قصة-زحف١٣
#زينب _الموسوي
ظل مهدي يلح على التلفون جاوبته احلفلك مابيه شي ومو عندي والله عد خالتي انت تعرف هي تكرهني مو اول مره تسوي هيچ. وحچيت ويه خالتي حرام عليچ انتي رايحه للعمره تلث مرات واني مالي احد ليش هيج تسووين شمسويه بت الكلب ام الدروب جتي ازهار وقمر على صوتنا وعياطنا مهدي الشك سيطر عليه يسمعها تسب وتغلط جرني حيل من شعري ويضرب بدون وعي ويصيح على امه كافي اسكتي كرهتها من وراچ اتصلن البنات بام كرار جتي علينا وگفت وياي بعد ذاك الي صار گلت كافي من مهدي ومن اهله رحت صعدت لغرفتي واخذت اغراض بسيطه وشافني مهدي اطلع. صاح وين رايحه بهالليل اذا طلعتي اطلگچ الله يخليك طلگني امه ردت مو گتلك مرتبه امورها وصعدت فوگ خابرت وشوف منو راح يجي ياخذها. انتقلت المعركه بينها وبين ام كرار اجى عليه مهدي فوتي جوا لاابهذل احولچ واخذ الاغراض الي ابايدي عباله راح يلگه التلفون سالني صعدتي خابرتي منو وين التلفون مخابرت احد والتلفون عد امك احچي لا هسه اطلگچ. طلكني شراح اخسر شوفت امك لو الاهانه لو شكك بيه. روحي فرح انتي طالگ. لا اني ولاهو گدرنا نصدگ الصار. مهدي اتحمل هواي ام كرار سدت حلكه ليگولها مره ثانيه واني مااعرف شسوي طلعت من البيت اخذتني ام كرار لبيتها ابچي وروحي مطايقتها. وممصدگه على تلفون امه هجمت بيتي اجاني مهدي ورا ساعه ياخذني مقبلت مفهم ام كرار طلاگ رجعي ورجعتها لاتتخبل ترى اسويها صدوگ ام كرار ظلت تحچي وياه خليها عندي اليوم انت ضربتها وهنتها وتعرف امي وسوالفها وتگلها تحملي بعد متتحمل مهدي ترى مرتك طفله ميصير هيچ تلفون تگلك مااعرف وين لو بيه شي تمسحه وتنطيه الك. الشك كتلني وهي ترادد وصح امي تكرهها بس ماتوصل تتهمها تخوني. انت تعرف مرتك تخون. ماادري خبلني اثنينهن الى متى والله مااتهنيت يوم امي تتعارك وهي تبچي وتشكي شسوي مااگدر اعوف امي مره چبيره وماعدها غيري مهدي انت طلكت مرتين عمرك راح وماقصرت ويه امي بس فكر بحياتك وفرح ماعدها احد وحامل خليها عندي يومين ترتاح. شفتيها متاذيه من الضرب اذا متأذيه اخذها للدكتور. مهدي اذا هيچ تحبها ليش عفتها كل هاي الفتره تواجه امي لوحدها البنيه ملت وتعرف امي زين حتى ويه النسابه شاده. كنت اسمع حديثهم كله ثاني يوم سألتها شلون رجعني ماافتهم شرحتلي طلاگ رجعي يصير يرجعچ يمتى ميريد. بس اني مااريد ارجع بعد فرح لاتتخبلين انتي هم غلطانه طلعتي ماگلتيله. گلت لخالتي. زوجچ المفروض يعرف وترى الي سواه مهدي علمودچ ممسويه وي وحده قبل يطلعچ علمچ سياقه اخواتي ممصدگات الي ديصير. فدوه ام كرار خليني عندچ مااريد ارجع ماكو فايده هم يطلكني. لچ خطيه محتار بينچ وبين امي هو اتصل الصبح يريدچ. اريد اروح للدكتوره كنت بنهاية شهر الرابع ودتني عرفت عندي ولد عرفت مهدي راح يجي ياخذني هنا فكرت ويه نفسي مهدي على شك بسيط طلگني واني هنا ماعندي احد وامه متخاف الله ومتحبني خليت شروط لرجعتي
اريد ادرس لغه عندي منا لولادتي خمس اشهر وبيت لوحدي قريب من بيت امك حتى متگول مااگدر اعوفها والبيت باسمي واسوق واطلع واشتري الي اريده اني مو انتم وخالتي تحلف على التلفون واني احلف همين لو تطلگني والقانون وياي تصرف عليه وعلى ابنك وتوفر سكن شفت افلام وتعلمت القانون. بعد فد مره متريدين الشركه باسمچ واني اگعد بالبيت وانتي اشتغلي الشركه مو هسه من يصير عندي ولد ماارجع للاهانه والضرب واتوسل حتى احد يوديني اشوف شارع لو حديقه وليل ونهار بت الفگر حيوانه شوفي فرح اني جاي اخذچ لان مالچ احد هنا واعرف انتي الي غلطتي ومااعتبرتيني وطلعتي وخليتين اشك بيچ تريدين ترجعين اهلا وسهلا شروطچ هاي مااعتبرها ولا حتى افكر بيها متريدين خليچ هنا
طلع مهدي واني مارجعت مر اسبوع بديت اروح للدراسه لغه بسيطه واطلع اسوق ويه ام كرار ومن كان مهدي يجي على اخته يحچي عليه وعليها تگله خليها مهدي شويه وتحن الك وترجع ميصير بس حچايتك الي تمشي مرت اسبوعين اجى عليه رجعي فرح كافي انتي مرتي عيب گاعده عد نسيبنا وتطلعين وتطبين على عنادي اعتبار مالي عندچ وام كرار هم ظلت تحجي عليه وبصراحه اني احب مهدي ومن اشوفه محتار بيني وبين امه انقهر عليه اكثر من نفسي لان اني اگدر اكره امه بس هو ماله حق يكرهها رجعت وياه بس بشرط ابقى ادرس واسوق ويغرفتنا گتله شرط مگدرت اگوله گدام ام كرار بعد متلمسني لحد مااطلع بيت لوحدي خلاني ادرس وهو يوديني وام كرار تجيبني واخذت اجازة السوق بس مخلاني اسوق المهم اللغه واجازة السوق اهم شي بامريكا تجاهلت امه ابقى بغرفتي معليه بيها بس المصاريف زادت على مهدي بيت بالعراق يبني ومصاريف بيته رجعت اطبخ وامه نفس الشي گامت تصيحلي ام تلفون خاله التلفون عندچ. وبغرفتچ. واني حلفت لمهدي وصدگني وكل الي سويتيه رجعني وخلاني ادرس وعدني من اجيب يشتريلي سياره واگدر اخذه بيت لوحدي بس اخاف الله وانتي بت شوارع منين تعرفين الله. انتي ميعيش وياچ الا بت شوارع ظلي على طبعچ لحد متخسرين ابنچ اصلا الي دتسويه ديفيدني ميضرني تشوفينه ورى كل مشكله يسويلي الي اريده براحتچ ابقي خو تصافي وياي وحافظي على ابنچ. بعدها باسبوع حسيت ام مهدي تغيرت وشفتها تخيط جهاز طفل واختارت اسم منتظر للطفل...يتبع
