ندى حضنت ضهره وفضلت تعيط زي العيال : قولتلك لا مش عايزة ارجع خليني معاك انا مش هعوز منك اي حاجة غير اني ابقا جمبك
هيتشول فضل واقف لثواني وبصوت مخنوق : خلاص خليكي
ندى اتنهدت براحة وفكت ايديها اللي كانت مكلبشة فيه
هيتشول بصلها بحزن
ندي كانت مبتسمة زي العيال : وحشتني يا استاذ هيتشول
هيتشول بابتسامة مزيفة : اممـ
ندى ببوز زي العيال : ايه اممـ دي قول وانتي كمان
هيتشول هز راسه عشان يسكتها (اه) : وانتي كمان
ندى انشكحت وسابته ومشيت ناحية اوضته وهي بتتكلم : نسيت فستاني هنا
دخلت الاوضة ووقفت ف مكانها والابتسامة اتبدلت بنظرة حزينة اما شافت فستانها مرمي عالارض
هيتشول بص ناحية الاوضة اللي ندى دخلتها وبان على وشه الزعل
دخل البلاكونة يعمل مكالمة , ف الوقت ده ندى جابت الفستان من عالارض ونفضته وعنيها بتدمع اما تفكر ان هيتشول رماه كده ,
دورت ف الجيب عالعروسة ملقتهاش ,
راحت تسأله عليها وهي متعصبة
ندى بتدور عليه ف الشقة : هيتشول انت ازاي ترمي فستاني كده
هيتشول خارج من البلاكونة وف ايده الموبايل وراسم ملامح باردة على وشه : معلش اصله مش مقاسي
ندى وقفت قدامه وهي حطة اديها ف وسطها : بتهزر؟ انت ليه بتعمل كده؟ يعني للدرجادي كارهني عشان ترمية بالطريقة دي
هيتشول ببرود قاسي : ايه اللي يخليي اطبقه واشيله ف دولابي مثلا؟
نسيتيه وانا عارف اني مش هشوفك تاني ابدا هحتفظ بيه ليه؟
ندى فضلت بصاله من غير مترد : بس انا مفكرتش ابدا اني مش هشوفك تاني
هيتشول حس انها ماسكة سكينة وبتغرزها فيه بالراحة
قربت منه ولمست ايده برقة
ندى : وحشني احساسي وانت ماسك ايدي وبتجري بيا
هيتشول سحب ايده بعيد عنها وهو مكشر : بطلي الهبل ده
ندى بعنين سهتانة : حتى لو كانت تصرفاتك باردة ايدك دافية انت مش قاسي انت بتمثل القسوة بس ليه؟ هو ده اللي مش فهماه
هيتشول راح قعد عالكنبة وشغل التلفزيون
ندى راحت قعدت جمبه بطفولية
هيتشول عينه عالتلفزيون بس مش شايفه ولا سامعه , كل حواسه بتفكر فيها , وهي بكل بجاحة كانت بتتفرج على وش هيتشول مش التلفزيون
أنت تقرأ
التوأم المختلف
Fanfictionبدأت القصة في تلك الليلة التي غيرت مجرى حياة الجميع، عائلتان مختلفتان في شتى النواحي لكن هنالك من يجمعهما معا، حتى اتى ذلك اليوم بعد 23 سنة اجتمعا. هو طلب شيء مستحيل و الاخر يأس و الطلب كان بمثابة بصيص الأمل... لكن ما لم يعرفها أن كل شيء سوف يتغير ب...
