#قصة_ زحف٦
زينب _المو سوي
تريد تعرف اني منو بيت اهلك الي دتبنيه منو لازمه خلفى. واحد من اقربائنا اسمه وحيد. اني اخته
وانتي تشبيه لوحيد اذا تشبيه حتى انتحر لا اني اشبه امي حلوه لاتخاف خلي اشوفچ باچر اجي لبيتكم واشوفچ. متگدر تشوفني انت شايف بيتنا واخواني من نوع ميقبلون احد يشوفنا ابات يمكم مااطلع الى ان اشوفچ. ثاني يوم اجى لبيتنا اتعمدت ابد مااطلع خليه يجي مره ومرتين يله يشوفني ظل ساعه ونص يم اخواني بس الباب مسدود مستحيل يگدر يشوفني بقى اسبوع يوميه يجي لاخواني وميشوفني اتصل وتالي هو سجن اني مو گرايبكم غير تجيين تسلمين عليه. اهلي ماعدهم هيچ زين اطلعي لمكان انتي وامچ. هم محد يخليني اطلع حتى دكتور من اتمرض مااروح وشنو الحل مااسافر اذا ماشوفچ. ليش راح تسافر شوكت. فد اسبوع بس ارجع لاعفيه لاتروح بعد ويامن اسولف ابقى اتصل بيچ اني هم تعودت عليچ. لااكيد راح تنساني. مستحيل اكو واحد ينسى فروحه اول مااوصل اتصل بيچ بس خلي اشوفچ. هو كلش صعب بس باچر احاول افهم امي مريضه توديني لدكتوره واذا قبلت ارجعلك خبر
گعدت من الصبح اصرخ بطني راسي الحگوني ومتغديت گتلها يمه وديني دكتور يمكن بيه كوليرا. كانت طالعه اشاعات بوكتها كوليرا بالبصره اخواني خافوا على جهالهم وعلى نفسهم حميد گال اني اخذها العصر وامي هم راحت وياي انطيته لمهدي خبر. والشارع معروف شافني عبر الشارع واجى علينا سلم على حميد وامي ظل يجر بالحچي حتى يباوع زين وگال اني اوصلكم للبيت ولح لحد موصلنا. امي على العشى گالت مهدي مانزل عينه من عليچ. ادري يمه شفته هاي الرياجيل الي الوحده تتمنى تاخذهم وتخلف منهم شفتي القميص ينگط نظافه والعطر والنزاكه مو حظي عويد من يوم الي فاز العراق بكاس اسيا لابس تراكسوت المنتخب العراقي وحالف مينزعه الا ياخذون كاس العالم ولچ ندى لو تشوفيه اناقه وترتيب والوجه رجوله مو حضي علاوي المكبسل انتم مو تگولون رجال شايب. ولچ محد شايب غير رجلچ هذا ابن خير وتربية دلال لاتقهريني اني ناقصه قهر ولچ فرح ماتاخذيه. على اساس هسه هو جاي واني مااقبل اخذه باليل اتصل بيه هو لچ فروحه صدوگ حلوه الحمد لله عجبتك اني شنو انتي تعجبين السلطان من هاي ميخلوچ تطلعين عاد مو لاهاي الدرجه اهلي طبعهم ميحبون وحده تطلع حتى زوجة اخوي حدها لبيت اهلها بنفس الشارع زين انتي اكيد الناس تخطبچ ليش ممتزوجه ابن عمي رايدني بس اني مااريده لذلك ممتزوجه. وهذا ابن عمچ ماعنده احساس اذا انتي متريديه ليش مچلب بس حقه اني لو عندي بت عم مثلچ هم الزگ الها. انت متسويها وحتى الجمال ميهمك لان امريكا مليانه حلوات وجربت اخذت وحده منهن وعرفت الجمال مو كلشي والله تفتهمين شنو فايدة جمالهن وهن بلاشرف ودين بس مرات الانسان بشبابه يتصرف غلط ويندم على الي سواه شبابه شنو انت بعدك شباب وامي تگول عليك حلو ومرتب. المهم انتي شتگولين اني لو ماعاجبني مازحفتلك. ابقى مچلبه بهاي الحچايه...يتبع
