قصة_زحف١١
#زينب _الموسوي
حياتي بامريكا كانت سجن لاطلعه عدهم ولا وحده تسوق من اخواته بس امه واخواته المتزوجات ابسط حاجه تحتاجيه امه لازم توافق لان هي تسوق مهدي بالشغل يرجع ساعه سته مصاريف البيت واخواته كلها عليه اخوانه حتى ميسالون اني اطبخ وانظف بيت شگده شكبره اخواته ماخذات طبع امه وحده عمرها ٢٠وحده ٣٢سنه ازهار وقمر اي شي البسه يقلدن ويضحكن مع ان كل الي البسه اختيار امهن وهذا طبع بيهن حتى الي يطلعن بالتلفزيون هم يقلدن عليهن مكبوتات. ومن التكبر الي بيهن الناس متخطبهن وخالتي حچاية بت الفگر سوتها النشيد الوطني بالبيت اصلا نسيت اسمي اخته علياء ام كرار هي الكبيره كانت جيرانه الوحيده الي كانت تگدر على امها ومن تجي توگفهن عد حدهن چنت اشوف الشوارع بس من الشباك وبالتلفزيون اعرف اني عايشه بامريكا لااهل لاصديقات تمر ايام محد حاچي وياي انتظر مهدي اذا مو تعبان يحچي وياي ساعة السوده الي زحفت بيها على مهدي حاولت وياه يخليني اطلع لو يوم بالاسبوع جاوبني. اذا شفتي اخواتي طلعن اطلعي هذا طبعنا مدارس ماكملن هاي امريكا حياتها فساد وفتنه منريد حچايه تجينه تالي وكت. بس مهدي الي متربيه وتخاف الله تعرف تحافظ على نفسه واخواتك ماشاءالله صلاه وقران وحجاب. بس الناس الي بالشوارع محد ضامنهم فروحه گتلچ هاي حياتنا ناقصچ شي محتاجه شي اجيبه الچ بس مال تطلعين تفترين بالمولات والشوارع وسياقه ماعندي ابد مستحيل مهدي الي تسووه غلط والله والكبت يدفع البنات للغلط. شحدچ اكسر راسچ غير تغلط وخليها عايشه. مداگول هسه راح اغلط اني غلطت من زمان الحبسه بيت اهلي خلتني اتصل بيك بيوم من الايام هسه صارت غلطه صدوگ غلطه من خليت زعطوطه مثلچ تصير مرتي. اي والله غلطه شجابني عليكم تكبر واحترام ماكو سجن نص يومك برى تجي متدري شصار بيه طول اليوم تدري اسمي بالبيت صار بت الفگر اسال ام كرار كم مره سمعتها من امك واخواتك وانت الي متندم يمعود انتم محد تتحملكم اسبوع. نهاية هذا النقاش مهدي ضربني لان مگدر يرد عليه يعني بدلت البهذله والضرب عد اهلي بناس غربه يبهذلوني ورجال يضربني حبست نفسي بغرفتي لاانزل اطبخ ولاانظف ظلوا يجيبون اكل من برا وماانتظر مهدي يرجع يلگاني نايمه مرت تلث اسابيع عرفت يريد يسافر لبوسطن شغله هناك اني ماافتهم بشغله ولااسال راد يصالحني گتله اخذني وياك اصالحك رايح ويه جماعه بالشغل من ارجع اخذ سفره للشلالات. زين لعد من ترجع نتصالح ميصير هيچ صار تلث اسابيع زعلانه. محد گالك اضربني. فروحه انتي يوميه تحسسيني ندمانه على زواجنا اني گتلچ كلشي قبل الزواج وانتي وافقتي اتحملي امي هسه تجوز من تصرفاتها من تشوفچ حبابه ومتحمله واخواتي مباقيات طول العمر هم يتزوجن. وانت شنو چارتك ليش اني مأذيچ بشي ضربتني نسيت. اول واخر مره وانتي تعرفين اني عصبي. زين اني اتحمل ميخالف بس طلعوني حتى يوم بالاسبوع ساعه وحده والله اني اتزوجت علمود الطلعه. اوكي اتفقنا كل سبت نطلع. وارجع گول فروحه من قبل. فروحه عمري وحياتي انتي سافر لبوسطن ١١يوم يوم الي عرفنا راح يرجع قبل ليوصل بساعه خالتي ظلت تصرخ من الالم الحگولي اتصلت بيه اخته قمر گالتله امي حتموت اول موصل اخذها للطواري من سبعه المغرب لحد ١١باليل رجعت حتى حبايه ممنطيها مهدي وجه من العصبيه يريد ينفجر محچى ويانا صعد لغرفته خالتي گالت باتي يمي اخاف اموت باليل ومحد يمي ماريد بناتي يشوفني واني اموت افتهمت الفلم بس مااگدر اسوي شي خلي يشوف سوالف امه وتفكيرها دخلت وياها للغرفه نمت بصفها...يتبع
