في هذه الليلة المظلمة , يسود الفيلا الهدوء المعتاد , وفجأة صوت صرخة صحت الكل وانوار الفيلا ولعت , لارا جالها طلق الولادة وجوزها مسافر محدش جمبها غير اخوها الكبير جونج اللي ساكن معاهم في الفيلا بس قاعد ف اوضة في الدور الارضي ,
الدكتور وصل واما شاف حالة لارا قال انها لازم تتنقل المستشفى عشان الولادة هتبقا قيصري ,
اتنقلت فورا للمستشفى ودخلت اوضة العمليات وبعد ساعتين لارا فاقت وطلبت تشوف ابنها , الممرضة راحت تجيبلها (( التوأم )) من الحضانة
واما وصلت اكتشفت ان فيه ولد منهم مش موجود ,
*فلاش باك من 20 دقيقة* بعد ما الممرضة حطت التوأم في الحضانة , دخل شخص كان بيراقب الموقف , بص حواليه بخوف لقا كل الموظفين في حالة انشغال بأعمالهم , الفرصة كانت متاحة قدامه وخاصة انه احد عمال المستشفى ومحدش كان مستغرب وجوده , اخد واحد من التوأمين وخباه ف شنطة عاملة زي شنطة السفر كان مجهزها وعامل فيها اخرام عشان العيل يعرف يتنفس , ف ثواني كان برة المستشفى , لا من شاف ولا من دري ~ (نهاية الفلاش باك)
الممرضة اما اكتشفت اختفاء واحد من التوأم كانت مذعورة بمعنى الكلمة وكان واقفلها على باب الحضانة جونج (اخو لارا الكبير) ,
جونج تعابير الصدمة على وشه : يعني ايه واحد منهم مش موجود - انا هوديكو ف داهية ×_× ,
الممرضة بتعيط واديها بتترعش : معرفش حصل ازاي ارجوك متأذنيش لو كنت انا المسئولة عن ضياعه ايه اللي يخليني اتصدم زيك؟ ,
جونج هيتجنن وبيفكر هيعمل ايه مع اخته وفجأة قال للمرضة : انتي قولتي لامهم انهم توأم؟؟ ,
الممرضة هزت راسها وهي بتعيط (لأ) ,
جونج افتكر انه جوز لارا بالرغم انه من اغنى رجال البلد الا انه كان ممانع موضوع الصونار, يعني باختصار لارا متعرفش هي كانت حامل ف ايه , كمان حالتها الصحية متسمحش بأي صدمات , عشان عندها مشاكل ف القلب وكانو حاسين انها ممكن تموت اثناء الولادة بس عدت على خير ,
جونج بتوتر : اسمعي اياكي تجيبي سيرة للأم انهم كانو توأم - انتي فاهمة؟ لو عرفت ممكن يحصلها حاجة - انتي هتقوليلها انها جابت ولد واحد ,
الممرضة وهي بتترعش : طب ازاي؟ والدكتور اللي عملها العملية؟ ,
جونج بعصبية : اسمعي الكلام وانا هتصرف مع الدكتور - لو طلعت كلمة من اللي حصل ده برة هوديكي ف داهية انتي والدكتور والمستشفى كلها ,
الممرضة هزت راسها بخوف : حـ حاضر ,
وبكده لارا عاشت على ان عندها ولد واحد ربته بسعادة بالرغم من غياب جوزها الدائم الا ان (( بارك < اسم الولد )) كان مالي عليها البيت ,
أنت تقرأ
التوأم المختلف
Fanfictionبدأت القصة في تلك الليلة التي غيرت مجرى حياة الجميع، عائلتان مختلفتان في شتى النواحي لكن هنالك من يجمعهما معا، حتى اتى ذلك اليوم بعد 23 سنة اجتمعا. هو طلب شيء مستحيل و الاخر يأس و الطلب كان بمثابة بصيص الأمل... لكن ما لم يعرفها أن كل شيء سوف يتغير ب...
