#قصة_ زحف ٩
#زينب _الموسوي
مرت الايام الثلاثه الاولى خالتي تغلط ومهدي يصالح تاكدت سبب طلاگ زوجاته اثنينهن امه هاي التلث ايام مهدي كان يريدني يمه بس امه تريدني اطبخ وكل شويه متذكره اكله وگالت سويها مهدي گلها خلي نجيب اكل من برى مقبلت بالغرفه فهمني اذا گالتچ على اكله گولي مااعرف. گتلها مااعرف گالت افتحي گوگل وتعلمي بناتي هيچ يسوي. امي گالت گوگل والله امي متطوره واني ماادري للعصر خلصت شغل المطبخ ردت اروح لغرفتي دخلت عليه خالتي رايحه لغرفتچ شويه خلي عندچ خجل صوتچ تضحكين وتسولفين للفجر البارحه متستحين حيوانه انتي اليل كله تضحكين على ابني احبك وفدوه لعينك شنو خجل خاله الشقه زغيره ومهدي رجلي واني مو حيوانه تردين عليه چماله ولچ احنا بشبابنا نخلف من الرجال وهو ضحكتنا مسامعها ماادري هذا مهدي شبيه وين لگاچ بت فگر حتى ممصدگه متزوجه عمى. متحملت دخلت على مهدي گتله وصلني لاهلي الله يخليك لاهسه احرگ نفسي گتلي امي وتحمليها وگلت ميخالف اطبخي وسوي وتاكل وتگول متعرفين تطبخين سكتت بس الي سمعته هسه بعد مااگدر اتحمله لو تصير نبي شبيچ فروحه شصاير البچي خنگني هو راح على امه ماادري شنو صار بينهم رجع عليه كنت گاعده مااگدر اتحرك اريد ارجع تلث ايام الي راحن والغي هذا الزواج ميخالف فروحه اخر مره بعد متكول احسبيها عليه. هو شنو الي احسبه عليك عرفت شگالت بت الفگر وحيوانه وحتى تسمع حچينا مهدي حتى بعد مااگدر اباوع بوجهها حتى لو گالت الفقر مو عيب وانتي بت اصول واهلچ تعبانين عليچ المفروض تتحمليها شتحمل مهدي امك مو طبيعيه والله انت تسمعها كل يوم واتحمل واسكت خليني اروح لاهلي بين متسافر امك ارجع. يصير فروحه تعوفيني اني شنو ذنبي. واني شنو ذنبي تگلي حيوانه. لخاطري مشيها وتجاوزي هسه تتعودين عليها وهي هم تتعود عليج مو تريدين نطلع گومي نطلع. كنت انقهر على مهدي اكثر ماانقهر على نفسي رجال عمره ٤١سنه زوجتين عافنه من ورا امه وبدون اطفال واخوانه الاصغر منه اطفالهم بالاعداديه يعتذر على اشياء ممسويها وادري ليش خايف من طلاگ ثالث صح اني ممكمله دراسه بس وصلت النتيجه امه تريد توصلني لحالة اليأس حتى اطلب الطلاك وامه مراح تسمح لاي وحده تتقرب عليه لان تخاف عليه يعوفها مثل اخوانه افتهمت اللعبه ومراح اخلي مهدي بيني وبين امه لان اني الي اخسر بالاخير طلعنه اني وياه وظلينا نفتربالسياره ودخلنا مطعم هناك گال فروحه ليش متلبسين نقاب
شلون البس نقاب مو راح اسافر لامريكا حتى بامريكا اليمنيات كلهن لابسات نقاب بس انتي بامريكا لاتلبسيه هناك محد يباوع بس هنا البسي لان ماتحمل اني وياچ واحد يباوعلچ. لاعفيه مهدي مااحبه وماشوف بيه معناها متحبيني وشنو علاقه الحب بالنقاب لوتحبيني تسمعين كلامي ترى مااخليچ تطلعين اذا متلبسين نقاب
رجعنا للبيت هو ضايج ميحچي وياي وامه متحچي وياي گتله وديني لاهلي اذا انت متحچي وياي وخالتي متحچي وياي شعندي باقيه. جاوبني. اذا رحتي لاهلچ بعد لترجعين بعد احسن اني شورطني بهذا الزواج لو ماخذه ابن عمي احسن اكو وحده گدام رجلها تگول لو ماخذه ابن عمي احسن فكري بالگلتيه واذا ندمانه باچر اوديچ لاهلچ واخلي ابن عمچ ياخذچ.
مرات الحق وياك بس كلمه تخليه عليك اذا اتنازل هسه واصالحه راح يفرض النقاب عليه واذا اخليه زعلان امه مراح تسمع صوت ضحكنا وتشمت بيه وتتصور ابنها خاف منها وسمع كلامها بدلت ملابسي وگعدت على السرير ابچي. شبيچ تبچين اذا على ابن عمچ هسه اخابره
لو اريد ابن عمي اخذته اول ماخطبني. انتي گلتي لو ماخذته احسن. انت گتلي اطلعي بعد لترجعين شسويلچ كل شويه وديني لاهلي حتى الناس هم متصدگ عروس وثالث يوم تزعل مو گلتي اتحمل واسمع كلامك وينه حچيچ البسي النقاب حتى اوديچ للزياره اني ارتاح من الناس متباوعلچ فروحه الي يزرع ورده يخاف احد يلمسه ويشمه شلون الي عنده زوجه يحبها ويموت عليها زين اذا البس النقاب تطلعني يوميه. اطلعچ يوميه وين متريدين هو اني اندل حتى وين مااريد شوكت نروح للزياره يومين ونروح بس تعاي نگعد يم امي شويه ونگلها تروح ويانا للزياره گلت بگلبي يافرحه ماتمت حچى لامه وعرفت راح البس نقاب رحنا للزياره ورجعنا اهلي عزمونا وصاني كلشي لتحجين لاهلچ هاي اسرار بيوت متطلع الايام الي بعدها مهدي رجع لشغله ويجي للبيت بالاربعه اخلص الوقت تنفيذ اوامر امه وتغلط وتتجاوز ومرات تطلع للسوگ لو لگرايبها بس للانصاف كل مترجع تجيبلي شي وياها وذوقه حلو ونازك يمكن كانت تريد تكسب ابنها يمكن تتندم على الي تگوله ومرات كانت تگلي انتي نظيفه تفيديني هناك بناتي بس اكل ونوم حچايتها كانت مثل الوسام الي لان كنت اتمنى ترضى عني وتخليني اعيش ويه مهدي بسلام لان والله مابيه حيل طلاگ اعرف اهلي ميتحملوني ومهدي هم خطيه متعلق بيه فد يوم طالعين اني ومهدي وامه گاعدين بمطعم طول مااحنا گاعدين هي تقلد وتنتقد اي واحد اي شي مابطلت تحچي بعدين ندارت على مهدي انت شبيك ممصدگ هاي يوميه مجرجرتك لمطعم شبيها متعرف تسوي اكل تجي تعبان وركضت اخذت ست فرح وعلى المطعم بيت اهلها چانت تاكل مطاعم. يمه ميخالف هي عروس واني مااريدها تطبخ هو الخراب منك علمها هيچ وشوف تاليها شنو ولك مهدي هي چانت تطبخ للعمال مالتك هسه صارت تاكل بالمطاعم حسره عليها الدشداشه هسه تتأمر عليك وانت مكيف تركتهم وطلعت على السياره ماادري انهزم ابقى منتظره يجون حتى بيت اهلي مااندله واخذ تكسي كرهت نفسي ومهدي والزواج الي ركضت وراه اجوي على السياره مهدي صاير نار وامه صوته فضحنا گعدوا. هي الي تحچي واحنا ساكتين شگلنا عيني ابني حچيت وياه خو مو من وراچ امه وجاي انصحه انتي بعدچ زغيره متفتهمين بس هو ميصير يمشي ورا حچيچ. مهدي وديني لاهلي كافي فدوه كافي فروحه هسه نوصل للبيت ونتفاهم. مااروح وياكم اذا متوديني هسه افتح باب السياره واذب نفسي. ولك تهدد بيك وديها خلي اهلها يفيدوها صاح بينا اثنينه كافي اثنينچن اسكتن خبلتني تريدين اهلچ هسه اوديچ ويمه اسكتي كافي خلص راح اطلگه مترهم. اثنينچن مترحمن وصلنا لباب اهلي امه چانت بس تريد تذبني عدهم مهدي نسى امه لزم وجهي باثنين اديه فروحه باوعيني هذا بيت اهلچ اذا تريدين تروحين بس راح تكبر المشكله تعالي وياي هسه وباچر اوديچ لاهلچ ارتاحي يمهم منين ترتاح اشو النهار كله گاعده يله انزلي وفضيها اريد الحگ على الصلاه فروحه وفروحه خابصنا. نزلت ودگت الباب هي صوتها بنص بيتنا نزلنا اني ومهدي فهمتهم اني السبب وكل اكل مطاعم مهدي راد يفهمهم اخواني ماقصروا هانوني گدامها ويعتذرون لمهدي ويريد يضربوني كرامه مابقت عندي اذا تشوف اهلي اصلا ممصدگين نهاية الهوسه مخلوني عدهم رجعت بالسياره مهدي كل شويه يعتذر ومن تحچي امه يرد عليها يمه اسكتي اني ومرتي موضوع مو يمچ اني اريد ادللها شنو الضارچ من وصلنا دخلت لغرفتي اتصلت بندى حتى تفهم اخواني وامي الي صار وگتلها اذا ميصدگون اتصلوا بمهدي اليل كله مهدي يعتذر بس شنو الفايده امه شافت اهلي بعينها ميريدوني ومهدي بين نارين هاي امه شيسوي يعني يضربها يطردها
والله حرام عليچ هاي العيون الحلوه تخربيها بالبچي كافي هي امي طبعها هيچ مشفتيها حتى وي الناس تقلد طبعها والله معليچ بيها المهم اني ليش تريدين تحرميني منچ قصرت بشي وياچ هسه كم يوم وتسافر امي ونبقى لوحدنا الاحد الجاي عندي شغله بغداد واخذچ وياي لوحدنا ونظل اسبوع بس كافي. لاتعاقبيني اني
مهدي مكان بيه عيب وممقصر بس امه لذلك فكرت من ذاك اليوم احرگ گلبها واخليها تعرف نهاية حربها الي تخسر ابنها ظل مهدي يتوسل گتله اني من اضوج تدري شسوي شتسوين گولي واني اجيبه الچ افتح اليوتوب بتلفونك راح ارگص الك بعد شتريد. امي تسمع. خلي تسمع قابل احنا مخطوبين شوف هاي اغنية محمد السالم الله وياك بيها وحده ام الاحمر ترگص اني ارگص احلى منها لاتباوع عليها باوعني هو اني راح انحرف من وراچ ليش عيني الامريكيات مخلوك تنحرف بس ها انحرف عليه مو على غيري رغم كنت مقهوره من الي صار بس ردت اقهرها وظليت اضحك بصوت عالي وعرف مهدي قصدي وماشاني بعدها بيومين اخذني لبغداد مبقى مكان موداني وكل الي اريده يشتريه وزرنا هناك واتصلت باخواتي الكبار وداني يمهن من رجعنا البصره امه كانت محظره مفاجأه النه...يتبع
