ندى ماسكة ف دراع هيتشول : الدنيا بقت ضلمة اوي يا اسمك ايه
هيتشول : هيتشول -_- وسيبيني عشان لو حد هجم علينا هتلخميني
ندى سابت دراعه بزعل ومسكت ف حرف تيشرته
هيتشول نفخ بزهق : انا مش فاهم انتي خايفة كده ليه عالاقل لو اتمسكنا هيرجعوكي اوضتك - لكن انا هتدبح
ندى وقفت ودبدبت بزعل : متقولش كده بقا
هيتشول بصلها وضحك باستهزاء : خايفة عليا؟
ندى ببوز : ايوة طبعا انت جاي تنقذني مش عايزة يحصلك حاجة
هيتشول فضل باصصلها وبعدين كح ومشي وسابها
ندى جريت وراه : استنا يا استاذ هيتشول خدني معاك والنبي
~~~~~~~~~~~~~~~~~~~~~~~~~~~~~~~~~~
وف بيت كيو , كيو داخل ينام : متنساش بكرة هتنزل الشركة وترجع بيت اهل بارك انا مش هفضل شايلك على كتفي الشهر كله
ليتوك تف على كيو بعد ما دخل اوضته ,
كيو سمع ورجع تاني بصله بعصبية ,
ليتوك عمل نفسه بيعطس : يااااه انا اخدت برد ولا ايه؟
كيو بصله من فوق لتحت ودخل ينام ,
ليتوك ضحك وبعدين عينه جت على الكنبة اللي وقع تحتها الانسيال بتاع اميرة , قام وعلى وشه تعابير سخرية ممتزجة بسعادة , رفع الكنبة بايد واحدة وحركها من مكانها ووطى جاب الانسيال وفضل باصصله وهو بيفتكر الموقف اللي جمعه باميرة ويضحك بصوت مكتوم
شال الانسيال ف محفظته وقال ف نيته ان تاني يوم هيكلمها عشان يقابلها ويديهولها
~~~~~~~~~~~~~~~~~~~~~~~~~~~~~~~~~~~
في حين كانت اميرة صوت خناقها مسمع الشوارع المجاورة
اميرة : يعني ايه ده قرارك وانت حر فيه !!!! هو انا مش بنتك؟؟
ابوها : انا مش هعمل حاجة غلط انا هتجوز - ده من حقي
اميرة : لا مش من حقك انا استحالة هرضا بمرات اب - انت ازاي تعمل كده؟ نسيت ماما بالسرعة دي؟
ابوها : انا حبيت امك الله يرحمها وعمري ماقصرت معاها ومش معنى اني هتجوز اني كده بخونها ولا بكرهها - انا بس كبرت وعايز اللي يراعيني
اميرة راحت مسكت ايد ابوها وبصتله بعنين مدمعة : انا موجودة
ابوها هرب بنظره بعيد عنها : انتي بكرة تتجوزي وتسيبيني انتي كمان
اميرة بعصبية : ايوة بقا قول ان انت مشيت ف موضوع جوازي عشان تخلص مني وتبقا براحتك مع العروسة الجديدة
أنت تقرأ
التوأم المختلف
Fanfictionبدأت القصة في تلك الليلة التي غيرت مجرى حياة الجميع، عائلتان مختلفتان في شتى النواحي لكن هنالك من يجمعهما معا، حتى اتى ذلك اليوم بعد 23 سنة اجتمعا. هو طلب شيء مستحيل و الاخر يأس و الطلب كان بمثابة بصيص الأمل... لكن ما لم يعرفها أن كل شيء سوف يتغير ب...
