضه شويه. مريضه شبيچ رحتي دكتور لا ماكو داعي تعبت شويه وصخنت وصرت زينه. سلامتچ متستاهلين بس لو موديه رساله حتى مااقلق عليچ وانتي ميصير تبقين مجهوله لازم اعرف منو انتي...يتبع
