#قصة_ زحف٧
#زينب_ الموسوي
اقترب موعد سفره وظلينا نسولف اليل كله هو طيارته ٣الفجر وعدني اول ميوصل يتصل بيه يوم الي سافر حسيت شي بداخلي سافر وياه صح علاقتنا مابيها غراميات وحب بس نسولف عن كلشي حتى السياسه والاغاني طبعا هو يسمع مطربين اني حتى مسامعه باساميهم وهو هم المطربين الي اسمعهم مسامع بيهم فهمني يومين يله يوصل وظليت بين الخوف واللهفه لحد مااتصل الصبح مگدرت ارد لان امي وندى يسالني كتبتله حمدالله على السلامه حياتي وحشه بدونك وراها ظل يتصل الفجر عدنا بداية اليل عدهم بليله گال فد شي كنت احلم يگوله فروحه اريد اگول شي وخايف اتندم عليه. شنو راح تنتحر خايف اتزوج مره ثالثه ونفس النتيجه. شنو تتزوج منو يعني منو داحچي عنچ انتي الفرق كبير بينا واني عصبي متتحمليني يومين وبصراحه امي متنجرع واني مااعوفها مستحيل وعندي اخواتي بالبيت حاچيلچ عنهن وبنفس الوقت رايدچ. مهدي فرق العمر مو مهم وبصراحه اني رايده هذا الفرق ليش رايدته. لان من وفاة ابوي افتقدته واخواني ماگدروا يسدون مكانه بحياتي بس ميصير تتزوجين واحد معتبرته ابوچ. ليش لا يصير ابوي وصديقي وزوجي وانت تگول امك مااتحملها. امي نفس الشي وندى متحمله وصابره اني مو طفله مدللة وراح متتحمل عمتها وتگمز وتعوف رجلها متربيه على الصبر واتحمل. واني هم عصبي ومرات اتخبل. بس صار كم شهر سوا مشفتك عصبي ومتجاوزت
اني عصبيتي مواسم هيچ من لاشي بحيث مااشوف الي گدامي وراها چ بساعات اتندم. لعد من هاي النسوان هجت منك عرفنا السبب بس اني ماهج اتحمل هاي المواسم واخذ حيفي من تجي تعتذر اگلك ترى صار ساعه اقنعك بيك درينا زحف بس مو هيچ. عمي اني ازحفلچ ولعشيرتچ همين وسالفة ابن عمچ شلون. اخواني يتفاهمون وياه يبنوله برج حمام طابقين يعوفني ياالله شگد دمچ خفيف ومحبوبه والله الي ميحب عراقيه بعمره ماحب. يعني انت تحبني. اكيد احبچ. دگول صار ساعه تلف ودور بنهاية المكالمه گلي احچي ويه اهلچ بس اني مااگدر اگول لان راح ادخل تحقيق بس حچيت ويه ندى اعرفها حبابه وقريبه مني وعمرها ماوصلت حچايه لرجلها گالت فرح موشويه چبير بالعمر. ادري چبير هواي مو شويه بس ندى تشوفين حياتي وضعي بالبيت فد يوم واحد من اخواني شفتيه سأل عليه شنو محتاجه حتى امي تاخذ تقاعد ابوي تسوي سلف حتى تزوج حميد فد يوم شفتيهم صاحوا اسمي كل ولچ وخايبه والي يتقدمولي شفتيهم عويد وعلي المكبسل واني شهاده ماعندي والكل يريد موظفات وحتى مااطلع حتى الناس تشوفني ومهدي عرفته حباب ويحترم ويخاف الله وكل قسمه لازم بيها شي ناقص چبير بالعمر خليه حتى يدللني ويخاف عليه فرح لاتفكرين بس بالفلوس ترى متفيدچ اذا طلع مو خوش رجال لو اهله مو خوش. ندى ترى اكو فگور هواي وهم مو خوش ناس واني. تعرفيني ماافكر بالفلوس طول عمري قنوعه وصابره بس على الاقل اطلع ازور اسافر ولچ والله راح اختنگ. المشي بالشارع نسيته مااعرف امشي وسالفة طلاگه مرتين اخاف هذا عنده. الطلاگ سهل. هو هذا المخوفني صح هو حچالي بس محد يگول الخطا من عندي. وحسبي حساب يتمرض وانتي بعدچ شابه. ندى هاي شغله عاديه تشوفين الالاف من العراقيات تتزوج منا انفجار صار معوق لو يستشهد وتظل بالضيم قابل اني رابيه بهولندا ومشايفه هاي المصايب. گولي انتي قافله عليه وخلصينا. ندى لو عندي خيار افضل ماترددت عفيه خليچ وياي ولاتلوميني والله الرجال حباب ويصلي ويصوم والنبي محمد عليه الصلاة والسلام تزوج صغيرات بالعمر. هذا نبي مو انسان عادي وزوجاته مو نساء عاديات هذا هو گايلچ هيچ. لا والله اني قاريتها وانشالله يطلع ابن اوادم ويفتهم واهم شي يطلعني مااريد ابقى بالبيت الحيطان احسها يوميه تضييق عليه...يتبع
