هالة كانت نايمة بين ايديه بسلام وهدوء لكن هو مقدرش حتى يغمض عينه , كان بيفكر ايه اللي ممكن يحصل بعد الحركة اللي هو عملها دي ,
اما اتطمن ان هالة نامت , حب يقوم من جمبها ويتابع كيو ويخليه يتابع ريووك ويعرف منه ليتوك راجع امتة بالظبط
قام من جمبها وفتح باب الاوضة يخرج منها , قفل الباب وراه
وهنا اميرة خرجت من الحمام وهي بتهرش ف راسها وتتاوب
واما شافته وقفت مكانها وفضلت بصاله باستغراب عادي , واما ركزت شوية ف وشه برأت وحطت ايدها على بؤها
بارك من اول ما شافها حس انه مش مستوعب الموقف مش عارف يجري منها ولا يجري عليها يكتم بؤها ولا يعمل ايه
بارك بيشاورلها بايده تهدا : ايوة انا بارك اهدي وانا هفهمك كل حاجة
اميرة بتهتهة : انت بتعمل ايه هنا؟ وايه اللي خرجك من اوضة هالة
بارك بوشوشة : ممكن تهدي وانا هقولك كل حاجة
اميرة بتدور على موبايلها , بارك حس بتهديد راح وقف قدامها
بارك : من فضلك يا اميرة انتي عارفة ان ليتوك لو عرف ممكن يقتلني - انتي اكيد مش عايزة ده يحصل
اميرة وهي عاقدة حواجبها وبصاله بغضب : اطلع برة يا بارك
بارك بوش خالي من التعبيرات : مقدرش
اميرة رفعت حواجبها متعجبة : نعم؟
بارك : مقدرش ابعد عن الانسانة اللي بحبها ف الظروف دي لازم ابقا جمبها باي شكل
اميرة فضلت بصاله بنظرة شك مش مصدقاه : انت عايز تفهمني انك بتحب هالة؟
بارك هز راسه بجدية : اه بحبها
اميرة راحت قعدت وهي حطة ايدها على راسها : انا مش فاهمة حاجة
بارك قعد اما حس ان اميرة عندها استعداد تسمعه وحكالها الحكاية كلها وقالها ان دخل البيت انهاردة على انه ليتوك , بس محكالهاش انه مريض بالسرطان قالها انه ميقدرش يصارح ليتوك بحبه لهالة ف الظروف دي
اميرة : وانت متوقع اني اساعدك ف الكدب ده؟
بارك : بالرغم من اني معرفش انتي بتعملي ايه هنا وايه علاقتك بليتوك وهالة بس انا برجوكي لو هالة يهمك امرها سيبيني ابقا جمبها على اني ليتوك لحد مييجي واختفي انا
اميرة اتنهدت بحيرة : وفكرك هي مش عارفة اخوها
بارك : انا هعمل كل اللي اقدر عليه عشان متحسش اني مش اخوها وياريت تساعديني
اميرة : انت كده بتطلب كتير - لو افترضنا اني هتجن واسيبك تمثل انك اخوها اكيد مش هساعدك كمان ولو ليتوك عرف انا مش مسئولة
أنت تقرأ
التوأم المختلف
Fanfictionبدأت القصة في تلك الليلة التي غيرت مجرى حياة الجميع، عائلتان مختلفتان في شتى النواحي لكن هنالك من يجمعهما معا، حتى اتى ذلك اليوم بعد 23 سنة اجتمعا. هو طلب شيء مستحيل و الاخر يأس و الطلب كان بمثابة بصيص الأمل... لكن ما لم يعرفها أن كل شيء سوف يتغير ب...
