#قصه_ زحف ١٤
#النهاااية
#زينب _الموسوي
بديت اتقرب من ام مهدي واحچي وياها من اشوفها گاعده اگعد يمها واسألها على الولاده وهي تحچيلي عن كل ولاده مرت بيها وهمين مرات
اخلص وقتي بالدراسه وشغل البيت. ومر شهرين واني ومهدي منام سوا اشترالي تلفون احنا انام بغرفه وحده بس مو على نفس السرير. بالليل دگ تلفوني.مهدي جاوبته شرايد بنص الليل. شبيچ دازحف. لاعيني روح ازحف على غيري تندمت زحفي الاول. ليش كل مره تگولين تندمت والله احلى شي چان. طبعا احلى شي عندك حصلت بنيه حلوه وزغيره ومتحملتك ومتحمله امك وراح اتجيبلك ولد. وانتي حصلتي رجال يحبچ وكل الي تريديه يسويه ايه وطلگني علمود تلفون. ولچ والله روحي طلعت من گلتها تدرين شگد احبچ. اذا تحبني طلعني بيت لتكتبه باسمي ايجار ميخالف. فروحه صعبه والله يطلعها بجهالنا بس تدري اني احسها متغيره عليه وصار فتره متغلط عليه. مو گتلچ من تشوفچ حبابه تحبچ. مهدي اخر مره گالت اني اروح وياچ بساعة الولاده فروحه اذا هيچي على شنو مقاطعتني تعالي نتفاهم لاعيني مااجي. زين اني اجي خلي نتفق على اسم ابنا شنو رائيچ نسميه زحف. لااحسن نسميه ساعة السوده لاحظت عمتي بعد متكول بت الفكر وبطلت تگولها ظلت تنتقد شكلي لبسي طبخي هذا اتحمله لان كل العمات هيچ. قبل ولادتي بفتره خالتي تمرضت ونامت بالفراش من فقراتها عفت غرفتي وظليت اداريها وحتى بناتها ماخليت وحده تتقربلها واطبخ الي تريده الى انزصارت زينه افتهمت بداخلها اني مو شريره وجايه اخذ ابنها صار وقت ولادتي وانولد احلى طفل منتظر كانت خالتي اول وحده تحظنه وتشيله بين اديها وتسمي وتكبر باذنه وبعدين ابوه كانت ولادة منتظر سبب قربني منها ولتهت بيه وبتربيته رجعت لاحساس الامومه الي كانت خايفه تفقده بزواج ابنها وصارت كل حياتها مكرستها لهذا الطفل ترعاه وتهتم بيه وتسهر وياه واسمعها انت وابوك تشيلون النعش وتدخلوني الحفره وارد عليها عمرچ طويل خاله انشالله تشيلين ابنه من چنت اشوف قلقها وخوفها على ابني من يتمرض ومن يسنن سامحتها على كل الي سوته واعتذرت منها لان بيوم من الايام حاولت اخلي ابنها يتركها. وعذرت مهدي على تمسكه بامه اني هم اريد ابني يتمسك بيه. اني كنت طفله ردت الحياة بس اليه ويمكن مرات كنت ابالغ بردة فعلي امام مهدي يمكن كنت محتاجه عطف وحنان ولنفس السبب دفعني ابدي علاقه خطره مع شخص غريب مااعرفه يعني ازحف كنت محتاجه حنان ومفتقده الابوه وكنت محظوظه لان مهدي كان انسان خلوق ويخاف الله ومستغلني بصور وتهديد واشياء مبتذله لذلك كتبت قصتي اني مكنت بنيه منحله ولا من عائله منحطه بس ردت اغير حياتي لحياة احسن بعد مافشلت بالدراسه وحكمت على نفسي ابقى انتظر رجال يغير حياتي للاحسن وهذا اكبر خطا ترتكبه اي بنيه بحق نفسها صار تلث سنوات متزوجه من مهدي وعندي اطفال اثنين منتظر ودعاء. اعيش ويه امه واخواته تعودت عليهم وتعودوا عليه واولادي اعز شي بالوجود عند خالتي وحمواتي كملت كورسات. لغه طبعا لفضل لخالتي لان هي الي ساعدتني بالاطفال ومتركت الدراسه ومهدي رجال فاهم وعاقل وبعده يگلي فروحه كل يوم. الله يحفظكم جميعا
